قصص رومانسيه عن الزوج السعودي 00لا تفووووووووووتكم
صفحة 1 من 12 123411 ... الأخيرةالأخيرة
النتائج 1 إلى 4 من 45

الموضوع: قصص رومانسيه عن الزوج السعودي 00لا تفووووووووووتكم

  1. #1
    مشرفة ركن حواء وطفلها الصورة الرمزية ام-ليان
    تاريخ التسجيل
    Aug 2006
    الدولة
    حيث اكووووووووون
    المشاركات
    22,697
    معدل تقييم المستوى
    50

    Awards Showcase

    fgj قصص رومانسيه عن الزوج السعودي 00لا تفووووووووووتكم

    لا يخفى على كثير من المتزوجات منكم حاجة الزوجة لتعبير او همسة اوحتى نظرة حنان ورومانسية من زوجها العزيز
    لكن ساعات تكون هالحاجة اصعب من لبن العصفور وابعد من المريخ بسبب طبيعة بعض ازواجنا المماليح ...وعزة نفسهم اللي تخليهم يعتقدون ان
    التلميح بالحب هو ضعف وتصغير من قدرهم
    وانا بصراحة ما الومهم ...الوم سياسة (ياعيباة وياخزياة )اللي خلقت رجال الثلج اللي عندنا .




    صديقتي زوجها سافر لدوره في عمله وطقتها الرومانسيه وتروح وتحط له ذيك الهديه اللي تعبت بتغليفها وتحط له بكل بذله رساله وورد مجفف وتقعد المسيكينه

    على أحر من الجمر تنتظر ردة الفعل والكلام الحلوا اللي بيقوله لها الا يوم جاء وعيونه تتقادح من الشرر (أبوك ياللغه )وزعلان ويرمي علي كلمه خلت الدمع يكور بعينها وش اللي سويتيه خليتي أصحابي يتريقون علي كل ما البس بدله الا الاوراق طايحه منها قالوا وش فيك صاير كنك عامل بلديه ماغير تلقط في الاوراق والا الهديه الحمدلله اني شفتها قبل ماحد يشوفها وحطيتها في السياره ومافتحها الايوم رجع البيت


    ووحده تقول
    في ولادتي الاخيره جاني نزيف وجلطه وبعد الولاده جلست في العناايه والدكتور يقول لزوجي اذا تحب زوجتك انسى الاطفال اقل شي 5 سنوات لين تستقر حالتها يوم بديت اصحصح من البنج وكنت اتالم عمليه ونزيف والقاه فوق راسي
    وطمن علي وبكل رقه قال قولي اميييييين
    عاد انا فرحت قلت اكيد بيدعي لي ان الله يعافيني واني ازوج بنتي او ان الله يخليني له
    قلت اناامييين
    قال جعل ما تدور السنه الا انتي هنا في هالغرفه جايبه بيبي ثاني خخخخخ
    قلت ياخي تجمل اصبر على الاقل لين يطلعوني غرفتي اما تدعي علي وانا في العنايه تبيني السنه الجايه فيها



    والأخرى
    زوجي محطوط على الصامت مادري يوم ولدته امه صااح او لا مع اني ماضنيت انه صااح خخخ
    البس اتزين اصبغ مره شقرا مره حمرا مره احط برونز بنتي ام ثلاث سنين قالت ليه يامام انتي سودا خخخ وزوجي مافي اي ملاحظه او تعليق
    ودايم اقوله اقص شعري؟ اقلد هالحريم يمكن يحس
    يقولي لااا لاتقصينه ابزعل عليك وهو شكله بعد يقلد الرجاجيل خخخ
    ميير ذاك اليوم ارووح اقصه او بمعنى اصح اعرمه قصير مره واسوي هاي لايت
    وطول الطريق متحمسه اقول في نفسي الله يستر لايزعل يوم قصيت شعري
    <<< يوم وصلت البيت وادخل لين الشيخ ماسك الريمونت ويقلب فيه واجي وانا مرتاعه واجلس الرجال ماحكى
    احسبه زعل الله يخلف على قلبي خخخخخخ
    اثاريه مانتبه لشعري كله
    مير تيناقز الزعل من وجهي
    وانا الي التفت عليه واهد فيه انت ماتحس ماتشوف علمني ماتعب نفسي واتزين لك حرام الخساير خخخخخ
    قال لا بالعكس انتبه
    قلت طيب ياخي شجع امدح لو كذب قل رائيك
    مابعد جتكم المصيبه
    عقبها بكم يوم كلمني وانا برا البيت قال وينك قلت في المشغل انا اقصد مشغل خياطه
    هو يحسب قصدي كوافير
    اول مادخلت مع الباب قال زوجي الله وش هالزين وش هالحلاوه
    انا طارت عيوني
    واطير اركض للمرايه اشوف وجهي ليني شهبه لهبه حتى الكحل مهوب في عيوني والشعر لازق في الراس عقب النقاب
    وارجع له وانا ماش ماني مستوعبه
    قال لي بصراحه نيو لك مره حلو
    ابو الشباب مستمر في النصب
    قلت وشو انت وش تقصد اي تغيير
    انقلب وجهه قال انتي وينك من شوي
    قلت في المشغل
    رجع لون وجه يرد قال ايه محلوه وش سويتي
    قلت ضوقت فستاني خخخخخخخ
    طمر دخل الحمام مادري ليه عاد هل بطنه حله خخخخخخخ او ماله وجه يشوفني او من الروعه



    وأخرى تقول

    مرة شريت شموع والله انا نفسي ماقتنعت بس صديقتي كانت معي بالسوق ولزمت علي أشريها
    المهم بعد ماعلمتني طريقة توليعها ووين أحطها بغرفتي <<<<<< أخبرها إذا طفا الكهرب وبس
    عطرت الغرفة وولعتها دخل أبو الشباب وعلى طول ولع اللمبات كلها المشكلة ثريتي ام خمس وقال ليش مولعتها هو الكهرب كان طافي
    لاعادت عليها من شموع ومن رومانسية
    قلت لا بس أجربها هي تشتغل ولا لا <<<<<< امحق رد حاشا صارت جهاز مو شمع



    والثانية

    وحده تبي تسوي ليله على ما قالو...وحاطه شموع وحاله يوم وصل سبع البرمبه....وإلا يقول الله يقطعك خنقتينا بثاني أكسيد الكربون ....الأخ مدرس علوم ...تقول من عقبها حلفت وقلت التوبه....


    وحدة اعرفها ..كانت في بداية زواجها من 10 سنوات ناقر ونقير مع زوجها بسبب صغر سنها وطيشها ...وبعدين شوي شوي مع العيال والسنين عقلت المرة
    وخفت مشاكلهم وهي حاسة بهالتغيير وفرحانة بهالنضج اللي وصلت لة وتبي زوجها يلاحظ ...يلمح ....يحس ...عمك اصمخ وهو اكيد انة حاس بس عقدة التعبير مانعتة ..) المهم ..ماش شافت الرجال ما جاب خبر قامت تلمح لة المرة ..وفي ساعة صفا ..جت مشخصة وقعدت تميلح عندة وتسبل هالعيون
    وتتلصق ..قالت :ماحسيت ياحبيبي بشي متغير في حياتنا ؟؟(تستدرجة الضعيفة
    قال: وشو مثل ايش ؟؟(مازال الطناش سيد الموقف
    قالت :يعني ماحسيت بتغيير ..؟؟(مازالت تتأمل
    قال:مدري ...مثل وشو ؟؟(غيٌر عن ايش )
    قالت :يعني ما حسيت شي تغير فيني مثلاً؟؟؟؟(ملت من التلميح وجابتها على بلاطة
    قال:فيتس انتي ؟؟؟؟؟(بدا يفكر ويهوجس
    ....وهي مازالت الإبتسامة

    شاقة وجهها
    ..وعيونها
    تبربش ...وتتميلح ...تنتظر الجواب الشيق ...ليتها طاحت على براطم طخومة قبل تسأله)


    قال:مممممممممممممم ....بطنتس عرعر
    ....!!!!!!!! !!!!!!!

    فجأة
    زالت كل معالم الفرح والتميلح من خشتها ...وبدأت الدمعه تفحط في مقلتيها

    ...
    ..(لا تعليق


    جارتى كانت والدة جديد وجلس زوجها يتفكر بالولد لية عيونه كذا وفمة على مين يخرع
    ورا اسود؟
    وخذ يعدد اقبح الخصال واخر شئ التفت على الام وقال
    ما كنه يشبهك
    تقول لنا لحظة قالها مت صياح وهى نفاس



    انا لي 4 سنين وانا احفر بزوجي لعل وعسى اطيح على بئر الرومنسيه عنده لكن للحين ما طلع شئ شكلي بلقى بترول من كثر الحفر ......... وياما وياما انصدمت من ردوده وياكثرها تخيلي مرررررررررررره كنت مسويه ليله رومانسيه بدون ما يدري وحركات المهم كنت حاطه اوراق لازم يجمعهم علشان يوصل للمكان اللي انا فيه يعني يبيله ابو عشر دقايق على ما يجمعها ويوصلي انا سمعت الباب فتح ورحت على طول اشغل الشموع على اساس انه لسى بيدور على الاوراق شوي الا طويل العمر داخل علي بالغرفه انا طبعا

    وش جابك وش تتوقعون الرد


    تخيلوووووووووووووووووووووووووو ووو وش رده لما سالته وش جابك ليش خربت يا شينك

    ........ الخ قاااااااااااااالي ابي الحمام ابي .......(يعملها بالعامي والعامي القصيمي )

    انا وقتها اغمن عليه اغمن عليه وش ذاااااااااااا البيت فيه 6 حمامات ضاقت على هالحمام

    ولا يشوف شكلي قميص نوم وكشخه وشموع وفواحات وورود واخرتها بـ....... بس جد كانت

    صدمه قويه ووقتها كنت توي ما كملت 6 شهور زواج تخيلي قعدت اصيح وعلوم بس



    عــــاد حرام عليكم موب كل رجالنا كذا

    والله إنهم يقطرون رومانسيه >>>>إما يقطرون كثري منها



    منقوووووووووووووووووووول

  2. #2
    عضوة قمة الصورة الرمزية ميس السعوديه
    تاريخ التسجيل
    Apr 2007
    المشاركات
    116
    معدل تقييم المستوى
    13

    fgh

    والله ياوخيتي ان الرومانسيه تقريبا معدومه في هالرياييل
    متى يحس الواحد فينا الظاهر انه مافيه امل
    والله انا دايم اقوله على بلاطه انت ماتحس فيني ودي الرومانسيه تجي منك على الاقل لو مره بالعمر بس اذكر لك شي حلو
    ولجلسنا على التلفزيون وجا برنامج عن عقل المره وعقل الرجل وان الرجل تفكيره دايما عملي والمراه تفكيرها دايما تتختلط معه المشاعر يقول هااه شفتي مخي غيرك يعني لاتحاولين
    مشكووره اختي على الموضوع

  3. #3
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    30

    Awards Showcase



    ههههههههههههههههههههههههههههههههههههههه

    والله تقطعت مصاريني من الضحك يا أم ليان

    أنا الرومانسيه حدث ولا حرج ..

    الله يسعدك يا ام ليان وسعتي صدري كنت طفشانه وابشرك استانست >> احلفي

    وهذي انتي يا أم ليان تغيبين وترجعين لنا بشيء روعه كروعتك ..

    عاد أنا بقولك مرررره سألت زوجي بشوف قدري عنده وابغاه يعبر عن شعوره انه ما يقدر يفارقني >>> تحلم بقووه

    قلت لو أنا مت قبلك تتزوج عليّ ؟؟ >>> عاد سؤالي سؤال غبي لكن طنت براسي

    تدرين وش رد علي وانا متولمة عشان يفضفض انه ما يقدر يتخيل هالشيء

    قال والله يابنت الحلال بالشرع أربع وهذي الدنيا ناس تموت وناس تحيا ...

    عااادأنا عصبت مديت بوووووووزي شبرين وثلاثة ارباع وصرخت عليه وقلت هذا بدل ما تسمي علي

    قاعد تتفاول علي وبالشرع أربع >>> نست انها هي أول من تفاول على نفسه خخخخخخ

    وسلااااااامتك عاد وش رايك في رومااانسية أبو عيالي هههههههه

    تسلمين يا عسل ..

  4. #4
    مشرفة سابقة محررة مبدعة الصورة الرمزية *منار الهدى*
    تاريخ التسجيل
    Nov 2007
    الدولة
    السعوديه ـ امريكا
    المشاركات
    10,001
    معدل تقييم المستوى
    25
    هههههههههههههههههههههههههههههه والله ضحكت وحزنت

    عاد انا موتي ولا اسوي رومانسيه ويخرب علي


    قهرررررررررررررررررررررررررررررررررر

    وكله ولا الي يشبه ولده بزوجته بعد ماسبه والله يبيله دق


    الف شكر موضوع ممتع
    * ومـا مـن كــاتــب الا ســيــفــنـى ويـبـقـي الـدهــر مـا كـتـبـت يـــداهُ
    فـلا تـكـتـب بـخـطـك غـيـر شـيء يـســرك فــي الـقـيــامـة أن تــراهُ.



    إذاعة القــــران الكريم على الرابط أدناه

    http://www.almisk.net/live.php?live=1045&s=4


    مما يعين على الحفظ ما أشار إليه الشافعي بقوله:
    شكوت إلى وكيع سوء حفظي *** فأرشدني إلى ترك المعاصي
    وأخبرني بأن العلم نور *** ونور الله لا يهدى لعاصي

    من مواضيع *منار الهدى* :


صفحة 1 من 12 123411 ... الأخيرةالأخيرة

المواضيع المتشابهه

  1. ديكور ،غرف نوم رومانسيه ، ديكورات رومانسيه راقيه
    بواسطة ام يوسف2008 في المنتدى التصميم والديكور
    مشاركات: 7
    آخر مشاركة: 03-10-2010, 06:10 PM
  2. ارضاء الزوج ( السعودي) غاية لا تدرك
    بواسطة معلمة قديرة في المنتدى الحياة الزوجية
    مشاركات: 43
    آخر مشاركة: 29-06-2009, 09:07 AM
  3. قصص رومنسيه عن الزوج السعودي
    بواسطة تفاحة الجنه في المنتدى ركن المواضيع المكررة
    مشاركات: 2
    آخر مشاركة: 19-03-2008, 12:02 AM
  4. قصص رومنسيه عن الزوج السعودي
    بواسطة تفاحة الجنه في المنتدى الحياة الزوجية
    مشاركات: 2
    آخر مشاركة: 19-03-2008, 12:02 AM
  5. %لعبة محششين% لا تفووووووووووتكم
    بواسطة ضي في المنتدى استراحة
    مشاركات: 55
    آخر مشاركة: 14-07-2004, 03:16 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |