السلام عليكم
جاء العريس وتزوجنا وكنت ما اعرف من الدنيا الا كتبي ومدرستي
ام زوجي في منطقه بعيده كنت اعتبرها مثل امي مكالمات زيارات في الاجازات
اذا مرضت ماتبي حد غيري لاني الوحيده بين حريم الاولاد اللي الزم عليها تجي عندي
على اعتبار انه بيت ولدها تجلس في بيتي على 6 او 7 شهور هي الامره الناهيه
والله ماعتبرها الا امي واذا كلمتني امي ماتوصيني الا عليها وعلى رضاها
الى الجنه يا امي
اذا خرجنا ماتجلس اللا اول مقعد وزوجي يزعل يقول ليه ماتحبين تجلسين جنبي
اهون عليه اقول حتى لا تزعل امك وكلنا في سياره وحده ياحافظ ماكو فرق
المهم كنت من شدة طيبتي معها احلف انها لا يمكن تغتابني ولو احد يجيب سيرتي بالشينه
تاكله باسنانه اكل
لكن معها بنات الله لا يوريكم مليانه قلوبهم حقد وحسد على كل الخلق
حتى حاسدين امهم تعيش في راحه
يكوكون دايم فيها وهي طبعا بناتها قطعه منها ما تقدر تزعلهم
والله مافي احد يتحملهم في هالدنيا لكن اقول ماعليش عشان الله يرضى علينا ما لا داعي المشاكل
كانت اذا جت تزورها بنتها في بيتي تدخل غرفة امها على طول ماكني موجوده ولا لازم تسلم علي
لا وبعد تجيب عيالها ادرسهم وانا من هبالتي عادي عندي ادرسهم
واودي الضيافه في غرفة عمتي عشان اسرارهم العسكريه ما تطلع
وجاء اليوم الموعود وزوجت ولدها الثاني اللي كان ماياكل ويشرب ويعيش اللا في بيتي عادي بيت اخوه
وتمر الايام وتبان حقيقة علاقتهم مع الزوجه الجديده طلعت عيونهم وطردتهم من البيت
لانهم فكروا زي ما كانو يجلسون عندي بتتحملهم الثانيه ويا بناتهم
لكن ربي عطاهم وحده من نفس طينتهم الخبث واللعانه
واعترفت بسر قالوه لها اول زواجها عشان يفرقون بينها وبين كل سلفاتها في البيت الواحد
انتبهي لا يسحرونك هذي الكلمه اللي يفرقون بها بين الناس
لكن حسبي الله ونعم الوكيل فانتقام الله موجود
والحين ماعد احب اكلم ولا وحده منهم وطبعا ولدهم يصلهم دايم
مادري كيف اناظر في وجيههم بعد عمايلهم اللي ماتنقال
طولت عليكم لكن ابي افظفظ شوي
وشكرا لكل من يصبر ويقرا ويرد الله يجزاكم خير
مواقع النشر