يبنات جده لا تردوني خايبه ........

[الا صلاتي2007]

السلام عليكم

بليز الي تعرف كوفيره في جده تعطي دورت تجميل في البيت تديني رقمها .والي تعرف كوفيره اسمها الما او ادما هي فلبينيه ساكنه في حي الصفا في جده ارجوكم ساعدوني والله محتاجتها

[اللهم فرج كربتي]

برسلك رقم وحدة ممتازة

[الا صلاتي2007]

مشكوره حبيبتي بس مااستفدت شي هي بعيده مره وماتجي البيت وبعد غاليه مره

على العموم اذا تعرفين غيرها رسلي لي رقمها وافضل غير السعوديات

[زهرة2007]

أختي إلا صلاتي: أنا أعرف صالون اسمه الواحة بجدة بس ماأدري فيه دورات أولا؟ بس أكيد لوسألتيهم حيقولوا أيوة كلهم يبغوا يستفيدوا

واللي فيه معظمهم لبنانيات وتركيات أنا يمكن ثلاث مرات رحته آخر مرة من أربع سنوات ماأدري آخر التطورات فيه بس كان في تركية وحدة ولبنانيات ومصريات وجابوا شوية سعوديات بس يامتدربات أو مساعدات.

أنا عرفتني عليه مرت أخويا بس أنا مارتحت كثير يمكن من طريقة لبسهم واللي بيجو فيه ولأنهم بيدخنوا خاصة التركية بس آخر شفت تحسين كبير بطريقة اللبس أما مكياجهم مرة رهيب وتسريحاتكم برضه رهيبة وأختي زمان من عشر سنين أو إحدعشر سنة تقريباً عملت مكياج وتسريحة ملكة ماشاء الله كإنها مكياج عروسة

فأكيد اللي ياخذ دورة عندهم حيكون خبير .

بس طبعاً ماصرت أروحه أولاً خرجاتي مو كثير ثانياً انتقلت لمكان بعيد وعندنا بالحي مشغلين صغار وحلوين ويوفوا بالغرض وأتعامل معاهم لما أضطر مثلاً أبغى سشوار أو مكياج وتسريحة وغيره.

عندي رقم تلفونهم بس مضيعته حدور عليه وأكتبلك إياه وتكلميهم وتشوفي لو في دورة أو لا وممكن تروحي بنفسك يمكن ماترتاحي المكان أو يكون تغير زي ماقلت لك ماصرت أروحه لصعوبة التنقل والمواصلات.

آسفة على الاطالة بس عشان أشرحلك بالتفصيل وربنا يوفقك.

تقبلي تحاياي