احتاج لرأيكم ,,,,,,
صفحة 1 من 3 123 الأخيرةالأخيرة
النتائج 1 إلى 4 من 9

الموضوع: احتاج لرأيكم ,,,,,,

  1. #1
    مشرفه ركن الصوتيات و ركن الحياة الزوجية الصورة الرمزية حبيبة ابوها
    تاريخ التسجيل
    Dec 2006
    الدولة
    ♥ بيـْن ضلوعكـ َأبي وفي حناياكـْ ♥
    المشاركات
    8,949
    معدل تقييم المستوى
    24

    Awards Showcase

    احتاج لرأيكم ,,,,,,

    السلام عليكم ورحمة الله وبركاته


    كيفكم حبايبي وحشتوني ,,,

    اخش في مشكلتي,,,

    انا كنت ساكنه في الشرقيه ودحين نقلت جده لان زوجي سار يشتغل في رابغ ,,,

    رابغ حيعطونا سكن هناك لأن زوجي دوامو حيسير شفتات ,, ومايقدر يروح يضرب مشوار كل يوم من جده لرابغ

    والعكس لأن دا شغلو ع طول ان شالله هناك ,, فَـ صعبه نقعد ع دا الحـال ,,,

    اهلي وأهلو كلهم في جده ,,,

    بابا حبيبي الله يرحمو يارب ,, اعطاني شقه ملك من قبل ما اتجوز ,, وكان فيها مستأجر ,, المهم اي شقه من

    الشقق حقت بابا انا اقدر اختار اي وحده ابغاها ,,, بس المشكله جمب بيت ماما فيه عمارتين

    وحده منها ساكن فيها اتنين من اخواني واتنين دحين مالكين وان شالله حيتجوزو ويبغو يبدؤو يرتبو شقتهم

    واخواني يبغو نكون كلنا في عمارة وحده عشان نكون قريبين مرة من بعض ,, فضيت شقه في الدور التالت

    بس المشكله ام زوجي ماتقدر تطلع درج لأنها مريضة سكر وزوجي رفض الشقه عشان دا الشي,,,

    والعمارة التانيه الشقه ايلي فضيت دحين في الدور التاني ,, ومفتاحها خلاص معايا وكنت مررررررة متحمسه

    نروح انا وياه عشان يشوفها ونبدأ نرتبها ,,, راح رفض قلي رجعي المفتاح لأخوكي ما ابغا,,, اتخيلو !!!!!!!!!!!!

    انا خلاااااااااص طفشششششششششششششششششششششت ابغا استقر ,,انا حاليا" في بيت اهلو

    صراحه مررة مو حاسه اني متجوزة ابا ارتب بيتي البس براحتي استناه لما يرجع اسويلو اكلو اكويلو ملابسو ,,

    اهلو مرة يحبوني ومو مقصرين معايا في حاجه بالعكس انا كمان احبهم ,, بس احيانا" تجيكم حاله طفش تبغو

    تروقو في مكان هاااااااااااااااااااادئ لا بيت اهل ازواجكم ولا بيت اهلكم ,,,,,, انا حالتي النفسيه جدا" سيئه

    ومسدوده نفسي من كل حاجه ,, يقوللي هوه امي ماتقدر تطلع درج ,,,

    رحت قلتلو اسمع احنا حيكون السكن الاساسي لينا في رابغ اما شقتنا في جده راح نيجي ربوع وخميس وجمعه

    وفي الاجازات والاعياد وايام الدراسه حقت الجامعه والاختبارات ,, وماراح ندفع ايجار لأن دا ملكنا ,, وراح نبدع

    في الشقه لأن ضامنين ان شالله انو ماراح نطلع منها ,, قلتلو وامك لما تحس انها كويسه وتقدر تطلع درج اكيد

    راح تجينا ,, المشكله يعني الدرج مو طويل ,,, وقلتلو ازا ع امك احنا ماحنقطعها حتجي ايام نروح نبات عندها كمان

    هيّا اهم حاجه تشوفنا مافرقت معاها فين ,, مع انو بنتها الكبيرة نقلت فيلا ماشاء الله بس ساكنه في الملحق

    في اخر دور عشان ترتب الفيلا وماشاء الله لما توحشها بنتها تروح تزورها وتطلع كل داك الدرج ,, يعني جات ع

    دور تاني ؟؟؟ هيا من زمان ماراحت عندها بس انا قلتلو هيا لو تبغانا احنا نروحلها هيا تبغانا والا تبغا بيتنا كلو

    واحد اهم شي تشوفنا ونشوفها ,, مدري اشبوو ,, زعلت منو قلتلو طبعا" دا بيت ابوك واتربيت فيه ومرتاح فيه

    وملابسك محطوطه في دولاب وانا ملابسي كلها في شنط واكياس !!!!!!! راح قلي حتى انتي ملابسك في بيت

    اهلك ساب كل شي ومسكلي هرجة الملابس بالله اش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    صراحه خلاص انا فاض بيا الكيل قلتلو اسمع ان شالله لو افرشلي فرشه في الارض واجلس عليها وما ابغا احد

    يزورني ولا حاجه ,, بس اهم شي اقعد لووووووحدي في مكان ,,وهوه مافرقت معاه طبعا" انا قلتلو نبغا لما نيجي

    جده نستقر في بيتنا ما ابغا ابات عند احد ونا مجبورة لما ابات ابا ابات برغبتي ,,,طبعا" بيت اهلو ماعندو مانع

    يبات فيه امو وابوه واخوانو معاه وأنا فيه يلا مو ناقص شي يدخل ويخرج ع كيفو لكن انا ابا اتحرك لازم اشوف طريق

    انا أنام في صالون الرجال وصالون الحريم فيه بينو وبين صالون الرجال شباك يعني لما يجو عند اخواتو صحباتهم

    اصواتهم كلها عندنا حتى ايام الاسبوع يكون عندو دوام ولازم ينام من بدري اصواتهم ايلين عندنا توصل حتى ما

    يقدر ينام ,, دا بيتهم همـه احرار لكن اتخيلو انا داخله ع امتحانات ونفسيتي زي الزفت والدورة وانتو بكرامه حتجيني

    بزياده مخليتني عصبيه وحالتي بالبلا,, كنت عند ماما من قبلها بيومين كان في الدوام ارسلتلو مسج كتبت

    حبيبي ابطلب منك طلب ,, من زمان ما جلسنا في مكان لوحدنا ,, (( المشكله كان معودني كل أُف ياخدني

    شقه مفروشه والا فندق نغير جو )) اتخيلو دحين كيف)) خلينا يوم الخميس نروح انا وانته ناخد بس يوم واحد ع الاقل غرفه في فندق ولا شقه مفروشه

    حتى بس ابغيّـر جو ,, لأني طفشت وابا اروح مكان معاك لوحدنا ,,,اتخيلو حتى مافتح الموضوع معايا انا فتحتو

    قلتلو ها حبيبي اش رايك في طلبي ؟؟ راح قلي خليها بعد الاختبارات نغير جو مرة وحده رحت سكتّ وقلت طيب

    ,,يوم الخميس امس ,,, مررررررررررررة كان نفسي اخرج معاه اي مكان ,, كانت فيه صاحبة اختو ,, المشكله انو

    انا انام في صالون الرجال والبنات جالسين في صالون الحريم والبيت صغير اصواتهم وضحكهم واصل ,, وكان فيه

    عامل امس وكان زوجي واقف معاه في الحوش واتخيلو باب البيت قدام باب صالون الحريم بالتمام ولا يقفلو باب

    الصالون الا لما ارسل مسج اقولهم قفلوه حسيت اني بجد تقيله ومو مخليتهم ع راحتهم وسار بيني وبين اختو

    سوء فهم في النهايه وياريت كان جالس معايا امس طول الوقت مع ابوه وزوج اختو ,, وطلبو عشا من برا وانا كنت

    من الربوع ع الغدا ما اكلت شي غير فطيرة صغيرة بالسبانخ الساعه 9 الصباح يوم الخميس وما اتغديت ولما جا

    العشا راحت صحبتهم معاهم المطبخ وحتى ما اعطو خبر انو البنت في المطبخ والمشكله بيتهم صغير كل

    الغرف قدام بعض يمكن مية مرة شافها انا خلاص طفح الكيل عندي ورفعت صوتي ع اختو قلتلها صحبتك

    دي خليها تتفلّـت عادي بس لما تتفلت اعطو خبر لأن اخوكي مايدري ,,, ولما حطو العشا اعتزرت وما اكلت

    طبعا " زوجي انبسط وهيّـص وطلع يلعب في المطر وأكل وشبع وجا يبغا ينام الساعه وحده في الليل وأنا

    قلبي اتقطع من البكا ,, جا قفل النور واتسدح يبا ينام قلتلو اشبك ؟ قال بنام تعباااان ,, قلتلو خلاص انبسطت

    وحتنام خلاص ؟؟ رحت دقيت ع اختي قلتلها تشوف احد من اخواني يجيني وكان موافق ولما دق اخويا ووصفتلو البيت

    راح قلي لا تروحي انا اوديكي بكرة ,,, ودقيت ع اختي لأني كنت محروجه من اخويا اش اقولو ؟ راح دق عليا وكنت

    ابكي بالقوة كتمت البكيه حقتي راح قلي ايشبك تبكي ؟؟؟؟؟؟؟؟؟ قلتلو لا مزكمه راح قلي سلامتك ,,, ونمت بعدها

    من البكا والا انا ماكا فيا نوم اصلا" صراحه قلي قومي ناخد لفه ع البحر

    بس يقوللي ويدخل في النوم شفتو تعبان قلت بلاش مو لازم اروح ,,,بس صحينا الفجر ووداني ابو زيد (( مطعم فول ومطبق ومعصوب رهييب في

    جده )) ووداني البحر كمان رجعت وانا مبسوطه ,,,,,,

    بس قررت قرار :

    انا حأروح بيت اهلي اقعد هناك ع طول ايلين يعطولو فيلا رابغ ,,لأن حاسه اني طفشت اخواتو وهمه في بيتهم

    ساعدوني كيف اقنعو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    انا مررررررررررررررررررررررررررررررة اخلاقي سارت زيرو معاه وأعصب بسرعه ومرة سرت قليلة ادب ,,,وطفشت

    الله يهديه ويقتنع وارتاح انا ,,,,,,,,,,,

    تعبتكم ,,,,,,,,,,,,,,,,,,,,,,,,,,,,,,,,,,,,,,,,,


  2. #2
    مشرفة سابقة محررة بيت حواء الصورة الرمزية هتاف المجد
    تاريخ التسجيل
    Dec 2004
    الدولة
    بين الحرمين
    المشاركات
    3,227
    معدل تقييم المستوى
    30

    Awards Showcase

    أولاً.... أرحب فيك وأحيييك في رابغ..... وحده من بناتها.... وراح تنبسطي فيها بإذن الله...


    ثانياً على قضية البيت والشقة..... أنا أوافقك أن العيش في بيت أهل زوجك صعب... لأنك ماتآخذي راحتك أبداً ...

    وكل شوي تستئذني.....


    لكن هدي أعصابك دحين.... وأشربي لك عصير ليمون.... وبعد ماتروقي..... جيبي ورقة وقلم....


    أكتبي فيها كل اللي بخاطرك.....

    أرسمي جدول بعمودين .... في العمود الأول .... أكتبي كل حاجة حلوة سواها لكي زوجك.....

    وفي العمود الثاني ... أكتبي كل حاجة حلوة سويتيها له....



    وأنسي كل شيء مو حلو....


    وفي ورقة ثانية .... أكتبي مميزات جلوسك عند أهل زوجك..... وبعدين مميزات جلوسك عن أهلك......


    وشوفي أي وحده ميزاتها أكثر....


    وأجلسي مع زوجك يوم هااادي.... وأشرحيله كل أمورك ومشاعرك.... بدون عصبية أو بكا....


    لأن زوجك تلاقيه فرحااان إنه عايش عند أهله ... وإنه رجع لهم بعد فترة طويلة....عشان كذا يقضي أغلب الوقت معاهم....

    حاولي تفهميه إنك مانتي قادرة تعيشي مع هذا الوضع.... وحاولي تجيبي حل وسط..... لو تستأجروا شقة إلييين تحصلوا على الشقة اللي برابغ....


    وإذا كان على موضوع الشقة اللي تملكينها.... يمكن زوجك يحسها صعبة أنه يعيش في شقة زوجته... يحس كأنك تتكرمي عليه بهذي الشقة.... وصدقيني موضوع زي كذا صعب للرجل.....


    حاولي قدر الإمكان..... تتوصلوا لحل وسط..... لو تجلسي عند أهلك أيام الامتحانات....


    أهم حاجة لا تنسي حسنات زوجك .... ولا تنسي فضله عليك.....

    وصدقيني راح يتفهم مشاعرك .... إذا حس إنك مقدره لوضعه.... وحابه أهله.....


    وخففي من عيار الغيرة شوي...... ترى تنبهي زوجك على اشياء هو غافل عنها أصلاً....



    وإن شاء الله ينتهي الموضوضوع على خير.....



    ومتى ما وصلتوا رابغ.... أديني خبر...... تلاقيني في استقبالك







    مع خالص حبي...................

  3. #3
    نجمة بيت حواء الصورة الرمزية ام بسملةوسما
    تاريخ التسجيل
    Nov 2007
    الدولة
    ايطاليا
    المشاركات
    569
    معدل تقييم المستوى
    12
    انا مع الاخت هتاف وربنا يعينك ويهدي لكي زوجك

  4. #4
    محررة مبدعة الصورة الرمزية ونعم بالله
    تاريخ التسجيل
    Nov 2006
    المشاركات
    8,675
    معدل تقييم المستوى
    22
    الله يهدي لج زوجك ويصلحه والاخت هتاف ماقصرت في الرد وانا معاها وصدقيني انا حاسه فيج لاني عشت 11 سنه تقريبا
    الزوج عمرة ماراح يحس بضيق من حياه مع اهله هو تربئ في هالبيت الدور والباقي علينا احنا اللي نتعب مو عن شي بس الهدوء والاستقرار وما تكونين على راحتج الله يسر الامور يااااارب

صفحة 1 من 3 123 الأخيرةالأخيرة

المواضيع المتشابهه

  1. أختكم أم شهد بحاجه لرأيكم ضرورى
    بواسطة ام شهد2008 في المنتدى الحمل والولادة
    مشاركات: 11
    آخر مشاركة: 21-01-2012, 01:52 AM
  2. أرجوكم يا بنات أنا فى حاجه لرأيكم بسرعه لو سمحتم
    بواسطة الصقراويه في المنتدى الحمل والولادة
    مشاركات: 15
    آخر مشاركة: 10-07-2008, 08:57 PM
  3. ارجوكم مدوا لي يد المساعدة لاني محتاجة لرأيكم
    بواسطة 94_omnia في المنتدى اسرار البنات
    مشاركات: 8
    آخر مشاركة: 13-09-2007, 02:34 AM
  4. بنات لو سمحتو ا أدخلوا جميعا أنا في أمس الحاجه لرأيكم
    بواسطة ورقة عنب في المنتدى الحمل والولادة
    مشاركات: 13
    آخر مشاركة: 08-05-2007, 11:45 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |