صررررررخة انثى

[شرقاويه ذوق]

مشكوره اختي جود على النصائح الحلوه

اختي ام بطي كل كلامك صح واختي ام اصيل بعدوجزاكم الله الف خير على المرور




اترككم بود

[حبيبة ابوها]

حبيبتي شرقاويه انا مع كلام اخواتي ,, الله يعطيهم العافيه

بس بيني وبينك قولي الحمدلله ع الاقل يقعد في البيت قدام عيونك ماتشيلي هم هوا اش قاعد يهبب

برا البيت مع اصحابو...

الله يهديه ويصلحو يمكن يسمع كلام اصحابو انو مثلا" مايقعدو مع حريمهم او شي ترا الرجال كلامهم

ممكن يأثر ع بعض ,, تلاقي تفكير الرجّـال كان شي ولما اختلط برجال معاه في نفس الشغل عبّـو راسو

وخلوه يغير تفكيرو في حاجات من ضمنها الاشياء ايلي بتصدر منو معاكي ,, الله يهديهم بس ,,

حاولي تشغلي وقتك بجد ,, وخليكي مرتبه طول الوقت وبيتك مرتب ومبخّـر ,, وازا عندك اولاد خليهم

ينامو بدري عشان لايحس انو فيه احد مسلّيكي ,, لا,, خليه يحس انك جالسه لوحدك ,, لاتقعدي ع النت ,,

ولا تشغلي التلفزيون حاولي انو لما يجي يشوفك والا لو بيطلب منك تسويلهم حاجه انو مايجي ويلاقيكي مشغوله

سوي فلم : جيبي دفتر وقلم واقعدي ارسمي وشخمطي فيه اكتبي عبارات مثلا" زي : يااارب

_ طفشاانه_اكتبي اسم زوجك جوت قلب _ حطي توقيعك _ ارسمي عين تبكي _ يعني زي كدا

ولما تيجي بتروحي ع المطبخ خلي الدفتر مفتوح ع الارض والا ع الطاوله وقوليلو حاضر وبوسي إيدو

وروحي ع المطبخ ,,او المكان ايلي يبغا منو الطلب ,, يمكن يحسك طفشااانه بجد ,, والا كمان حاولي

تجيبي البُـكا لنفسك ,, وارسليلو مسج : حبيبي مرا راسي توجعني ممكن احط راسي في حضنك ؟

او سوي دا الشي قبل مايخرج والا قبل مايجو اصحابو ,, عشان تكسبي جلستو معاكي بعدها كدا ربع

ساعه طُـلّـي فيه بكل براءة وخليكي مبتسمه قوليلو الحمدلله الله لا يحرمني منك ,, اش رايك نشرب

شاي سوا ,, ازا قلك بيجو اصحابي ,, قوليلو وأنا ماليا خاطر عندك؟؟؟ يوم واحد بس ع الاقل خليه عشاني

شوفي ان شالله يجيب معاه نتيجه ,, وأرسليلو رسالة عتاب ,, بطريقتك بينيلو انك زعلانه منو عشان

مايجلس معاكي وانو كفايه بتغيب عني وتروح كمان تيجي وما املي عيوني بشوفتك؟؟

ولاتنسي الدعاء والصلاة اخر الليل بإنو ربي يهديه ويحببو في الجلوس معاكي ويبعد عنو مداخل الشيطان

بجد الشيطان عليه من الله مايستحق يحببلو جمعة اصحابو واقاربو عشان يلهيه عنك ,,

الله يعينك ويسعدك ويوفقك يارب ,, وبرضو حصني نفسك واقري اذكار الصباح والمساء كل يوم

وشغلي سورة البقرة كل يوم ,,بجد حترتاح نفسيتك ,, الله يرد ليكي زوجك ردا" جميلا" يارب ,,

دمتِ بخير

تحياتي,,

[زهره زيزفون]

ما ازيد علي كلام الاخوات الله يهدي ويصلح

[شرقاويه ذوق]

مشكوره اختي حبيبه ابوها على النصائح الحلوه


وبارك الله فيك وجزاك الله الف خير،،،، اختي زهره مشكوره على المرور





اترككم بود:30