و الله عندي سؤال و ما عرفت و ين احطوا ؟؟؟ اللي ممكن يجااوبني لو سمحتوا ؟!!



صفحة 1 من 3 123 الأخيرةالأخيرة
النتائج 1 إلى 4 من 9

الموضوع: و الله عندي سؤال و ما عرفت و ين احطوا ؟؟؟ اللي ممكن يجااوبني لو سمحتوا ؟!!

  1. #1
    عضوة نشيطة
    تاريخ التسجيل
    Jul 2008
    المشاركات
    97
    معدل تقييم المستوى
    12

    و الله عندي سؤال و ما عرفت و ين احطوا ؟؟؟ اللي ممكن يجااوبني لو سمحتوا ؟!!

    انا نباتية و الله ما اعرف شو ا
    أكل




    و كتييييييييير تعبانة من هل الشي


    الي عندو وصفات و حلول بلييييييييز بدي ياها



    تسلم الاياديى





    احلى من السكر

  2. #2
    مشرفة سابقة محررة مبدعة الصورة الرمزية ام نونـا
    تاريخ التسجيل
    May 2005
    الدولة
    UK.Plymouth
    المشاركات
    22,127
    معدل تقييم المستوى
    38
    ينقل للركن العام للمطبخ

  3. #3
    محررة مبدعة الصورة الرمزية إم علــــي
    تاريخ التسجيل
    Nov 2006
    الدولة
    في بلاد العجائب
    المشاركات
    7,137
    معدل تقييم المستوى
    21
    تفضلي حبيبتي ان شاء الله يعجبوكي



    كبيبة القرع العســــلــى





    المقادير:

    ثمرة قرع عسلى صغيرة...تقشر وتسلق بالطريقة المعروفة...وتصفى من الماءوناخد منها مقدار 4 اكواب كده

    كوبيتن ونصف برغل ناعم

    نص كوباية دقيق

    حزمة كسبرة خضرا مفرومة

    ملعقة صغيرة من : كمون - بردقوش - كزبرة ناشفة - كركم كراوية (اختيارى) - ملح وفلفل


    للحشو :


    كوباية حمص (الانصاف ده ) مسلوق ومصفى او حمص عادى ناشف ونسلقه برضه


    بصلتين كبار شرائح رفيعة

    نصف ملعقة صغيرة كزبرة ناشفة وكمون
    ملح وفلفل

    شوية سُماق

    3 ملاعق دبس رمان

    شوية بابريكا حامية


    الطريـــــــــــــــقة


    طبعا حنسلق القرع العسلى زى ما احنا واخدين قبل فى فصل اولى اول بتاع بودا الله يمسيه بالخير...وهو كان كاتب طريقة جميلة لتقشير القرع ..

    ونسلقه فى شوية مية صغيره ونصفيه ونهرسه..


    نعصره بالايد علشان نتخلص من الميه اللى فيه...

    نضيف عليه البرغل الناشف ونعجنه مع التوابل والملح ونسيبه على جنب

    نجى للحشو...نشوح البصل على النار فى الزيت لحد ما يدبل شوية...

    نضيف عليه الحمص والتوابل ونقلب شوية كمان

    نرفعه من على النار ونضيف دبس الرمان والسماق ونقلب كويسونسيب المسائل دى تبرد شوية

    ندهن صينية فرن بشوية زيت زيتون او زيت عادى

    نرجع تانى للقرع العسلى والبرغل ..نضيف عليهم الدقيق ونقلب لحد ما الخليط يتماسك ..ونضيف الكسبرة الخضرا ونعجن تانى..ونقسم الخليط جزئين

    نرص جزء الاول فى الصينية ونفرده بالايد بسماكة نصف سم

    نضع الحشو ونفرده برضه وبعد كده نكمل الجزء الباقى ونفرده فوق الحشو..

    نساوى بقى الوش بايدنا بشوية زيت نونو كده ....ونقطع الكبيبة بالسكينة زى الجلاش

    ندخل الصينية الفرن الحار لمدة 20 دقيقة او لحد ما تستوى ووشها يبقى دهبى شوية وتنشف..

    نقدمها ساخنة او باردة




    هامبرجر نباتي

    بصلة
    1 جزرة
    2 قطعتين يعني فصين من الثوم
    410 غ من الحمص المسلوق
    200 غ من الذرة المسلوقة او المعلبة
    5 نقط من تباسكو
    ملح وبهار ورشة بقدونس مفروم
    2 معلقة كبيرة من النشاء
    نصف ليمونة من بشر قشورها
    1 بيضة
    نصف كاسة من السمسم
    وزيت للقلي
    -----------------------
    خبز هامبرجر
    بصلة مقطعة حلقات
    خس وفلفل مقطع
    ------------------------------
    الطريقة
    نضع الجزر المبشور على النار ومعه الثوم وقليل من الزيت
    نطحن الحمص المسلوق والذرة المسلوقة والبقدونس مع بعض وثم نضيفهم على النار مع البصلة والثوم والجزر ونرش ملح وبهار وتباسكو والنشاء وعصير الليمون والبيضة ونحركهم على النار ليسمك المزيج نتركه يبرد نعمله اقراص متل الهامبرجر ونغطسها بالسمسم ونقليها بالزيت
    نحطها بالخبز ومعها البصل والخس والفلفل وتقدم وصحتين




    أقـــراص الخضـــار المحمـــرة


    المقـــادير:..


    على فكرة يا جماعة انا فى المقادير مش قد كده يعنى..يعنى باحاول بس اكتب مقادير علشان الناس اشتكت من كتابتى الهلامية ..فدى نسب تقريبية كده ..


    نصف كوب دقيق به خميرة وده موجود فى السوبر ماركت self- raising

    ربع كوب من دقيق الحمص أو دقيق الأرز..وبرضه حتلاقوه فى السوبر ماركت من عينة مترو وهايبر وكارفور

    نصف حزمة كسبرة خضرا مغسولة بالخل كويس..ومخرطة رفيع جدا

    شوية بهارات هندى..وبرضه موجود فى السوبر ماركت

    شوية كمون نونو يعنى رشة كده ولا ربع ملعقة وعاها رشة كارى

    فصين ثوم مدقوق

    شوية ماء نقول نصف كوب مثلا

    علبة ذرة حلوة من السوبر ماركت ..ونصفيها من المية

    حبة بطاطس نقشرها ونفرمها

    حبة كوسة نقرشها ونفرمها

    وكمان جزرة علشان انا بأغش من نانو نفرمها

    وتقريبا زهرتين من القرنبيط مفروم


    الطريقة :

    ننخل الدقيق بنوعيه مع بعض ونضيف الكزبرة مع الفلفل الحامى والبهار والكمون والثوم ..

    ونعمل حفرة فى وسط الخليط ده ونصب المية بالتدريج ونبدا نعجن حتى يتجانس

    نضيف بعد كده البطاطس والقرنبيط والذرة والكوسة للعجين ونقلب ..ونظبط الطعم

    ممكن يبقى صعب اننا نشكل اقراص بايدينا وفى الحالة دى ناخد بالملعقة ونحمر..زى لقمة القاضى كده..

    ونقلب على الجانبين لحد ما اللون يبقى دهبى وتنتفخ الاقراص ...نشيلها من الزيت ونصفيها على ورق المطبخ ...

    وممكن نقدم جنبها نوع dips وده موجود فى صفحة الدريسينج...

    لو لم تجدوا دقيق الحمص او الارز يبقى ممكن نكتفى بالدقيق العادى واللى فيه خميرة علشان تساعد على انتفاخ الاقراص ...





    شرائح البطاطس مع الجبــــن

    المقاديـــــــر:..


    مش عارفة اقول كام حبة بطاطس...جربوا الاول فى كيلو علشان ماحدش يدعى علىّ...بس تكون من الحجم الكبير

    اربع فصوص ثوم مدقوق ناعم

    ملح وفلفل

    جبن شيدر ...حسب كمية البطاطس

    زيت

    الطريقــة


    نبدأ نولع الفرن قبل ما نشتغل...

    نغسل البطاطس كويس..واما نسلقها بس مش قوى علشان نعرف نقطعها او نشويها فى الفرن لحد ماتستوى بس برضه مش قوى علشان نعرف نقطعها

    ونقطعها شرائح بالطول ..وندهن جانب واحد بس بالزيت اللى هو حيبقى تحت مواجهه للصينية

    ونرص الشرائح على صينية فرن

    ونخلط شوية زيت نونو مع الثوم والتوابل وندهن بهم سطح شرائح البطاطس

    وبعد كده نرش الجبنة وتكون مبشورة ( وممكن اى نوع جبنى طبعا..بارميزان مثلا )...

    ونخبز البطاطس فى الفرن لحد ما الجبنة تسيح وتبقى دهبى خفيف كده ...

    وممكن علشان نسوى البطاطس بسرعة نشويها تحت شواية الفرن لمده عشر دقائق ..وممكن كمان نشويها على الفحم..ايه رأيكم فى الفكرة العبقرية دى ...




    الملوخية مع الفول
    المقادير:

    اوقية فول مجروش او عدس مجروش -
    نصف اوقية ملوخية جافة -
    ملح ، زيت للطبخ ،عصير ليمون -
    حبتين بصل متوسطة الحجم .


    الطريقه:

    ضعي الفول في اناء واغمريه بالماء لسلقه لا تكثري من الماء حتى لا يبقى كثيرا من الماء عليه ضعيه على النار واضيفي اليه الملح واتركيه حتى ينضج ،ثم خذي الملوخية الجافة وافركيها بيديك حتى تنعم وارفعي العروق منها،ضعي الملوخية فوق الفول وحركي حتى يختلط بعضه ببعض واتركيها تغلي على نار هادئة وحركي حتى تنضج الملوخية،احمي مقدار نصف كاس من الزيت على النار واقلي به البصل بعد فرمه ناعم نوعا ما حتى يحمر قليلا وصبيه فوق الفول والملوخية ، وحركي قليلا ،اعصري الليمون حسب الرغبة وضعيه فوق البصارة قبل انزالها عن النار بخمس دقائق ،تذوقي ملحها واضيفي اليها ان لزم .وقدميها مع المخللات والزيتون والفجل والليمون
    وبالهنا والعافية
    (ملاحظة ممكن استبدال البصل بالثوم مع اضافة راس فلفل حار )





    لازانيا الخضار بالبشاميل



    المقادير:

    للبشاميل

    :
    سمن او زبدة ...دقيق..لين حليب ..ملح وفلفل ..بيض..وممكن جوزة الطيب مبشورة

    طبعا عارفين البشاميل بيتعمل ازاى ...نضع السمن او الزبدة على النار ونضيف الدقيق ونقلب كويس لحد ما يتجانسوا وبعد كده نضيف اللبن ( وياريت ما يكونش ساخن) ونبدأ فى التقليب كويس ونضيف التوابل ..ولما يبرد نضيف عليه البيض

    لحشو المكرونة:
    شرائح مكرونة لازانيا
    كيلو سبانخ..ناخد الورق بس ونسلقه

    بصلة كبيرة مفرومة

    3 جزارات كبيرة الحجم...نبشر واحدة منها والباقى نقطعه شرائح طوليه ونشويها

    ثمرتين كوسة كبيرة...نقشرها ونقعطها شرائح طولية ونشويها برضه ..ونسيبها مع اختها اللى هى الجزر المشوى دلوقت

    جبن بارمازان مبشور ( او رومى مبشور)

    جبن ريكوتا

    جبن موتزريلا مبشور


    ونقلب انواع الجبن على بعض..ونكسر عليهم بيض ونقلبهم ..



    حزمتين بقدونس مغسولين بالخل كويس ونخرطهم رفيع

    3 بيضات

    ملح وفلفل وزيت

    الطريقة:

    نسلق شرائح المكرونة بس ياريت نسلقها بحرص ومش كلها مرة واحدة علشان ماتلزقش على بعضها

    نبدأ فى رص وحدات اللازانيا فى صينية مستطيلة..(وممكن نضع شوية بشمايل الاول فى قاع الصينية )

    بعد كده نضيف السبانخ ....وبعدها شرائح لازانيا..وبعدها طبقة من خليط الجبن والبيض

    وبعدها طبقة من الكوسة والجزر المشوى...ثم مكرونة

    نغطيها بالياشميل ...وندخلها الفرن لحد مالونها يحمر

    ممكن نضيف على الوش صفار بيضيتين علشان يحمر افضل

    ممكن كمان نقدم معاها صلصة نحمر البصلة المفرومة فى شوية زيت ومعاها ثوم مفروم ونقلب شوية وبعد كده نشوى فلفل احمر ونقشره ونتخلص من البذر
    ونقطع كام واحدة طماطم قطع صغيرة ونقلب مع البصل وتلثوم لمدة تلت ساعة تقريبا ونصفيها فى مصفاة يدوية وبعد كده نضيف الفلفل الاحمر ونضرب الخليط فى الخلاط ونتبل بالملح والفلفل

    وتتقدم جنب المكرونة وده اختيارى طبعا....




    الخضـــــروات المقلية




    المقادير:

    كوب دقيق

    زيت زيتون



    بروكلى..يعنى ثمرة ونقطعها زى القرنبيط كده بس وحدات صغيرة يعنى كل زهرة لوحدها

    وقرنيط برضه يعنى ثمرة صغيرة او حسب الكمية لانه مش الطبق الرئيسى



    ثمرتين جزر كبير مقطع شرائح سميكة يعنى زى البطاطس المحمر كده

    ثمرتين فلفل احمر من غير بذر ونقطعهم شرائح وزيهم فلفل اخضر

    بيضيتين

    زيت للقلى- ملح وفلفل

    للصوص:

    عصير اناناس
    شوربة
    وممكن نستخدم الاكياس الجاهزة للشوربة وتبقى شوربة خضار

    ملعقتين خل

    ملعقتين صغيرين سكر بنى

    ملعقتين نشا

    بصلتين صغيرين مبشوريين

    الطريقة:

    نسلق الخضار اللى معانا ده سويتة يعنى يادوب خمس دقايق على النار من بدء غليان المية علشان مايستوش جدا

    ونجهز عصيان خشب بتاعة الشوى دى..ونكسرها قطع صغيرة نشبك فى كل واحدة الخضار..واحده من كل نوع ..

    نضرب بياض البيض بالمضرب الكهربائى كويس لحد مايعمل قمة رفيعة كده يعنى بوزة كده ونضيف عليه الدقيق
    ونمزج الخليط

    نغطى الخضار قطعة قطعة بالدقيق ده ..ونتخلص من الدقيق الزيادة ..يعنى ننفضه منه...مش له
    ونبدأنقلى فى زيت غزير ساخن ..لمده دقيقة او اتنين لحد ما ياخد لون دهبى بس وننشله على ورق مطبخ


    نجهز الصوص باضافة مقاديره مع بعضها على النار لحد مايبقى سميك نوعا..ونقدمه بجانب الخضار المقلى
    هُدُيًة لمَنٍ أحِبُهُ َفٍيً الله
    { إذِآ گنٍتِ تِرٍيًدُ آلجَنٍة َفٍألزٍمٍَ ~ آلصِلآة}
    {وٍإذِآ گنٍتِ تِرٍيًدُ آلغَنٍىٍ َفٍألزٍمٍَ ~آلأسِتِغَفٍآرٍ}
    { وٍإذِآ گنٍتِ تِرٍيًدُ آلمَحِبُهُ َفٍألزٍمٍَ آلأبُتِسِآمَهُ}
    { وٍإذِآ گنٍتِ تِرٍيًدُ آلسِعُآدُهُ َفٍألزٍمٍَ آلَقٍرٍآنٍ}

    سبحانك يالله يارحيم ياغـفور ياودود

    من مواضيع إم علــــي :


  4. #4
    محررة مبدعة الصورة الرمزية إم علــــي
    تاريخ التسجيل
    Nov 2006
    الدولة
    في بلاد العجائب
    المشاركات
    7,137
    معدل تقييم المستوى
    21
    تورتيلا اسبانية


    الطريقة:

    كيلو بطاطس كبيرة ومقطعة شيبسى يعنى شرائح رفيعة

    زيت
    بصلة شرائح

    3 فصوص ثوم مطحونين

    2 ثمرة فلفل اخضر نشيل منها البذر ونقطعها مكعبات

    ثمرتين طماطم جامده نشيل بذرها ونقطعها مكعبات

    علبة ذرة حلوة

    6 بيضات مخفوقة

    حزمة بقدونس مخرطة

    ملح وفلفل

    الطريقة:

    نسلق البطاطس فى شوية ميه مغلية على النار لمده خمس دقائق ونصفيها وممكن مانسلقهاش برضه ..زى ما تحبوا..

    نقلب البطاطس والبصل على النار فى شوية زيت لحد مايبقى لون البطاطس يبقى بنى تقريبا وبعد كده نضيف الثوم والفلفل والطماطم والذرة الحلوة ونقلب كويس

    نضيف البيض والبقدونس ونظبط الطعم ونسيبها على النار لحد ما الوجه الاسفل يستوى

    وبعد كده نكمل التسوية تحت الشواية لحد ما وشها يحمر او يبقى دهبى يعنى ..ولو تعرفوا تقلبوها على الوجه التانى ممكن برضه...وممكن نسويها فى قلاية البيض ام روحين دى لسهولة عملية القلب...

    ونقطعها ونقدمها وجنبها اى ديبز بتحبوه..

    ممكن نسميها كمان عجة الخضروات ..




    مكرونه بالمشروم



    المقادير


    كيس مكرونه

    نصف كيلو طماطم

    بصله مفرومه

    فصين ثوم

    ملعقتين زيت

    3 حبات فلفل الوان اخضر واحمر واصفر

    كميه مناسبه من المشروم حسب الرغبه

    ملح فلفل


    الطريقه

    اولا تسلق المكرونه وتترك جانبا

    في اناء مناسب نحمر البصل والثوم في قليل ملعقه الزيت و عليهم الملح والفلفل ثم نضع عليهم الطماطم بعد عصرها اوضربها في الخلاط

    وتترك علي نار هادئه للتسبيك

    اثناء ذلك نقطع الفلفل شرائح طوليه رفيعه و معهم المشروم قطع سمكيه قليلا وليست رفيعه ثم نقوم بتقليبهم في ملعقه زيت كبيره علي نار هادئه حتي يذبل الفلفل قليلا

    ثم نقوم بوضعهم مع الصلصه و نتركهم لمده خمس دقائق علي نار هادئه ...مع المتابعه حتي تصل الصلصه اللي السمك المطلوب لتكون جاهزه لخلطها مع المكرونه

    نقوم بوضع المكرونه المجهزه داخل اناء الصلصه و نقلب جيدا



    صينية القرنيط فى الفرن




    المقادير:

    ثمرة قرنبيط..تقطع الى وحدات وتسلق فى ماء وتصفى....بنضيف شوية كمون على الماء المغلى طبعا

    3 ثمرات بطاطس كبيرة تقشر وتقطع الى مكعبات وتسلق لمده 10 دقائق

    نصف كيلو طماطم شيرى

    لعمل الصوص:

    4 ملاعق كبيرة زبدة او سمن

    فصين ثوم مدقوق

    3 ملاعق دقيق

    كوب لبن

    شوية خليط جبن كده ..بارمازان على شيدر

    باربريكا – ملح – فلفل

    ملعقتين ورق بقدونس

    حزمة بقدونس مخرطة

    الطريقة :


    احنا كده سلقنا القرنبيط والبطاطس

    نعمل الصوص ...نرفع الزبد على النار ونضيف الثوم ونقلب دقيقة وبعد كده نضيف الدقيق ونقلب لدقيقة كمان

    نرفع الدقيق من على النار ونبدأنضيف اللبن ونقلب كويس علشان نمنع تكون الكتل وانا الحقيقة باقلب بمضرب البيض السلك اليدوى بيساعدنى جدا فى تجنب الكتل دى
    ونضيف جزء من خليط الجبن والبقدونس والبابريكا ونضع الخليط تانى على نار هادئة ونقلب ونظبط الطعم

    احنا طبعا مش بنعمل بشاميل يعنى نراعى ان الصوص ما يبقاش سميك.

    نرص القرنبيط والبطاطس والطماطم فى صينية الفرن ونراعى ان تكون الطماطم فوق الوش علشان بس تدى منظر جمالى عند التقديم

    ونضيف باقى الصوص ونرش باقى الجبنة

    ونضع الصينية فى الفرن لمدة تلت ساعة تقريبا او لحد ما الوش يحمر ..

    ممكن كمان نأجل رش الجبن لحد ما الخليط يتجانس فى الفرن ويبدأ يستوى وبعد كده نرش الجبنة.....




    بطاطس سوفليه سويسرية




    بصى بقى انت معرفة قديمة وعارفة ان فى المقادير مش قد كده...ركزى معايا بس

    جهزى بطاطس زى ماتحبى بقى ..بس تكون حجمها كبير

    جبن جرويير مبشور

    زبدة.....وعلى فكرة فيه زبدة فيها نكهة الاعشاب..ولو مش موجوده ممكن تضيفى عليها الاعشاب..زى ماتحبى...

    كام ملعقة قشطة مكثفة

    بيضتان وافصلى الصفار عن البياض ...- عارفة الطريقة؟...لو مش عارفة اسألى وانا اقولك

    ملح وفلفل
    ولو بتحبى القرفة نونكن تضيفى شوية نونو....


    الطريقة:


    اغسلى البطاطس كويس جدا...وانا على فكرة باغسلها بالليفة والصابون...اه والله..عاملة ليفة مخصوص للبطاطس...هى شوية يعنى؟

    اثقبيها بالشوكة..من جوانبها ..ودخليها الفرن...وممكن تلفى كل واحدة على حدة..فى ورق المونيوم..

    سيبها حوالى من ساعة لساعة ونص ....لحد ماتستوى

    وبعد ما تخرجيها من الفرن اقسمى كل واحدة نصفين...واكشطى القلب فى سلطانية بس حافظى على القشرة سليمه...ورجعى القشر تانى فى الفرن لحد ما يبدأ يتكرمش شوية

    تعالى بقى نجهز الحشو

    اهرسى قلب البطاطس وضيفى عليه الجبن الجرويير والزبدة والقشدة والقرفة لو عايزة وصفار البيض والتوابل ...

    اخفقى كويس جدا الكلام ده كله لحد الخليط مايتجانس

    اخفقى بياض البيض فى طبق لوحده بالمضرب لحد مايبقى له بوزة ..وبعد كده قلبيه على البطاطس....


    تعرفى انا باحب اضيف شوية قرفة صغننة نونو...علشان ريحة البيض ده

    بعد كده احشى قشر البطاطس اللى هو زى الطبق..- ويارب يكون لسه سليم- بالخليط بتاع البطاطس....ودخليه الفرن لحد مايحمر تقريبا تلت ساعة ....

    وممكن قبل ماتخرجية من الفرن بشوية ترشى عليه رشة جبنة برضه




    طاجن بطاطس متبل

    نجيب كيلو بطاطس ونقشرة ونقطعة شرايح مش تخينة وننقعة فى مبة وملح ربع ساعة وبعدين نصفية وننشفة
    نسخن شوية زيت ونشوح فيهم البطاطس مع التقليب براحة لحد ما لونها يصفر خفيف ونقوم رصنها فى طاجن فرن
    نشوح بصلتين حلقات مع راس توم مفرومة ونضيف عليهم شرايح فلفل رومى واخر حاجة نضيف كسبرة خضرة مفرومة
    ونشوحهم كلهم خمس دقائق على نار هادية ونقوم صبين الخليط دة على البطاطس

    ونضيف حبة مية بسيطة ونتبل بملح وفلفل اسود وكمون وشعرة جوزة طيب
    ونغطى الطاجن ونحطة فى فرن حامى وبعد السوا نشيل الغطا عشا وش البطاطس يتحمر
    ونرش بقدونس بقى على الوش وممكن نضيف مع الفلفل الرومى فلفل احمر حامى للى يحب الحراق
    هُدُيًة لمَنٍ أحِبُهُ َفٍيً الله
    { إذِآ گنٍتِ تِرٍيًدُ آلجَنٍة َفٍألزٍمٍَ ~ آلصِلآة}
    {وٍإذِآ گنٍتِ تِرٍيًدُ آلغَنٍىٍ َفٍألزٍمٍَ ~آلأسِتِغَفٍآرٍ}
    { وٍإذِآ گنٍتِ تِرٍيًدُ آلمَحِبُهُ َفٍألزٍمٍَ آلأبُتِسِآمَهُ}
    { وٍإذِآ گنٍتِ تِرٍيًدُ آلسِعُآدُهُ َفٍألزٍمٍَ آلَقٍرٍآنٍ}

    سبحانك يالله يارحيم ياغـفور ياودود

    من مواضيع إم علــــي :


صفحة 1 من 3 123 الأخيرةالأخيرة

المواضيع المتشابهه

  1. عندي سؤال ممكن الجواب
    بواسطة أم نافع في المنتدى الحياة الزوجية
    مشاركات: 5
    آخر مشاركة: 25-04-2010, 11:11 AM
  2. عندي سؤال ممكن تساعدوني
    بواسطة rere2007 في المنتدى أخواتي , ساعدوني,النجده ,help me
    مشاركات: 7
    آخر مشاركة: 12-01-2009, 02:28 AM
  3. عندي سؤال....................لو سمحتوا الى تعرف تجاوب
    بواسطة حلا الخجوله في المنتدى أخواتي , ساعدوني,النجده ,help me
    مشاركات: 4
    آخر مشاركة: 05-12-2008, 12:48 AM
  4. عندي سؤال لوسمحتوا ممكن
    بواسطة مكعبات سكر في المنتدى استشارات واكتشافات طبية
    مشاركات: 3
    آخر مشاركة: 11-11-2008, 10:43 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |