سؤال للأمهات الخبيرات

[أوراق الربيع]

أنا عندي بنت أخوي مضيقة صدري بالمرة عندها خوف مو طبيعي تخاف من الأصوات العالية يعني لو أحد ضحك عندها بصوت عالي تخاف وتخاف من البالونات والكور وإذا ركض جنبها واحد من البزران المطافيق طبت ببطني من الخوف حتى لوكان مو لمها ولا درى عنها وعمرها تقريبا حوالي سنتين بس والله من جد خوفها يضيق الصدر الي حصل لها زي هالموقف يجزاها خير تقولنا كيف عالجت المسألة مع العلم أمها ملتزمة وحريصه على الأذكار .

[طنجي وكي]

[align=center]حبيبتي اعرضي مشكلتك على طبيب المنتدى والله يحفظها لكم[/align]

[ام-ليان]

حاولوا تسمعونها اصوات عاليه بكثر بمعنى تخلون صوت التلفزيون عالي عندها وانتم عندها عشان تتعود على الاصوات العاليه

والبالونات والكور امسكوها امامها وطلبوا منها تمسكها جيبو لها كور فيها صور حلوه وبالونات فيها صور عشان تحاول تتقرب منها

[*خلود*]

أوراق الربيع ...
خوفها طبيعي كثير من الأطفال في سنها عندهم نفس الحالة يخافون من الأصوات العالية من الأشخاص الغرب والأماكن الجديدة ..

مريت بنفس الحالة مع بعض أولادي لكن فترة وعدت ..

مع الوقت إن شاء الله تتغير وإذا حاولتي تساعديها أكثر مثلا اجمعي أطفال في حلقة وخليها تكون جنبك احكي لهم حكاية او العبي معهم لعبة جماعية هي بتكون حاسة بالأمان معك و تنبسط بالمشاركة وتتعود عل الصوت ..

الألعاب ..خليها تمسكها بيدها والبالونات ممكن تنفخيها معها وبالحجم اللي هي تبغاه يعني اجعلي التجربة هي العلاج ..

الله يحفظها لكم ويصلحها ويهديها يارب