فضااااايح المسجاات<< ادخلوااا ما راح تندمون



صفحة 1 من 4 1234 الأخيرةالأخيرة
النتائج 1 إلى 4 من 16

الموضوع: فضااااايح المسجاات<< ادخلوااا ما راح تندمون

  1. #1
    محررة مبدعة الصورة الرمزية فراشة المحبة
    تاريخ التسجيل
    Feb 2007
    الدولة
    ينبـــع ــــاويهـــ
    المشاركات
    5,374
    معدل تقييم المستوى
    18

    فضااااايح المسجاات<< ادخلوااا ما راح تندمون

    السلام عليكم ورحمة الله وبركاته

    من المواقف الحلوه اللي تصادفنا ارسال رسايل بالغلط ..
    وهاي بعض فضايح المسجات :



    (1)

    بنات كانوا معاي في الجامعه شله وكانت وحده من البنات عازمتهم ووحده من البنات كتبت لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....





    (2)

    مره كنت بدز مسج حق رفيجتي بقول لها تحسب لي طارئ بالدوام لان مالي خلق اداوم
    المهم انا حافظة رقم رفيجتي بس كتبته غلط
    وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد
    قال( عن الخبال قومي لبسي وداومي )
    طبعا انا انصدمت وسكرت الخط على طول من الخرعه داومت




    (3)

    وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...





    (4)

    مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها

    (( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))
    وارسلتها لصديقتي :{ .....





    (5)

    أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..
    وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..

    والا هو جااي وجالس يالله وين القهوه ؟:
    أنا : أي قهوه ؟

    هو : تستهبلين يا أم المفاجات الحلوه ؟

    وبعدين استوعبت اني أرسلتها له بالغلط وسكت وما قلت شي ,,:







    (6)

    قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة



    (7)

    كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟)
    فشلة ...


    (8)

    مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..

    تتتتخخيلوا ...... الرساله راحت لزوجي وزعل وارسل تهديد

    وانا انطميت وسكت والله موقف لن انساه


    (9)

    مره اختي مسافره برا وهي مديرة مدرسه .....

    المهم جا وقت عودة المدرسات
    وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)

    قامت اختي من السنع ارسلت نفس الرساله لجميع المدرساااات ....يعني نفس النص ما غيرته
    وتعالوا شوفو الضحك والفشيله






    (10)

    انا مره اتصلت على وحده ماردت بعد شوي جاني منها مسج كاتبه

    ((يافلانه ترا فلانة (إللي هي أنا) ازعجتني بالاتصالات ومارديت عليها))

    والمشكله اني مادقيت الا مره وحده ..

    عاد تحسبوني سكت ارسلت لها مسج قلت:

    (( ربي باغي يفضحك ))




    (11)

    جتني رساله من رقم ما أعرفه بس تقول :

    ((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))


    على طول رديت قلت :

    ((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))



    (12)

    انا مره واحد ارسل لي رسالة بالغلط :

    (فلان انت صاحي ولا نايم)
    ارسلت له : تراك غلطان
    رد :

    ( بلا استهبال جب معك فطور)






    (13)

    مره في العيد اخوي ما جاء هو وأهله لنا كان عنده شغل ماقدر
    المهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..
    واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..

    يافشيلتاااااااه
    قلت الحين بيتصل علي ويغثني يارب مايكون واحد لعاب بس

    شوي واتصل نفس الرقم <<< جاك الموت ياتارك الصلاة

    ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه

    يوم رديت طلعت حرمه ..

    السلام عليكم

    عليكم السلام

    أنتِ مرسله رساله لي ؟؟

    قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,

    تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!

    قلت لها ليش؟

    قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه

    مرسل له رساله وغلطان ,, لكن طلعتي حرمه

    والله لا يوريكم والله سوت لي تحقيق ولا المخابرات



    انتِ مين ؟

    انتِ تعرفينا وتسوين فيني مقلب صح؟؟

    قلت لها والله مااعرفك..غلطانه والله غلطانه

    قالت قولي الصراحه تعرفين زوجي ؟؟

    والله اني قعدت احلف واقسم ساعتين ماصدقتني

    اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,

    في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له

    نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه

    ياالله بعد طلوع الروح اقتنعت وسكرت ,,

    لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,

    << في المشمش هذا اللي ناقص بعد ,,


    (14)

    امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها

    وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا
    قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..

    ما درت انه هو الشديد ..

    ضحك وقال ان شاء الله يمه
    دقت عليه مرة ثانية قالت : شف حنا بنروح لخوك فلان حتى دق عليه واسأله ..
    ضحك .. وقال إلعبي غيرها يا ام فلان انا اللي كلمتيه تو ..

    قامت تضحك وقالت : اصلا امزح ماني رايحة لاحد :{




    (15)
    واحد يقول

    كان بيني وبين زوجتي خلاف زوجي قبل فتره واناا يومهاا كنت مداوم بالمستشفى وجتني منهاا

    رساله ... المهم اناا جيت برد على الرساله ورديت بس من زود الحماس والسرعه توقعت اني

    حافظ رقم جوالهاا وكتبته كتابه وارسلت الرساله ... ورحت في عملي وبعد كم ساعه والا الجوال

    يدق ورقم غريب ... رديت عليه مادريت الا بواحد الله يجزاه بالخير ... قال لي يااخوي انت

    تغازل ؟؟؟ ولا غلطان ... عاد اناا عرفت اني جبت العيد قمت اعتذرت من الررجال وفهمته السالفه

    عاد هوو مات من الضحك واناا مت من الاحراج ...!! بعدهاا تبت اني اكتب اي رقم

    جوال من راسي .. يخلق من الارقام 4000 !!!



    تقبلوا تحياتي
    ولاتحرمونا من ردودكم





    منقوووول

  2. #2
    نجمة بيت حواء الصورة الرمزية صمت القمر
    تاريخ التسجيل
    Jun 2008
    الدولة
    السعـــــ ـ ـــودية
    المشاركات
    894
    معدل تقييم المستوى
    15
    (12)

    انا مره واحد ارسل لي رسالة بالغلط :

    (فلان انت صاحي ولا نايم)
    ارسلت له : تراك غلطان
    رد :

    ( بلا استهبال جب معك فطور)


    ههههههههههههههههههههه

    حلوووووووة يسلمو ياحووبي

  3. #3
    محررة بيت حواء الصورة الرمزية sleepyEyes
    تاريخ التسجيل
    Apr 2007
    الدولة
    للاسف على الارض *_*
    المشاركات
    3,571
    معدل تقييم المستوى
    16
    يسلمو الله يسعدك
    أنْ تَختارَ عُزلَتك/ لآ يَعني أنْ تكُف عَن الحُضور فِي قَلبِ العآلمْ ،
    إنّها فِي أبسَط أشكَالها ، يَعنِي أنْ تحضُر بِـ إختيآرك ، وأنْ تُباشِرَ حُضورك
    ضِمنَ حُدودك الخآصْة بِحَيث لَا يسَع أحداً أنْ يسْرقُك مِن ذآتك عَلى غفْلة !
    أوْ يُُشكّل وَجهك وِفق مايُريد ، أوْ يُؤذيك أوْ يَلوي عُتق بوْصَلتك ..!

    من مواضيع sleepyEyes :


  4. #4
    عضوة جديدة الصورة الرمزية الورده الصغيره
    تاريخ التسجيل
    Aug 2008
    الدولة
    في مكانـــــــــــــــ في العالمـــــــــــــ
    المشاركات
    10
    معدل تقييم المستوى
    12
    تسلمي مره حلوه

    من مواضيع الورده الصغيره :


    صفحة 1 من 4 1234 الأخيرةالأخيرة

    المواضيع المتشابهه

    1. بلييييز ادخلوااا
      بواسطة نوني ^_^| في المنتدى السوق, ( متاجر متنوعه) ويمكنك تأجير ركن خاص بك
      مشاركات: 4
      آخر مشاركة: 03-12-2010, 10:26 AM
    2. بلييييز ادخلوااا
      بواسطة نوني ^_^| في المنتدى وصفات لجمالك
      مشاركات: 1
      آخر مشاركة: 25-11-2010, 04:16 AM
    3. توهيقة رمضان ادخلوااا
      بواسطة تاجره صغنونه في المنتدى المطبخ
      مشاركات: 10
      آخر مشاركة: 25-06-2010, 08:02 PM
    4. تكفوووووووووووون ادخلوااا
      بواسطة عطرالوـورد في المنتدى حواء وطفلها
      مشاركات: 16
      آخر مشاركة: 23-02-2010, 04:30 AM

    الكلمات الدلالية لهذا الموضوع

    مواقع النشر

    مواقع النشر

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    أهم المواضيع

    المطبخ

    من مواقعنا

    صفحاتنا الاجتماعية

    المنتديات

    ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |