--------------------------------------------------------------------------------
--------------------------------------------------------------------------------
السلام عليكم ورحمة الله وبركاته
مرحبا بكل العرايس الحلوين في البدايه هذا اول موضوع ليا وارجو انكم تستفيدون منه .
لاحظت انه كثير يسالون عن المسك ؟واستخداماته وانواعه؟
بقولكم انواعه واستخدام كل نوع بس مع الاسف انا مبتدئه وما اعرف انزل صور
يالله نبدى :فيه المسك السايل يجي في قاروره زي حقت العوده ولونه ابيض وممكن شوي اصفر وهذا نستخدمه لاستحمام يعني بعد ما تتروشي خذي منه كميه حسب جسمك واخلطيه مع زيت الاطفال ولمن تخلصي ترويش حطيه على جسمك كله ما عدا المنطقه الحساسه وشوفي كيف ريحتك بتصير
والنوع الثاني :المسك اللي لونه اصفر وريحته مره قويه ويسمونه مسك عبد الصمد القرشي وهذا نستخدمه للملابس نطحنه لين يسير ناعم ونخلطه مع موية ورد وممكن تحطي شويه من السايل معاه وتحطينه في علبة رشاش وترشين به ملابسك وخاصه الداخليه للمتزوجات بتسير ريحتها خيال.
والنوع الثالث والاخير:هو مسك الطهاره :ولونه ابيض والافضل مسك القرشي ويجي مربعات كبيره اكبر من المسك الاصفر وممكن تسالي اي عطار عنه بس قوليله حق الطهاره ولازم يكون لونه ابيض وهذا اخلطيه مع مويه معدنيه وموية ورد بنسب متساويه وبعدين ابشري المسك عليه واستعمليه بعد الدوره لمدة ثلاثه ايام واستعماله يكون بأنك تحطيه في قطنه وتمسحي المنطقه الحساسه والخلفيه فيه .واذا كنتي بتستخدميه بعد الدوره بايام ممكن وفيه متزوجات وانتبهوا لكلمة متزوجات يتبعوا اثر الدم بقطنه فيها مسك حق الطهاره لو اني ما فضل هذي الطريقه؟!بس كل وحده تستخدمه بالطريقه اللي تريحها
وبكذا خلصنا الموضوع وما عاد فيه وحده بتسال عن المسك واستخدامه.
ما احلل اي وحده تنقل موضوعي بدون ذكر اسمي لانه مو منقول ودمتم بود
--------------------------------
مواقع النشر