السلام عليكن ورحمة الله وبركاته
وشلونكم بخير
البارحه تعبت تعب شديد بس الحين الحمد لله طبت <<<<مين سالك خخخخ
فاصحيت امي بعدين قومت ابوي بعدين <<<<اظاهر العائله كالها صحت هههه
رحنا للمستوصف واعطتني الدكتوره ابره <<<<ياحرها حراه ههههه
ومسكن طلعنا وجلست مع امي في الاستراحه الين ابوي يحاسب
واحنا في الاستراحه لقينا حرمتين كل وحده معها وليدها
يتكلمون قصيمي (مكسيكي) بطلاقه غير مفهومه <<<<لا ياشيخه احلفي هههه
سلمت امي عليهم وقالت ماشاء الله من القصيم
قالوا ايه وجلسوا مع امي يسولفون
انا حسيت اني خفيت شوي من بعد الله ثم هالابره <<<<<<<ياحرها حراه خخخخخ
قلت ابي اسولف ومن لقافتي (المعهوده ) فيني <<<توك تدرين هههههه
قلت واضح كثير انكم من القصيم من لهجتكم المكسيكيه
الحرمتين طيروا اعيونهم فيني وانا سكت
واطبق السكون على المكان <<<<<<<ياشيني بالفصحى هههه
وماقومني من هاالهدوء الاذيك الصقعه ارض جو من امي تقول ابوك ينادي <<<
(بس صقعه محترمه)
امي تاسفت من الحرمتين وسلمت وطلعنا
شكل الحرمتين يقولون هالبنت فيها (قل صح)<<<يعني مصخنه او مهبوله
امي في السياره تلغاني <<<<بالعربي تهاوشني
تقولي وش ذا الحكي ومن وين جبتيه
قلت صديقتي في النت تقوله قالت امي ماخربكم الا هاالنت
بس من جد استحيت من الحرمتين وتحسبت على عدو جويده (جود عامر) لانها هي الي دايم تقول لهجت القصمان مكسيكيه
بس توبه اقولها مرتن ثانيه لسببين :
1-علشان فشله احرج الناس ونفسي بعد
2-علشان الصقعه الارض جو والله انها احر من الابره
الا على طاري الابره ياحرها حراه
وينك ياجويده ورطتيني خخخخخخخخخخخخ
رد مع اقتباس
المشاركة الأصلية كتبت بواسطة بنت ثقيف
مواقع النشر