كل وحده تدخل وتقول مشكله واجهته في المدرسه وهو ((مظلوم))؟؟

[اللهم اغفرلي]

كل واحد او وحده يدخل ويقول مشكله واجهته في المدرسه وهو ((مظلوم))؟؟

--------------------------------------------------------------------------------

بسم الله الرحمن الرحيم ..
السلام عليكم ورحمته الله وبركاته ..
الموضوع واضح من عنوانه يعني فضفضو ..وقولو مشاكلكم ..
وراااااااح ابد انا ....
انا ياكثرهن بس اغلبهن ((مظلومه ))يابعدي ..
السالفه الاولى:
مره كنت تعبانه وعندنا امتحان وتحسفت اغيب قلت مالي حيل اعيده مره ثانيه .. روحي وامتحني ومهنا الا العافيه .. طبعا رحت وانا دااااخيه مرت الحصه الاولى وانا مغير ادوخ وشفايفي صفرر يوحشن ..عجزت اتحمل .. ومير استاذن من المعلمه وطلعت لمرشده ..قلت لمرشده انا تعبانه وابي امتحن واطلع ..طبعا المدرشده ماله دخل بخروجي وقالت لي روحي لمديره ((ويمه من مديره ))انا تعبااااااااانه مره ومديرتنا شديده مررره جيت انا دخلت ..جات وزعقت علي زعقه محترمه وانا مااتحمل دمعتي عند الباب وكان فيه كل المرقبات وفشلت ..قالت وش عندك يالــ ....... قلت انا تعبانه معليش امتحن>> شوفو الادب واطلع قالت: لي وش جايبك اصلن للمدرسه ..قلت علشان عندنا امتحان قالت: وبصوت يفجر الاذن ((والحين فيه احد يبي يجي ياخذك ..قلت انا ايه سواقنا قالت وتركبين بعد مع السواق الحالك ..قلت لا امي تجي معه ..>>طبعا كل هذا وانا واقفه واحسن اني بدووخ ..ومير قالت : خلااااااااااااااص روحي .. ((مهي فاضيه تفطر )).. ومير اروح مره ثانيه للمرشده ((والله حرااااااام مو مدرسه عذاااااااااااب ))حتى مايحسووون يقولون الواحد تعبان يرحمونه ..>>خلوه ع الله بس ..
المهوووم : رحت وامتحنت ..ورحت للفصل واحتري واحتري واحتري احد يقول وين بنت الـ ........ ؟؟؟ وكل من دخل وقت بوجه احسبه يبي يطلعن .. رحمت نفسي هاك اليوم ..
ومير ادعي دعوه ..ان الله ياخذ حقي منهم ..

____________________________

السالفه الثانيه :طبعاً حنا مانطلع الا بطاقات ((اكيد راح تستغربون )) لانه مدرسه اقاله متشدده .. وتحافظ على البنات >>قولو ايه بس ..
ايه ومرت كنت بطلع انا وبنت خالي .وبنت خالي ماجابت بطاقه بس انا معي ..ميحتاج .. بس حقانه .. ومير المراقبه تزائر زئره محترمه قدام بناااااااااااااااااااااااااااااااااااات المدرسه كلهم .. بوجهي وانا مالي دخل اصلن بس تسوي نفسه مشخصه.. قالت : على كيفك انتي تطلعين انتي ويها اطلعي ومالك دخل باحد .. يله بسرررررررررررعه ..>>ومير ادعي عليه دعوه من كل قلبي ان زوجه يزئر بوجه قداااااااااام اهل رجله .. علشان تعرف شلوون تنفخ .. والواحد ماله دخل .. ((استغفر الله بس وش ازين من شين اووجسه ))
___________________________* والله حرام كذا يسون الواحد يكره الدرسه من كذا
وياكثر بنات فصلوا علشان السبب هذا ..كيف تبوننا ندرس وكذا تعاملوكم .... الله يكون بعوننا بس ....

[glint]اللهم اغفرلي [/glint]

[رفيف الروح]

الســلام عليكم و رحمة الله و بركآآآآآآتــهـ


حزنتيني و الله ،، بس صدقيني كل هذا الظلم راح تنسينه إذا دخلتِ الجآمعة و تقولين يآ ليتني أرجع الثآنوية مررة ثآنية


بالنسبة لي يوم كنت في الثآنوية ،، يوم من الأيآم تأخرت ،، و الله العظيم إني جآهزة أول و حدهـ في البيت


لكـــن اخواني أخروني ،، المهم يوم دخلنــا قفلت علينــا المديرة الباب الدآخلي ،، و حرمتنــا من الحصة الأولى


لحد الحين هذا العقآبـــ طبيعي ،،


لكــــــــــــن تخيلي إش قالت لنـــــــا ،، قالت إنكم تـأخرتوا لأنكم مو في البيت ،، تأخرتوا لأنكم مع ..........!!


ما أقدر أكملـــــ ،، انصدمت صدمة مو طبيعية ،، اشتكيت لأبوي من القهر ،، نسيت إن كلامهــا هذا عليه حد و إنهــا


قذفتنــا ،، الله يسامحهـــــــــــا بس ،،


و الله يصبرنـــــــا

[لجرواحك أدواي]

حياااااااااااااااتي مويض يابعد الدنيا تزئر في وجهك أزئري بوجهها بس مافي أي مشكلة

ولي مايحترم الاودم مايحترمه آدمي

[قمرالسما]

ايه ...........ذكرتوني ايام الدراسه


لكن الحمد لله ما وصلت للقذف

كانو يحترمونا .....زالا المديره طبعا تبي من يسطر وجهها ماادري على ايش شايفه نفسها


وكل اللي عندها شهادة معهد معلمات ...........وووعععع

لو عندها بكلريوس ولا دكتوراه وش سوت لكن الله معاقبها ...العانس ....عساها ماتتزوج ولا تشوفه بعينها

...............

مره غايبه عادي مثل خلق الله
والمديره اللى اسميها المريره طلعت كل الغايبات ثاني يوم في الطابور

كننا عاملين جريمه تبي العذر من كل وحده

ويجيني الدور وانا خجوله مره قلت :مارحت المستشفى لان كان عندي الدوره واول يوم اتعب

الا وتزعق مثل الجنيه بكل قوتها........الدوره مالها اجازه

عاد تعالي دوريني رحت ملح من البكاااء والاحراج والفشله قدام الابلات لاني كنت دافوره يعني شاطره مرره

وما احب احد يرفع صوته علي
يوم اتذكر ازعل ليه كنا نسكت ورى مانرد كننا في معتقل غوانتانامو

ايه ايش احكي ولا ابقي يالله ايام راحت