السلام عليكم ........
بقولكن سالفتن صااار ت لنا منذو مبطي أنا ووخيتي أمووره قبل 3 سنين الله المستعان دنيا ناس تحيا وناس تموت
>>الأخت يتلقي عليكم محاضرة ...
المهم كانوا أهلي الله يحفظهم مسافرين للقصيم أيام العيد..
عاد أبشركم رجعوا بالسلامة يالله لك الحمد >>أحد سألتس؟؟
المهم عاد تعرفون الواحد لا فضى البيت عليه يستاحش >>> لغير الناطقين بالمكسيكية (يستاحش ) تعني
يخاف ..
المهم أميرة هكالحين قعدjk عندي ببيت أهلي لأان زوجي الله يخليه لعيالي( ولي بعد أنا ) كان مسافر ايام العيد
وعيالي تعبانين ..
عاد تخبرون بزران ومرض الواحد ما يقدر يروح منا ولا مناك ... واهلي كانوا بيسافرون للقصيم...
ومير يضيق صدري زود لا رجل ولا أهل وعيالن مرضى وحالتي حاله
ومير تجيكم أختي اموره تطق الصدر لأهلي وتقوول
أنا أقعد بالرياض مع اوخيتي جوود >> بعدي والله عاد هي من حينه راعية واجب وفزعات >> لغير الناطقين
بالمكسيكية ( من حينه ) تعني طول عمرها راعية فزعات ..
سافروا هلي الله يحفظهم >> عاد لا تخافون تراهم رجعوا أبشركم والله ارجعوا خخخخ
ومير صار البيت هدووووووووء جدا جدا بالحيل >>> لغير الناطقين بالمكسيكية (بالحيل ) تعني كثيرا ....
وطفششششششششششششششششششش وصرنا نحط حرتنا بالأكل والشرب
وأحيانا أخواني يجون يطلعونا منا ولا منا أو يطلبون لنا من المطاعم الله مير يجزاهم عنا خير والله ما قصروا معنا
يابعد تسبدي رغم انهم لاهين باشغالهم ودوماتهم إلا أنهم ما نسونا >>> طيب ياختي اخلصي علينا ...
أخواني كانوا يتناوبون علينا هذا داخل وهذا طالع وهذا يمر يتفقد أحوالنا وهتسذا ( هكذا )
وفي ليلةً من الليالي شديدة الظلام وسوادها كالح >>> قلبت الأخت عربية فصحى بس عاد كلمة كالح لا تسألونن وش
معناته تسني تزد سمعته مبطي لغير الناطقين بالمكسيكية (تسني تزد ) تعني كأني قد ...
كان البيت هاااادي بالحيل وطفشانين ومافيه إلا أنا وأموره وعيالي كانوا ذيك الساعة نيمين >>( نيمين) يعني نائمون
وتجيكم أموره الله يعزكم تبي تدخل دورة المياه >> من الأدب نقول دورة مياه ما نقول حمام خخخ
عاد أنا ما اذكر ليش كانت تبي (دورة المياه) أسألوه عاد أنتم >>>> أقول لايكثر ..
إيه نسيت أقولكم إن دورة المياه اللي كانت تبي تروح له أموره حقت الماما والبابا >>>>>>الأخت لبنانية ...
أمي وابوي الله ييسلمهم ما سكروا كل الجناح حق غرفتهم بس اقفلوا غرفتهم بالمفتاح ....
أما الجناح خلوه لنا يمكن نحتاج شييّن تسذا ولا تسذا >>> لغير الناطقين بالمكسيكية (شيّن تسذا ولا تسذا)
تعني شيء كذا ولا كذا ...
الموهم أموره قبل خمس دقايق من دخوله المنطقة المذكوره سالفا >>>أخص ياجود تعرفين تفلصفين ...
كان باب الجناح مفتوووووووووووووووح ...
وعاد تخبرون مابوه أحد غيري أنا وياه بالبيت واخواني طالعين بس لاخذوا ما خذوا مروا علينا >>> لغير الناطقين
بالمكسيكية (لا خذوا ما خذوا ) تعني من وقتٍ لآخر
الموووووووووهم يوم جت تدخل جناح أمي وبووووي وتلقى الباب مسكرررررررررررررررررررررررررررررررر
ويوم جت تفتحوه ألاه يدقررررررررر كأن أحد يزتوه >>> لغير الناطقين بالمكسيكية (يزتوه) تعني يدفعه
أختي عاااد على طوووووووووووول ذرقت المشمش >>> (ذرقت المشمش ) تعني خافت خوفا شديدا ...
وتجي لمي وانا كنت عند بزاريني نايمين وتقول لي وبصوووووووووتن خافت ((جووووود جناح أمي وابوووووي بوووووه حرامي))
وميرررررررررررررررررر أنا تطقن أم الركب وتطير بوهتي >>> تطقن أم الركب تعني من الخوف ما أقدر أمشي
وتطير بوهتي تعني تطير عيوني وما شابهه ...هههههه
وأقوووم أسوي بطله >>> لاحظوا هذا وأنا طاقتن أم الركب عاد وشلووون لو ما طقتن أم الركب كان وش سويت؟؟؟
وأروووح لجناح أمي وابووووي وبحذرن شديدن جدا جدا بالحيل وأحاول افتح الباب إلا والله أموووره صااادزه ما يفتح
تحسون انه بووه شيّن يردوه (صادزه تعني صادقه) (شيّن تعني_ كما أسلفت سابقا_ شيء)
الموووووووووووووووووهم و(نهج)>> أي نركض أنا ويااه لغرفة أموووره حيثُ كان أولادي نائمين بسلااام >>>ياشيخة
ارسي لك على بر يا عربي فصيح أو مكسيكي خخخخخ
وبعدين ندخل الغرفة ونقفل الباب بالمفتاح قفلتين ولو حصلنا نقفله عشر قفلات كان قفلنااه .....
المهم ومير تقولي أمووووره شوفي انا بدق على أخواني وانتي أقري علينا المعوذات >>> قلت أبشري
ومير وأقوووم أقرى عليّ وعلى أموووره وعيالي بس الله لا يعاقبن من الخوووووف خربطت بالأيات
دخلت سورة الناس على الفلق ودمجت معهم أية الكرسي يالله عفوك ...
ثُمّن >>> يعني بعدين أموره صارت تدق على كل أخواني اللي بالشرق والغرب ....
ويجووونكم طايرين .. وقعدنا نسمي على اخواني خفنا عليهم من السرعة بالسياره يصير لهم شيء
عاد هم ما كانوا مع بعض كان كل واحدن منهم بشنق >>>شنق تعني جهة ...
وتقعد أموره تكمل القراية علينا لأن أنا صرت ماااش أخربط ....
وأقعد أرد على مكالمااات أخواني وأوصف لهم الحدث >>> خبركم عاد مراسلة صحفية من منطقة غرفة أختي أمووره
وعااااد يوووووم أخذنا شوي إلا ونسمع قرقعة خفيفة وحركة بالبيت
قالت لي أموووووره اسمعي الحرامي شكلوه فتح الباب حق الغرفة ...
قلت له ما أدري يمكن هذولا أخواني وصلوا ...
قلت خلين أفتح أويق شوي >>>> أويق تعني أطل .... قالت أمووووره لا يالخبلة
أخاف الحرامي قلت لا ما ظنيت >>>> ما قلت لكم هذا وانا طاقتن أم الركب وشلوووووون لو أني بحالتي الطبيعة كان
وش سويت ههههههه
ويوووم أفتح الباب إلا ويصدق ظني اثر وصل من أخواني أثنين ويمشووون بشويش
عشان ما يبون الحرامي يحس ويمسكوووونه متلبسن بالجريمة الشنعاء ...
ومير يأشرون لي بايدينهم يعني (أووووص )) ((اشششششششش)) >> يعني لا طلعين صوووت
هزيت لهم راسي ((إيه)) ....
المهم واحد من أخواني عسكري ويجي ويدف الباااااااااااااااااااااااب بقووووووووووووه >>>انتبهووا هنا ذروة الحدث
وعاد أخوي خبره بالمداهمة >> ماقلت لكم عسكري ....
ويطب بقووووووووووووووووووووووووووه ....
وأنا أصرررررخ بس بصمت >>>لأن طاقتني ام الركب ما أقدرررر أصرخ بقووه وخصوصا أن اخواني
موصيني ((أوووووووووص)) (((اششششش)) >>> عاد أنا مطيعة بقوووه وبأمانة ...
ويووووم يفتح الباب وينط معه أخوي الثاني
إلا
طلع لهم
7
7
7
7
7
7
7
7
7
7
7
7
7
7
7
7
ولا شيء ... بس الباب كان مدقرررررررررررررررررر مو راضي ينفتح
وأميره ما دفته بقوووه وشكت ان فيه حرامي لأن بيتنا كان مووحش من الهدوء القاااتل .....
هههههههههههههههههههههههههههه
وعاد أخواني قاموا يتناظروووون ويناظرونن وفطسوا من الضحك ...
ويدق عليهم أخوي الثالث اللي ما بعد وصل بالطريق ويقولهم ((هاه وش صااار ؟؟))
قالوا له ((خلاص صدنا الحرامي وربطناه هههه)))
الموهم ويدري أبوي بالسالفه
ويعلم أمي ويفضحونا عند خوالي بالقصيم صرنا هذيك الأيام علك بحلوقهم >>> (علك بحلوقهم )) تعني
صرات سيرتنا على ألسنتهم ...
وكلن يعلق علينا ...
والحمد لله على سلامتناااااا ....
وسلامتكن .........
بطووووووووووووووووووولة جوووووووود عمار :: وأميرة الحرماان .....
مواقع النشر