صباحكم ورد ومسائكم جوري
اولا اسمعو السالفه هذا واحد من العيال يحكي ويتحاكا با الشباتي او الجباتي
ويقول ان في هندي اسمه محمد >> كل هندي اسمه محمد
عليه جباتي ولا اعضم شيف في الهند يسويه
طبعا الكلام هذا ما ترضى فيه اي بنت ,,
قلت يا بنت قومي وزيني له ذاك الشباتي اللي يحلم فيه
الوصفه هذي عندي من زمان على ايام خدامه اسمها نور
وما فكرت اجربها بس الحين ان الاوان ,, جربتها وطلعت شي شي شي رهيب
صراحه ما توقعتها با السهوله والله متعه في الشغل ,,
وابو الشباب اللي فوق استانس عليها قلت ابد منزلتها لاعز خوات يعني منزلتها ,,
جباتي ولا اجدع ابو هنود يسويها ..
المقادير
1 _ الجافه 1ونص كاس طحين اسمر + 1ونص كاس طحين ابيض + رشة ملح
+ رشة فلفل اسود + ملعقه وسط سكر
2 _ بيضه + فنجال زيت +ثلاث ارباع كاس ماء دافي والا خليها على حسب الحاجه
وبصله مقطعه صغار ,,
الطريقه
نخلط الجافه + ونعمل حفره فا النص ونزيد البيضه والزيت
ونعجنها شوي + نزيد الماء با التدريج لمن تتكون عندنا عجينه متما سكه وفي نفس الوقت طريه
نتركها ترتاح ساعه وبعدها نبداء الشغل ،،
بعد مرور ساعه نقسم العجينه الى كور ونشتغل با الزيت يعني اليد والطحن
ها المقدار طلع معي 13 كوره ومغلفه با الزيت مثل ما انتوا شايفين
نغطيها ونتركها ترتاح ربع ساعه ،،
خطوه اختياريه >> ناخذ البصل اللي قطعناه ونزيد عليه رشة كاري ورشة قرفه مطحونه رش خفيف
بعد ما ارتاحت العجينه ربع ساعه ناخذ كل كوره على حدى ونفردها وراح تلاحظون مدى طراوتها وتما سكها
ونرش عليها شوي بصل
ونلفها مثل السترول ونرجع نلفها على شكل دائره
ونتركها ترتاح ريع ساعه ثانيه في صحن مدهون ولازم نشتغل با الزيت
نجهز التاوه على النار طبعا الشباتي له اله خاصه لاكن التااوه تعطي نفس النتيجه
والحافظه اللي بنحط فيها الخبز ولازم تكون بغطا عشان الطراوه
نفرد العجينه بعد ما ريحناها ربع ساعه كل وحده على حدى
ونحطها على التاوه الحاره دون زيت ولا شي
ونحمرها على الوجهين لمن يخلص المدار بين فرد وتحمير ,, وفي الاخير تقدم وهي حاره مع عسل
او يرش عليها سكر مطحون ,,
ملاحظه انا سويت نص المقدار ببصل والنص الثاني بدون بس اللي ببصل طلعت احلا
ان شاء الله اكون وفقت بوصفتي واتمنى اشوف رايكم بها ..
تقبلو ارق التحايا من اختكم ابهاويه ..
رد مع اقتباس
مواقع النشر