قصتي مع النمله ادخلو يابنات ان شاء الله تعجبكم



صفحة 1 من 4 1234 الأخيرةالأخيرة
النتائج 1 إلى 4 من 13

الموضوع: قصتي مع النمله ادخلو يابنات ان شاء الله تعجبكم

  1. #1
    عضوة جديدة
    تاريخ التسجيل
    May 2008
    المشاركات
    10
    معدل تقييم المستوى
    12

    قصتي مع النمله ادخلو يابنات ان شاء الله تعجبكم

    السلام عليكم ورحمته الله وبركاته
    اتمنى انك اول مره تقريها وتنبسطي فيها
    قصتي مع النمله ..
    قصه اغرب من الخيال ابقولها وبدون مقدمات انا كنت منبطح بالحوش وقاعد على حصيره جدتي اللله يحفظها
    واذاكر عندي اختبار برمجه والماده هذي صعبه بالحيل
    وانا داخل جو بالمذاكره واسمع لك هذاك الصوت تقول لي يالاخو يالاخو انا اناظر مالقيت احد وش السالفه؟؟؟
    وبرضو الصوت نفسه تقول لي يالاخو يالاخو انا ناظرت تحت ولا هذيك النمله اللي تشر لي وتقول هنا هنا..
    انا قعدت اناظر قالت ممكن دقيقه من وقتك انا طبعاً استغربت وقلت سمي آمري
    قالت ممكن شوي قلت من عويناتي الزرق!!
    عيونه مهيب زررق لاتصدقووون المهم قالت: تكفا يا اخوي عبود ابي تسمع لي
    قلت : قولي..
    قالت: انا حالتي حاله ولالقيت اللي أقول له مشكلتي
    و افتح له صدري!!
    -اانا قلت لا لا اعوذ بالله الا هذي؟! ( راح فكره بعيد )

    -قالت: لا لا لا لاتفهم غلط
    -قلت :قولي..
    وقعدت اسمع لها وانا متركي وحاط يدي على راسي قالت لي هالنمله:
    انها كانت تكلم صرصور وانه سجل عليها ويهددها وبين فتره وفتره يجيها بمصيبه وانه مصورها وتبيني افكها من شره.
    -انا قلت ولا يهمك افا عليك
    المهم وانا قاعد اسولف ويا هالنمله جت جدتي تبي الحصيره حقتها انا شلت النمله وحطيتها بمخباتي!
    -قالت جدتي [[عبووود]]:
    -قلت سمي!
    -قالت من كنت تكلم تو؟!
    قلت لا لا قاعد اكرر الجمله عشان احفظ التعريف قالت ايه انتو يالشباب ما عندكم سالفه وانتو .. وانتو ...سوالف عجايز لا تشرهون تبي تبين انها تعرف كل شي راحت جدتي وانا طلعت النمله من مخباتي وقلت: لها معذره بس جدتي هذي ما تقدر الحب ..
    -قالت: ابكمل ، قلت: كملي. قالت لي وهي تبكي: انها تزوجت من واحد ودرا بسالفتها مع الصرصور وطلقها وانها الحين ام عيال
    وانها كانت تراقبني وانا ادرس وانها معجبه فيني وتحبني!!!!
    (راح فيها الولد)
    انا قلت مشكوره وماقصرتي وقعدنا على هالحال كل يوم العصر اطلع بالحوش واقابلها
    ومره شافنا الصرصور وحنا نسولف مع بعض وقال افااااا!؟
    تسولفين مع هذا انا اوريك!
    وراح...
    النمله بكت وقالت يا عبود يا بعد قلبي تكفا فكني منه......طبعاً لاني رقيق مشاعر وحساس ما قدرت اطقه بالنعله___تكرموون__ رحت جبت بف باف مبيد الحشرات!!
    (يسوي دعايه لبف باف) !!؟
    ولحقته ورشيت عليه؟؟!!
    الصرصور هذا اسمه "بوشنب ونص" لان طرف شنبه الثاني مقصوص!
    المهم الصرصور ما مات
    انحاش وتخبا(إستخبا- توزا- إندس) إختر الجلمة الصحيحة!
    بس اصيب باصابات بالغه...
    المهم ابو شنب هذا حقد علي انا والنمله وجا للنمله بالليل
    وذبح عيالها الصبح !!!!!!
    وانا نايم بفراشي يوم الخميس جتني النمله وتقومني وتهزني تقول قم قم يا ولد قم
    انا قمت مفجوع ، قالت: يرضيك وهي قعدت تبكي!
    قلت: لا لا مايرضيني بس وش....
    وبدون مقدمات ولا فاصل اعلاني ولا شي فجأة عطست وفي ظرف ثانيه مدري وين راحت النمله طارت وقعدت ادورها بالغرفه اليييييييين لقيتها مسيكينه لقيتها مكسوره رجلها المهم جبرت رجيلاتها وقالت لي ان هالصرصور ذبح عيالها..
    انا مت قهر وقلت لا والله ما اخليه وانا عبود!!
    وادور بالغرفه ادور والقا لك هذيك الزبيريه اللي يحبها قلبك
    وانقعها بمويه نص ساعه
    اليييين طلعت النعله خااااثره- وانتو بكرامه-وادور هذا
    ابو شنب واطلع له بالحوش واقول له انت يا ابو شنب اذا انت رجال تعال قابلني!؟
    وطلع لي وقال اذا انت رجال تعال وضارب بدون اسلحه!!
    قلت: ولا يهمك..
    وارمي لك النعله واطيح بالصرصوورر هذا (ابو شنب ونص) ضرب وهو يضربني وانا وياه ضرب هو يضربني وانا اضربه ومافيه الا تفقيييع وجيه وبووووقسسسات الين سمعت النمله تقول لي اذبحه يا [[عبود]] وهذا مهري!!
    انا يوم سمعت هذا مهري تشجعت وقلت: هلاااااا واللللللللللللللللللله وانقز لك على بطن هالصرصور واسوي له سوبر سوبليكس خلفي وابطحه
    واجيب النعله والفعه فيها لفعه اغمي عليه فيها
    والفعه اللفعه الثانيه ولا راسه بجنبه الللللللللللللللللللللللللللله ذبحت الصرصور وقمت من جثته
    وتجيني النمله تبوسني وتضمني!!!
    وانا مستحي اول مره تصير لي هالسوالف...
    وقالت انت فارس احلامي .... انت حبيبي ونور عيني ... انت
    اللي تحميني من الاشرار ... وبعدها النمله طالعت الارض بحياااااء وقالت لي احببك يا [[عبود]]يا بعد عمري!!
    انا خقيت ولا ادري ويني فيه وجهي حمر وزغيداتي زرقن
    وقلت لها: وانا احبك بعد ولا ما كان ضحيت من اجلك...
    وبعدها باستني(حبتني) ونويت انا وياها اننا نتزوج
    ورحت اخطبها من خالها وخطبتها وتزوجنا طبعاً هديه زواجها كرتون بفك ابو نص هذا فش فاش اذا تعرفونه!!
    يعني تكلفة الزواج كلها مع الطقاقات ما تجي عشره ريال والبيت بخمسه يعني خمسطعش ريال يالله لك الحمد..
    النمله هذي انا احبها وهي دايم معي بالجامعة بالبيت بكل مكان دايم اخليها بمخباتي واحط لها بسكوته ولا شي تتونس فيها وبين فترات البريك بالمحاضرات اطلعها واسولف معها وهي تضحك وتسحرني بعيونها واذوب على جمال شعرها الاشقر!؟
    واذا جا الدكتور دخلتها في مخباتي..
    وعشنا انا وياها وحنا نحب بعض وقررنا ما نجيب عيال الا اذا تخرجت انا من الجامعه؟!
    هههههههههههههههه
    النمله هذي تحبني حيييييييييييييل تغار علي حتى من امي اذا نادتني
    وجا يوم ونادتني أمي بتكلمني في موضوع إستأذنت من زوجتي ورحت لأمي..
    أمي وبدون مقدمات تراني قررت أزوجك يا عبود وبنت الحلال والمه؟؟ أنا جتني صدمه ماأقدر أوصفها حسيت إن قلبي تقطع وخنقتني العبره..أمي يوم شافت حالتي كذا أرتاعت وقالت عسي ماشر ياوليدي أشوفك مافرحت ..أنا ماعاد أدري وش أقول قلت يمه أنا تعبان وبطلع أرتاح..
    وأطلع للغرفه بسرعه وانا ماسك صيحتي وأدخل الغرفه وأطيح علي السرير وأبكي بكاء مرييييير
    وتجيني نمولتي تركض وتقول حبيبي عبود وش فيك..أنا مو قادر أقولها حاس نفسي أكبر خاين..وهي بكل خوف تقول بسرعه تكلم ما أتحمل أشوفك تصيح أنا بعد ذي الكلمه ما قدرت إمسك نفسي طحت علي حضنها وجلست أشاهق من الصياح وبعدين رفعت راسي وقلت لها أمي يانموله أمي قالت وخير ياطير وش فيها أمك(مثل ماقلت لكم هي مره تغار من أمي) أمي يانموله تبغي تزوجني..ماأدري إلا وتشهق ذيك الشهقه إلي ماتوقعت إنها تطلع من وحده بحجمها(معذوره من النار إلي في قلبها)
    وجلست تصيح وتولول وتقول حسبي الله علي الظالمه حسبي الله علي إلي بيفرق بيننا ياويلي ياويلي بياخذون عبودي مني من لي بعدك ياعبودي من لي بعدك إهئ إهيييئ
    وقتها تمنيت لو أخذها ونهرب بعييد(حركات هنود ) وأجلس أهدي فيها وأقولها إني مستحيل أتزوج عليك
    وفجأه طاحت بين يديني واجلس أصارخ وأصيح وأنفظها وهي دون حراك :'(
    وأحطها في جيبي وأطير فيها علي المستشفي وأصدم سيارات وأقطع إشارات إلين وصلت وأدخل قسم الطوارئ وأمسك أول دكتور قابلني
    وأقول تكفي يادكتور حياتها بيد الله ثم بيدك قال وينها قلت بجيبي
    الدكتور شك بعقلي وأقوم وأطلعها شوي شوي من جيبي وقتها تأكد إني مجنون(مسكين بلاه ماجرب يحب له نمله) وأخذها الدكتور طبعا أنا غرت عليها قمت جبت منديل وقطعت منه قطعه وغطيتها فيها المهم أخذها جوا الغرفه وقالي إستني برا جلست وأنا قلقااااان وادعي ربي إنها تقوم بالسلامه ...
    شوي ويطلع الدكتور وإبتسامته أكبر من وجهه قلت هاه بشر يادكتور قال مبروك حااااااااااامل
    كانت هذي أسعد لحظه في حياتي كان نفسي أصرخ بأعلي صوتي وأقول أنا فرحاااان أنا متشقققق
    قلت للدكتور ممكن أدخل أشوفها قال إيه تفضل..
    دخلت الغرفه إلا وذاك الملاك إلي منسدح علي السرير قربت وجلست علي السرير وقلت حرام عليك خوفتيني عليك إبتسمت وبكل رقه ودلع الكون قالت مبروك بتصير أبو
    يوم ضيعععععت
    وارجعها معاي للبيت بكل هدوء وأروح واجهز لها العشاء عشان الدكتور قال تحتاج تتغذي أكثر...
    ومع الأيام بدا بطنها يكبر وصار شكلها يجنن وصارت تلبس فساتين وااااسعه وهي رايحه جايه حاطه يدها ورا ظهرها(وااااو تخيلت شكلها)
    ويوم جت في الشهر9وإحنا في نص النوم تقومني وتقول عبودي إلحق علي جتني الولاده وانقز من مكاني وأطير فيها علي المستشفي وهي مسيكينه تصارخ وادخل عل طول علي الطوارئ ومنه لغرفه التوليد وكلها 3 دقايق إلاها والده(لتصحيح المعلومات النمله تبيض ولا تلد) وقالوا لي تعال شوف ولدك دخلت وشفت أجمل ولد في الوجود و...

    *=عبودي عبودي وانا أمك قم صل الفجر شكلك محلم إنه جاك ولد هههههه ياحليلك إنت وأحلامك=*
    يووووووه أثري أحلم ياخسارتك يانموله وين ألقي مثلك علي أرض الواقع ...
    معليييه على الإطاله
    ~~ إنتهت ~~

  2. #2
    محررة بيت حواء الصورة الرمزية أمل الأسلام
    تاريخ التسجيل
    Jun 2008
    الدولة
    بلاد الحرمين
    المشاركات
    2,327
    معدل تقييم المستوى
    15
    هههههههههههههههههههههههههههههههههههههههههههه

  3. #3

  4. #4
    محررة بيت حواء الصورة الرمزية للمحبة عنوان
    تاريخ التسجيل
    Apr 2008
    الدولة
    في قلب يبادلني المشاعر
    المشاركات
    2,806
    معدل تقييم المستوى
    14
    [align=center]توسع الصدر!!!!![/align]

صفحة 1 من 4 1234 الأخيرةالأخيرة

المواضيع المتشابهه

  1. تكفون يابنات ادخلو واللي ترد عليه الله يحرم وجهها عن النار
    بواسطة فتون الهلالي في المنتدى الديكور
    مشاركات: 9
    آخر مشاركة: 03-09-2019, 11:39 PM
  2. الحقوني يابنات ..! الله يوفقكم ادخلو
    بواسطة كلي خطأوجروح في المنتدى طلبات عضواتنا
    مشاركات: 12
    آخر مشاركة: 02-05-2011, 02:43 PM
  3. ادخلو وعطوني رأيكم في قصتي
    بواسطة نونو ه في المنتدى الأسرة
    مشاركات: 3
    آخر مشاركة: 23-06-2010, 07:55 AM
  4. يابنات المدينة ادخلن الله يدخلكن الجنه بغير حساب
    بواسطة المتلثمة في المنتدى حواء وطفلها
    مشاركات: 3
    آخر مشاركة: 27-06-2009, 09:28 AM
  5. قصتي مع النمله..
    بواسطة جمانه** في المنتدى الأدب
    مشاركات: 6
    آخر مشاركة: 19-08-2007, 05:45 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |