أبو الفشله والاحراج ...لاتفوووووووتكم



صفحة 1 من 3 123 الأخيرةالأخيرة
النتائج 1 إلى 4 من 11

الموضوع: أبو الفشله والاحراج ...لاتفوووووووتكم

  1. #1
    محررة بيت حواء الصورة الرمزية العطوفه
    تاريخ التسجيل
    Aug 2006
    الدولة
    بعد الأذان مباشره
    المشاركات
    2,754
    معدل تقييم المستوى
    16

    أبو الفشله والاحراج ...لاتفوووووووتكم

    ابو الفشله والاحراج

    --------------------------------------------------------------------------------

    هذي بنت تحكي عن قصتها المؤساويه وتضحك بنفس الوقت وهي تعاني من نقص في الخطاطيب الي يدقون على باب بيتهم
    مايحتاج اشوقكم اكثر اقروها وشوف
    كنت قاعدة أتفرج عالتلفزيون ... متابعة مسلسل ..
    وجاء مشهد زواج وحدة من الشخص اللي تحبه من زمااااان ...
    قلبت القناة على قناة ثانيه ...
    لقيت عرض أزياء فساتين عرايس...
    قلبت القناة .. لقيت خطوات وضع مكياج العروس ...
    سكرت التلفزيون وجريت الونة " تنهيدة كبيرة " تشقق الصدر

    التفت عليّ أبوي اللي نسيت تماما انه كان جنبي ... قال لي أبوي :
    خير إن شاء الله يابنتي ؟! وش فيك ؟! عسى ماشر ؟!
    أنا تلخبطت ساعتها وفتحت له التلفزيون وقعدت ساكتة ...

    إيه أكيد بسكت وش أقول؟ أقول له ودي أعرس؟؟؟ ( يعني أتزوج بالعربي) ..
    أقول له إن صاحباتي اغلبهم تزوجوا ؟؟
    وإلا أقول له إني تمنيت أكون مكان بنت خالي في كوشتها وفي الزفة أمس ؟
    يقطع الدراسة وسنينها ياشيخ ...
    أوف والله غثا .. يا بخت جداتنا ماتطق الوحدة العشر سنين إلا هي مخطوبة ..
    وعلى ال 13 أعرست ..
    وان وصلت البنت 18 ما اعرست قالوا عانس!!!
    هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...
    أخخخ .. يُبه الله يفتح عليك وتخليني اعرس ... وتفكني من الدراسة ...

    وساعة انا غارقة في قاع هذي الهواجيس ويرن التلفون ويقطع حبل افكاري ...
    طالع الرقم ابوي وقال رقم غريب ... رد بلهجة رسميه :

    وعليكم السلام .....
    الله يسلمك .....
    الحمد لله بخير .....
    ايه أنا أبوفلانة (منيب قايلة لاحد عشان محد يعرفني ويضحك علي) ..
    لا منت غلطان انا هو ...
    ماعليك زود الله يسلمك ...
    من معاي ياخوي ماعرفتك ...
    والنعم .... تفضل وش السالفة اللي تبيني فيها ؟..
    لا ماني مشغول ...
    لهالدرجة الموضوع مهم ؟!...
    تفضل تكلم شغلتني ...

    والتفت أبوي علي وعطاني نظرة غريبة ..
    أنا ساعتها قرصني قلبي مو من ردود أبوي بس من نظراته الغريبة ..
    رد أبوي على المتصل : وش فيها زود طيب ؟...
    لا بس مافيها أي ميزات عن الباقي ...
    أقول في نفسي ..
    ودي أرجفك يبه واخذ السماعة منك واكلم الرجال ناشر غسيلي حتى عند الرجاجيل ..

    رد ابوي على المتصل : طيب وبعدين ... أيوه ....
    طيب إيش اسمك الكامل ؟
    إيش تشتغل بالضبط ؟
    طيب من دلك علي وعطاك رقمنا ؟
    لا الموضوع يا ابني مو بهالبساطة ....
    العملية مش بيع وشرى وبس ...
    الواحد لازم يسأل كثير ويحرص قبل يقدم على أي خطوة ...
    لا موضوع انك تجي لبيتنا خليها بعدين ...
    لين أسأل عن كل صغيرة وكبيرة ...
    لا لما اكتفي من السؤال وأخذ المعلومات اللي تكفي ..
    باتصل عليك تجي ونتفاهم ويكون خير إن شاء الله ..

    أنا كنت أتابع حركات أبوي وأنا متشققة من الفرحة ...
    أخيراً انخطبت وبتزوج مثلي مثل غيري ...
    يوووووه أخيرا بلبس فستان أبيض منفووووووش
    أخيرا بطلع أجهز واتقضى للزواج ...
    بسوي زواج كبير مررررررة
    وبحط زفة ريميكس وطرحتي مابيها خليجية بخليها مبتكرة ...
    منيرة منيب عازمتها هي وخواتها ماعزموني الأسبوع اللي فات على الدي جي اللي سووه ...
    وحصة صديقة امي منيب عازمتها بعد مطوعة مالي خلقها تحوسني لو حطيت ((أورق)) ...
    وبشتري أغراض واشيل واحط واخطط ... بيصدع راسي بس ولو لذيذ هالصداع ...

    يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
    - هاه يبه ؟ متى بيجي يشوفني ؟
    - منهو
    - هذا اللي خطبني تو
    - وشو؟!
    - خطيبي اللي تو
    - تموووووونين انتي ووجهك صار خطيبك على طول ماعندك وقت !؟!..
    - ايه يبه ترا احذرك هالمرة شف تكرش العريس ..
    مثل ماكرشت ولد أم مساعد العام الماضي .
    للحين تراها حازة في نفسي ..
    ترا هالمرة بضرب عن الدراسة ...
    والا الاكل مقدر اضرب عنه ...
    وجع يبه بعنس من تحت رأس فعايلك بخطاطيبي ...
    والرسول حث على تزويج من ترضون دينه وخلقه ...
    وهذا الخاطب قايل قلبي انه أجودي .. ترا ما اعرفه بس اتوقع انه كذا...
    وترا العرس أهم من الدراسة عشان الجنس البشري ماينقرض ....
    وبعدين من قال لك اني منيب مكملة دراستي والله بكمل
    حسيت ان عيون ابوي بتطلع من شدة علامات التعجب اللي في وجهه ..
    بعدين انفجر من الضحك .
    - هي انتي وين رحتي ... حدك حدك لا تشطحين !!!
    - وش اشطح ؟!
    هذي الحقيقة يبه والحقيقة ماتزعل ..
    وانت الله يطول لنا بعمرك علمتنا على الصراحة وحب الحقيقة
    - أي عريس وأي هم؟؟!!
    انتي مصخنة ؟؟
    هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..
    قومي نامي يابنيتي .. ولا تكثرين قعده قدام التلفزيون ...
    الحين بس عرفت ليه سكرتيه تو...
    أنا لا تسألون عن وجهي ...
    الله يقطع أم العجلة اللي تعرفونها ....
    مشكلتي إني أجزم على طوووووول قبل أتأكد

    استروا ما واجهتوا

    انتهت القصة



    ايش رايكم في القصه


    منقوووووووله

  2. #2
    عضوة نشيطة الصورة الرمزية ورقة خريف..
    تاريخ التسجيل
    Dec 2007
    الدولة
    صميم القلب..
    المشاركات
    92
    معدل تقييم المستوى
    12
    ههههههههههههههههه


    رهييييييييييييييبه..

  3. #3

  4. #4

صفحة 1 من 3 123 الأخيرةالأخيرة

المواضيع المتشابهه

  1. صور جليد يلتصق با الاشجار والادراج
    بواسطة جرررح في المنتدى صورXصور
    مشاركات: 3
    آخر مشاركة: 11-03-2011, 12:50 AM
  2. حتى الشقا منك رافقته وحبيته....؟قصه روووووعه لاتفوووووووتكم
    بواسطة رجوع وردة سلام في المنتدى القصص , روايات
    مشاركات: 8
    آخر مشاركة: 23-12-2010, 07:27 PM
  3. لاتفوووووووتكم الصوره العجيبه
    بواسطة طــفــلــةالــورد في المنتدى صورXصور
    مشاركات: 7
    آخر مشاركة: 23-01-2010, 12:47 AM
  4. مقابلة مع شغالة 000 لاتفوووووووتكم 000
    بواسطة رقة وذوق في المنتدى استراحة
    مشاركات: 11
    آخر مشاركة: 27-09-2007, 03:36 PM
  5. مقابلة مع شغالة 000 لاتفوووووووتكم 000
    بواسطة رقة وذوق في المنتدى ركن المواضيع المكررة
    مشاركات: 11
    آخر مشاركة: 27-09-2007, 03:36 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |