هذا الموضوع بس للي تدخل شات .. واللي ما تدخل شات هذا الموضوع ليس لها ##
[align=justify]اخواتي حبيباتي ..
ابغى اسأل سؤال لكم ..
ليش تدخلين الشات ؟؟؟؟!!
هل انت محرومة من الحب ؟؟
هل أنت محرومة من الكلام ؟؟
أولاً :
1) اذا كنت محرومة من الحب بمعنى ابوك ما يهتم فيك امك مطنشتك فهذا للسبب الاول منك انت يعني تعتقدين انو لو انت جيب اليوم سلمت على راسه وقلتيله كيفك يبه ؟؟ واليوم الثاني سلمتي على يده وسألتيه كيف الشغل يعني بالتدريج مو فجأة كذه وبقيتي تسلمي عليه ومرة تسويله عصير بيدك انت ومرة عزمتيه على كاس شاي تعتقدين انو حيبقى هاملك ؟! لا والله حتى لو فيه اباء كذه على الاقل حيهتم فيك شوية وعلى فكرة بعض الاباء لا يحسنون اظهار مشاعرهم يعني مو مسئلة مو مهتم فيك بس هو يمكن يخجل انو يظهر لك اهتمامه ..
ولو امك مطنشتك فعذا ايضا منك يعني لو انت في البداية جيتي من المدرسة قلت السلام عليكم يمة وبعد كم يوم بستي يدها وبعد كم يوم بستي راسها وبعدين بدأت تساعدينها في شغل البيت ولو انك بس تظهريلها انك حريصة على مساعدتها او انك تنظفي على الاقل غرفتك ومرة تنظفي البيت مرة وحدة في السنة هل تعتقدين انها بتظل على اهمالها لك ؟؟
2) حتى لو كنت محرومة من الحب تعتقدين انك في الشات بتحصلينه ؟؟ لا والله .. بعض البنات يقولوا انو انا ما اكلم شباب انا اكلم بس بنات أولا ايش عرفك انو مو شاب وانو هو بنت ؟؟ ثانياً : قال صلى الله عليه وسلم : " الحلال بين والحرام بين وبنهما أمور مشتبهات لا يعلمهن كثير من الناس فمن اتقى الشبهات فقد استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يقع فيه الا وان لكل ملك حمى الا وإن حمى الله محارمه الا وإن في الجسد مضغة فان صلحت صلح الجسد كله وان فسدت فسد الجسد كله الا وهي القلب " فانت ليش تحطين نفسك في موضع شبه ؟؟!!
3) انت تقدرين تعوضين هذا الفراغ العاطفي بالتقرب من الله والله انك لتجدين فيها لذة يعجز اللسان عن وصفها وهي لذة القرب من الله واسألي مجرب والله انا جربتها ومستحيل بإذن الله أن اتركها جربيها ووالله لن تندمي ..
ثانياً :
انت بالتاكيد لست محرومة من الكلام يعني تقدري بايميلك هذا انك تعطينه لبنت عمتك او بنت خالك او اي وحدة تثقين بها بدلا من التحدث في الشات او مو لازم مرة تتكلمي مع احد في النترنت .. الدنيا ما بتطير لو اتكلمنا في التليفون او الجوال او ننتظر الزيارات او لديك صديقاتك في المدرسة احكي كل اللي تبغيه .. تعرفيه احسن من اللي ما تعرفيه .. صح
أسأل الله تعالى أن يهدينا ويوفقنا ويعز الاسلام والمسلمين ودمتن في رعاية الله ..
[/align][/align][/align]
رد مع اقتباس
مواقع النشر