السلام عليكم ورحمة الله وبركاته
كيفكم يالغاليات ،، عساكم طيبين ان شاء الله
احبتي ،، تعلمون اننا الان في وقت اختبارات ،، ودراسة حيييييل ،، والاختبارات عالابوابــ
احببت ان اطرح هذا الموضوع علّي ان ارى منكن من هن ذوات همم عالية ،،
وتشجعنا على الدراسة ،، وتنظيم اوقاتنا ،،
انا الان طالبة ثانوية عامة ،، وكل املي اني احصل على نسبة عالية تؤهلني ان ادخل المجال الذي ارغب
وهو الطب .. اللهم امين ،، وهذا امل والديّ ايضا ،، واملي في هذه الدنيا ان اسعدهما
واقل ما اقدمه لهما هو ان اتفوق في دراستي ،،
ومشكلتي السنة هادي ما ادري كل الكسل طب عليا ،، مذاكرتي ماتتجاوزش 40% الا اني الم بالمواد ولكن هذا لا يكفي،، بصراحة انا بغار جدا لما الاقي زميلاتي سبقوني بالدراسة ،، ولما الاقيهم منظمين وقتهم
وعاملين جدول للدراسة ،، والله انا نفسي اعمل جدول وانتظم عليه ،، لكن مابقدرش الا تحصل ظروف تخليني اسيب الجدول اللي عملته وبالتالي ماادرسش،،
وعايزاكم تشجعونى حبيباتى وتنفزو معايا
اكيد كلنا بنروح مدارسنا او جامعاتنا الصبح وبنرجع الظهر او العصر تقريبا ،،
المهم
لما ترجعى تتغدى ( طبعا صلاتك مقضياها كلها ) وبعدين تنااااااامى
وبعدين
تصحى الصبح تروحى المدرسة او الكلية...
لا بجد تنامو ( متهيالى 9 ساعات كويس ) او حتى 8 ساعات
وتصحو عالساعه 3 كده او 4 ( هتقولو ده صعب طبعا فى الشتاء ) الواحد عايز يتدفى تحت اللحاف بصراحه عندكم حق
بس لازم تقومى شجعى نفسك وروحى اتوضى وصلى ركعتين قيام ليل ( كده هتصحصحى ) وقولى دعاء المزاكره وتوكلى على الله
واحتسبى الاجر عند مذاكرتك فى اكتساب الحسنات
على فكره الوقت دا 3-4 الفجر طبعا دا اجمل وقت للدراسة يكون المخ متفتح
وبعدين صلى الفجر واقراى قران بعد ماتكونى ذاكرتى كم كويس وبتركيز
بعدها هتلاقى الشرووووووق روحى افطرى واستعدى للذهاب لمكان دراستك لمدرستك او كليتك
هتحسى كده انك عملتى حاجه كويسه ونفسك هتتفتح انك تعملى ده كل يوم
انا نفسى اعمل ده طول حياتى معملتش الا ( ايام الامتحانات كمان ) ( وقت الزنقه )
فعشان كده قلت اقولكم عشان ان شاء الله احس ان حد هيقوم معايا
وانه فى ناس كتير هيذاكرو معايا فى الوقت ده وانى مش حادرس لوحدى
يالله يا جماعه اللى هتذاكر معايا تقولى واللى عندها فكره تانيه تقولها
والامهات اللى فى المنتدى كلهم يقولو كده لبناتهم ويساعدونا كمان ( يعنى انتم معانا فى الخطه بردو )
ايه رايكم ؟ هينفع نتعدل ونتلم شويه ونذاكر ولا لا ؟
يارب وفقنا ونعرف نعمل كده كل يوم ان شاء الله . اللهم امين
وجزاكم الله خيرا على قراءة الموضوع
يالله بدي اشوف الهمه واحس انى مش لوحدى
شجعونى واحتسبو الحسنات
محبتكمـ دعدوعـــة
مواقع النشر