تعااااالو شوفوا عمايل شلةالسواليف دوخونا سبع دوخات

[{~جوود~}]

سالخير

يالله تحيهن ...

وياهلا ومسهلا ...

إلا وش عندكن داخلات على الموضوووووع .. إيه أدري هذي اللقافة وماتسوي وحبكن للهذر يمال الصلاح ...

الموهم خلونا ندخل بالسالفة اللي بغت تهز منتدانا حتى كاد أن ينفجر لولا لطف الله بنا <<<اخص ياجود ترطنين

عربي ...

كنا يابنوتات وياحرومات ..كنا نسولف شلة وش كثرنا <<<قولوا ماشاء الله ...

الأعضاء كانوا جووود اللي هي أنا >> اقول احلفي بقوه ... ونوارره (يالله تسعده) .. شجون الموج(مرة ولد نيوجرسي) ..

أنورووري (يالله صلاح العطا) .. طفلة الورد ..(اللي كله برائة واذا تنشقتوا ريحته ألاه تفوح ورد ) >>> بس بوضوعنا خرّبت

أم البراءة ... (الفجر البعيد )>>>> بالله عليك متى فجرك يقرب

بحر من العطاء (هي والله من ناحية السواليف بجد عندها عطاء وبقوه) .. دموع الرحيل (وشوله هالدموع يابعد

تسبدي )..واقتصاد <<<هذي عضوة جديده (أخت وجن) بس طلعة يمال الصلاح تحب الهذر ..

عاااد العذر والسموحِه تساني نسيت أحد <<< لغير الناطقين باللغة الماكسيكية (كان نسيت ) ..

المهم بينما نحن كنا مندمجين بالخرط والهذر فإذا بالصفحات توصل ل0 .. <<<حريم مايملن جعلكن للصلاح ...

قمت أنا والأخت أنورري الله يجزاه خير ننبه البنات اننا لازم نفتح صفحتن جديدِه (يعني موضوع جديد )

عشان خاطر ملووحة نبهتنا أنه لاوصلنا للعشرين نروح نفتح موضوعن ثاني <<<حنا لو اننا سالمين من هالتنبيه كان صرنا

بخيررر ...كله منتس ياملوحة .. >>>> قلبنا على ملوحة خخخخخ

انا ماامدان أقول يابنات وحدتن منكن تنقز بسررعة وتفتح موضوعن ثاني عشان ننقز له معه إلا

يمال الصلااح 3 عضوات يحبن الهذر نطن بسم لله علينا تقل مخروشات وراحن يفتحن موضوع

صار عندنا كم موضووع للهذر ..
يعني بالعربي ما ندري الجَمعِة عند مين ؟؟

شجون افتحت مووضع .. الله يصلحه هذا (لونه) <<< لغير الناطقين بالمكسيكيه (طبعها) تحب العجِلِه

وبنفس الوقت طفلة الورد راحت وفتحت موضوعن آخر للخرط ..

والأخت الجديده (اقتصاديه ) راحت من شفاحته على الهذر وافتحت موضوعين ..<<<<وينه وين الإقتصاد هذي

الله يصلحه سوت زحمة بالمنتدى .. لا والمشكلة انه جديده ما شاء الله عليه بطق الحنك أحسن منا

قال إقتصاديه قال .. مير الإقتصاد من شنق وهي من شنق <<< لغير الناطقين بالمكسيكية شنق تعني جهه ..

الموووووووووووووهم ..

مير أنا يستدير رااسي ....

ما أدري اسولف بذا الموضوع ولا بذاك ... ماندري نقلط عند أيهن ...ونوااره تصيح من جهة وتقوول يابناات

تكفن داخلتن على الله ثم عليكن انكن تِجَمعَن بموضوعن واحد ... وتصيح ياتسبدي تسبده من رااسه صااكه ..

من الدوران والتفحيط بين مواضيع السواليف <<< إلا من الشفاحة على السواليف خخخ

وأنا بدت تسبدي تلعب >>>>لغير الناطقين بالمكسيكية يعني (لاعت جبدي)

وجان حومان من الدوران >>> لغير الناطقين بالمكسيكية (حومان ) تعني غثيان

المهم طاحت رجليني وانا أركض من موضوع لموضوع .. وحوّلت عيوني

لا والمشكلِه زودٍ بالنعمة انهن يتخانقن (يتهاوشون) وكل وحده تحلف علينا ان القهوه عنده ولا عليه الطلاق ان ماتقهوينا

عنده عاد دام السالف به حلف وطلاق .. صار الوضع متدهوور جدا جدا بالحيل .. وذيك الساعة تمنيت ان ملوحة معطيتن مفتاح عشان أقفل المواضيع كلهن وطفي لمبات المنتدى كل ابووه واقولهن يالله طِسَن نامن بفرشِكِن >>لغير الناطقين بالمكسيكية (طسن نامن) تعني روحوا ناموا لكن هذه الكلمة تقال عندما يكون الواحد معصب بالحيل ...
المووووهم ....

ومير من كثر ما درت وتعبت وطاحت رجليني إلا وتصك براسي هكالفكرةَ اللي ما مثله أبد و تبين لكم مدى الحكمة

اللي الله منعمِن علي به ...>>>> أقول أها لايكثر بس ...

وقووم وروح لمواضيعهن واقول ابشوف من اللي فتحت الموضوع أول نروح ونتقهوى عنده نحسبه بالدقايق
ومير أروح أركض من ومنا وتطلع الأخت إقتصادية هي أولهن سبفتهم بدقيقه >>>ماقلتلكم تحب الهذر.. والإقتصاد بوادي وهي بوادي ومن زود حبه للهذر كاتبته مرتين يمال الصلاح ....
المهم وتقوم نوااره يابعد تسبدي وتطير بين المواضيع وتجمع البنياات وتقولهم ترى القهوه عند اقتصادية والتزابله >>>(لغير الناطقين بالمكسكية التزابله (القابله) تعني غدا ) عند
طفلة الورد وعقبه نصير عند شجوووون .... بس المشكلِه ان نواااره انغثت من بحر من العطااء عجزت تصيده
كل شوي ناطةٍ البنت من موضوع لموضوووع ما شاء الله عليه تحب الهذررر
عاد اشوى بالتالي وتلقااه سابقته تقهوى عند اقتصااد ..
بس أنا الشهد ان نوااره تعبت بالحيل من كثر ما طاردت ورا البنات ...
والظاهر انه عقب ما خلصت من السواليف راحت تدهن رجلينه بفقس

عاد خبركن الفقس ما مثله لوجع الرجلين <<<<< الأخت بتدخل موضوع جديد عن الطب خخخخخ
ومير اشوى وتنحل المشكلة وكله بفضل الله ثم هالمخيخ ...

عاااد الصدز الصدز الصدز انهن صكن راسي جدا جدا بالحيل

وانا اشهد انهن دوخنا السبع دوخاات على قولة الأخت نوووواره .....

وسلامتكن من كل شر

[[الفجر البعيد]]

هههههههههههههههههههههههههههههههههه

اجل ياجود انا الحمد لله مادخلت غير الساعه 3 الفجر اول مره ادخل متاخر ربي يحبني

عاد انا كفايه دوخه اللي فيني

ههههههههههههههههههههههههههههههههههه

والله انكم تضحكون

[طــفــلــةالــورد]

هههههههههههههههههههههههههههههههههههههههههههههههههه ههههههه

يسلمووووووووووووووووووووووووووووووووووووو
ياأغلى وأجمل جووووووووووووووووووود

صراااااااااااااااااااااااااااااااحه تخيلت الموقف والدليل نوارتي من تعب مادخلت اليووووووووووووم


الله يدييييييييييييييم على منتدى بيت حوااء اليعاده والضحك

[شجون الموج]

ههههههههههههههههههههههههههه
حلوه ياجود ذكريات لا تنسى
هذا من زود الكرم
خخخخخخخخخخخخخخخخخخخخخخخخخخخخخخ
عشان اذا احد سالنا متى مسجله باالمنتدى اقول سنه سبع دوخااااااااااات