كيفكم حبايبي حبيت أصور لكم غذانا اليكم والي هو محشي الكوسا ويارب ينال اعجايكم نبلش بدون مقدمات ..
المقادير::
400 جرام لحم غنم مفروم
3 كيلو كوسا
3 أكواب أرز مصري كبيرة 300مل
2 بصل كبير مفروم ناعم
1 باقة بقدونس
1 باقة شبت
2 حبة بندورة مقشرة ومفرومة ناعم جدا
علبة صلصة والأفضل بندورة معصورة ومصفية
2مكعب ماجي للمرق
بهارات :ملح _فلفل أسود _كمون _كركم _جوزة الطيب _3 ورق غار طبعا على حسب الذوق ..
2 م ك سمن _2 م ك زيت حق الحشو
الطريقة :
أولا نغسل الكوسا جيدا ثم بنبقورها وبعدين نغسلها منيح وبنتركها تصفى ..
ثانيا بنسوي اللحمة على النار بنكون حطينا البصل بنقلبه بشوية زيت وبعدين بنحط اللحمة وبنعسجها لحد ما تستوي
وبعدين البهارات وبعدين البقدونس والشبت طبعا مغسول ومفروم ناعم يدوب 3 دقائق وبنطفي النار ..
بجيب الأرز بعد مانتقع واصفى وبنحط عليه اللحمة وبنقلب الحشوة وبنحط البهارت والسمن والزيت طبعا حتقولو
البهارات حطيناها على اللحمة بس كمان بنحط نفس البهارت لأنه الأرز ماتبهر وهيك بتكون الحشوة جاهزة ..
ثالثا بنحشي حبات الكوسا وبنحطها بالطنجرة وبنحط عليها الماجي والغار والصلصة وشوية ملح والماء المغلي وبنحطها
على النار لحد مانغلي بنشيل الرغوة الي بتطلع وبعدين بنهدي النار على الآخر ..
واخيرااا استوى المحشي ياعمي المحشي جاي المحشي جاي هههه ..
وبنقدمه مع الشورب والفتوش وصحتين وعافية يارب ينال اعجابكم ومايحرمني من دعاكم ..
وهذا من الجهة الثانية يمم يمم شو لذيذ ..
المشاركة الأصلية كتبت بواسطة ام نونـا
مواقع النشر