بفتح لكم قلبي واقولكم ذكريات من طفولتي الجميله
شكلي::طفله بكل معنى اليبسان عصلااا وطويله اصف في اخر الطابور وملابسي مشنقله علي كانت امي تشتريلي من محل المقاسات الصعبه قمة الاهانه تشتريلي من محل حق الي توهقو فيهم اهلهم يعني الاجسام الشنبازيه ايديني كانت طوال توصل لركبي ..من كثر ماتعلق ---مسويه انها موهبه ذاك الوقت..وكان اليماني راعي المحل يجب الملابس بالعصا ((ذيك العصا الي تجيب الملابس المعلقه فووق تعرفونها انقرضت على ماظن))
وضروسي الله من الجمال الخلاب ابد عايشه الكيلاني كان ابوي مشالله حريص انذاك على نفسيتي كل ماجت يضحك ويقول شوفيس في التلفزيون وانا حساسه بقووه اكتم العبره واضحك يعنني مانجرحت
كانت ضروسي على بلاطه بلاطتين رخام يلق لق..وشعري كاريه ..
كنت وللأسف بنت مراهقه على طوول من وانا بزر وانا احب اي شخص واول شخص حبيته كان اسمه يزيد يقربلنا من بعيدد ماشوفه الا في السنه مره في عيدنا وكنت وقتها برابع وقلت لبنت عمي لازم تقولين انك تحبينه وقررت اقوله ووللأسف كان هذاك اليوم اول صدمات حياتي
رحت وناديته في المقلط ومن قواية الخشه معي بنات عمتي واثقه انه بيعطيني وجه وذاك اليوم كنت دايرتبه الحوش كله بالسياره وانا ادفه حسبي الله عليه تمصعت ايدينه منه ذا الدب ويوم ناديته في الملقلط والله مانساه مسويه رومنسيه الحرمه متوزيه ورى الستاره ويوم دخل ونادوه فتحتها وقلت يزيد من تحب وسنوني تلق((الناس عيونهم تلق لا انا حاله خاص)) قال هنادي
وقتها كانت هي الخاقوقيه حقت عيال عمي...واناااا الله يخلف
قلت يزيد بس انا احبك ...
قال لااا وع انتي ضروسس كبار
((الصوت براسي له صدى اسمعه..ضروسس كبار كبار كبار))
ورحت انحشت وقفلت على نفسي الباب وصحت ولا احد درى عني وكان هذا اول مطب في حياتي....
طبعاً بعد هذا مضيت في حياتي قدما ..الين لقيت حب حياتي الضائع ولد صديق ابوي الي يوم كنا بالطايف ---كنا كل سنه نروح الطايف في الصيف انتداب .. وكنت معجبه فيه ورحت ركبت السيسي عشانه وقلت للصعيدي ياخذ فيني لفتين 10 ريال ذاك الوقت العشره مية ريال ميب هينه اذكر في الردف المهم قعد يدور فيني وهو من شكلي الاليم مادرى عني وانا راكبه السيسي وتكسر قعوي عشانه ولا درى
وولأسف ان الظرووف كلها كانت ضدي مره خالي قال تعالي برسمك((كان رسام وعنده مرسم وزحمه))وقعدني على الكرسي وجلس يرسم سااعه وفي الاخير ورني الرسمه
راسم ارنب سنونه كبار نعنبو بليسك ناقصه عقد انااا
المهم اني كنت طفله لم تحضى بحنانن المجتمع ومواااقف كثيره بس جبت لكم الموجز
واقولهاااا بكل فخرررر
الله يجزااااه خييييييييير الي اخترع تقويم الاسنااان والا كان ما اعرست وخست في بيت ابوووي
ملطوش
رد مع اقتباس
مواقع النشر