المراصيع او المصابيب فطور رووووعــه ,,,

[روح الفانيلا]

تنفع للفطور والا للعشاء خفيفه ومغذيه

وفطور ممتاز للوالد والا في ايام الدوره لما

فيها من مكونات غنيه ,,

المقادير

(( 1 ))



بصلتين متوسطه + طماطه متوسطه + فليفله صغيره

بيضتين + ملعقه صغيره من ( فلفل اسود + كمون + كركم +كزبره )

ملح على حسب الذوق .. توضع في الخلاط لمن تصير صلصه رايبه

ويكون البصل فيها نوعا ما باين بس مو لدرجه مزعجه ..


(( 2 ))



2 كاس ماء + ثلاث ارباع الى نص كاس زيت + ملعقه كبيره حبة البركه (( السويده ))

و 3 كاسات طحين اسمر ,,

نخلطها مع خلطة البصل في باديه لها غطاء وراح يكون معنا خليط مقارب لخليط البان كيك



نتركه يرتاح نص ساعه او اذا كنا مطولين نحطه في الثلاجه ..



يــتـــبـــع
..

[روح الفانيلا]

نجهز العده انا استخدم مغرفه صغيره عشان الاحجام تكون متساويه



نحط التاوه على النار ونبداء نصب الخليط



لمن يحمر نقلبه على الوجه الثاني



وهذا شكله



طريقة التقديم الاولى اما مثل ماهو عسل وسمن



اما نجيب المدهنه (( قدر من حجر ))

ونصف فيه المراصيع ونرش سكر وسمن وعسل ونحطه على النار شوي



وهذا شكله النهائي



وفي طريقه وهي للعشاء

تقطيع فص بصل حسب الرغبة + زبدة + ملعقة صغيرة ليمون أسود + حبتين هيل

نحمس هذه المقادير على النار لمدة ثلاث دقائق بعد ذلك اضف نصف فنجال سكر + كوب ماء دافيء

ثم رش المراصيع بهذه الخلطة .. وهي ثقيله نوعا ما ,, ونقدر نضيف لها كزبره وبقدونس قبل الصب بشوي ..

واتمنى انها تكون على ذوقكم وتعجبكم واكون قدمتها بطريقه بسيطه

اختكم روح الــفــانــيــلا

[همس الربيع]

ماشاء الله عليكي اختي روح الفانيلا

جوعتيني بصراحه الله يعطيكي العافية

[سديم الذكريات]