طلب مساعدة

[ام ازهار]

تكفون حابة اعرف كيف اسوي حمام مغربي في البيت اجصد شو مكوناته الي تعرف تسعفني لاني اسمع عنه فالصلونات واكيد الكثير سمع مثلي ووصفات البيت اضمن اذا كانت طبيعية

[" أم عبدالله "]

حياك يا خيتي

والله انك صاادقه .. شغل البيت انظف وأضمن , وانا ان شاء الله بعطيك هـ الوصفة والله ينفع بها


اول شي يبي لك مصدر بخار بالحمام :

اذا كآن عندك حمام البخار المتحرك حلو .. والا راح تظطرين انك تكتمين حمامك وتشغلين فيه الموية الساخنه لمن تحسين انو تبخر


بووقتها خلك محضرة هـ الصابون المغربي :

صابون مغربي سايل + جلسرين سايل + 1 ملعقة حناء + عصير ليمون


ادخلي بحمام البخار , او بالماء الساخن قد ما تتحملين ( تقر يبا 10 دقايق )

بعدها اطلعي من البخار وحطي خلطة الصابون المغربي على كآمل جسمك ( ما انصح تحطينه على وجهك ابد )

وخلي هـ الخلطة تقريبا 10_15 دقيقة وبعدها اشطفيها بالماء شطف خفيف

وبعدها جيبي ليفة مغربية وابدي افركي بجسمك وركزي ع الأكواع والركب من دون ما تخدشينهم وبتشوفين كيف تطلع الخلايا الميتة معك

بعدها شطفي جسمك بالماء

وحضري غاسول " طمي مغربي " واخلطيه مع موية ورد وعصير ليمون وخليه على كآمل جسمك

وبهـ الوقت خوذي حجر خفاف وادعكي رجولك وزيلي الخلايا الميتة اللي فيها

وبعدها شطفي جسمك كله , وشطفي شعرك زي منتي متعودة

واذا خلصتي من شعرك :

اشطفي جسمك بشوية ماء ورد لحاله بعدين خذي زيت زيتون او حمام زيت الأطفال ( اللي بالبابونج مره حلو ) وادهني جسمك وهو رطب

وبعدها بتشوفين اللمعان والنعومة والنظآفة على سنع

ولا تنسين تدعين لي يا وخيتي


ولمن تجربينها ردي لي وش صار معك .. لأني اسويها ومره نتايجها حلوه


بالتوفيق