سلام عليكم ورحمة وبركاته
اليوم بقدم لكم معكرونة بالمشروم من اختراعي
ذاك اليوم كنت واقفة في المظبخ مادري شنو اسوي غدى
قعدت افكر وافكر في النهاية طلعت معاي هاالنتيجة
بسم الله نبداء
الطريقة مع المقادير:::
1- نسلق مكرونة شرايط او اي نوع انتي تفضلينه وبعد ماتستوي تصفينها وتحطيها في بايركس
2- تحمسين بصل مفروم وبعد مايحمر تضيفين عليه المشروم المقطع الى شرائح مع فصين ثوم مبشورين
3- بعد مايستوي المشروم انضيف عليه ملح وفلفل اسود وشويت اوريغانو وبعدين نسكبه على المكرونة
4- في خلاط العصير انحط علبة قيمر كي دي دي وعلبة جبن مثلثات وملعقة كبير مستردة وملعقة كبيرة مايونيز
ونصف ملعقة اوريغانو نخلطهم في الخلاط حتى يتجانس الخليط بعدين نسكبه على المكرونة ونرش عليه
بقسماط
وبعدين ندخلها الفرن عشان تتحمر
وهذا شكلها النهائي طعمها جنان ماتوقعتها بيطلع طعمها جذيه
ان شاء الله وصفتي تعجبكم وتجربونها
رد مع اقتباس
مواقع النشر