كيفكم اليوم يابنات طبعا احب أهنئي اختي العزيزة تشى لاانضمامها معنا في المسابقه والله يوفقها
راح ابدأيومياتي الليله بنبذه بسيطه عن اهل زوجي خمسه اخوان وثلاث اخوات وجميعهم متزوجين والام اما الاب متوفي الله يرحمه والاخ الاكبر يسكن مع الام في بيت الاب الكبير والاخوان الباقين متفرقين في شقق مفروشه ومن ضمنهم أنا وزوجي
البارح على السحور سويت سليق بالسمنه البلدي وسلطة حارة وتسحرنا وصلينا الفجر ونمنا صحيت اليوم الساعه الواحده وصليت وصحيت زوجي للصلاة وبنتي كمان وبعدها رجعت نمت لاني كنت تعبانه وبعدها قمت الساعه الثالثه والنصف ورحت للمطبخ وسويت كم صينية حلا وصينية دجاج واذن العصر وصليت ورجعت اكمل طباخ<<<ماكوا فكه من الطبخ
بعد ماخلصت رحت اجهز نفسي واجهز بنتي واجهز هدية ام زوجي وشيكة على البيت ولما بقى على المغرب ساعه أخذت الصواني مشينا لعند اهل زوجي واول مادخلنا حارتهم استقبلنا عيال الحاره بالطراطيع---اي المفرقعات
وبعدها دخلنا الساحه الداخليه للبيت وايضا وجدنا استقبال اخر وهو اولاد اخوان زوجي مرحبين ومهللين بنا ياحلليهم
دخلنا أنا وزوجي الى غرفة ام زوجي وسلمنا عليها واعطيتها هديتها وجلسنا شوي بعدين راح زوجي عند اخوانه وازواج اخواته في المجلس وأنا رحت اسلم على البنات واساعدهم البنات هم السلايف واخوات زوجيوبعد السلام السريع خبركم وقت تجهيز الاكل مووقت دق الحنك
جهزنا سفرة الرجال وسفرة الحريم واذن المغرب وتجمعنا على الفطور وافطرنا على اصوات البزارين العذبه اللي يصيح يبي توت واللي يبي سمبوسه الله يصلحهم
قاموا الرجال وراحوا المسجد واحنا كمان صلينا بعدها تقاسمنا المهام في شغل البيت اللي تغسل واللي تشيل السفر طبعا أنا توليت مهمة كنس غرفة عمتي<<<تبغاها تمدحها
بعدها دخلوا الرجال وطلبوا الشاي واحنا جلسنا مع عمتي نسولف وأذن العشاء وقمنا صلينا اتمنيت اني اصلي التراويح بس الجو مايساعد بزارين وجمعه وازعاج
رجعنا الى عمتي وكملنا السواليف وقالت اخت زوجي واش رايكم نروح الممشى اللي وراء البيت وافقوا كلهم الا انا اعتذرت وحلفوا يمين الا وامشي معهم وافقت ونظرا لكثرتنا اتفقنا ننقسم مجموعتين مجموعه تروح ومجموعه تمسك البزارين وتشوف طلبات البيت لين ترجع المجموعه الاولى وبعدها تروح المجموعه الثانيه طبعا انا كنت بالمجموعه الاولى وتوكلنا على الله ومشينا الى الممشى بصراحه المشي كان ممتع خاصه لما يكون معاك احد
خلصنا ورجعنا البيت وراحت المجموعه الثانيه الله يستر عليهم
كلمت زوجي وقلت له ابغى اروح البيت مع انه السحور راح يكون عند اهل زوجي بس رحت البيت عشان اجيب الشغاله واجهز اغراض لزوجي لانه بيروح مع اخوانه بعد السحور الى الطائف عشان يزوروا عمهم مريض الله يشفيه وبالمره يفطروا عنده
جيت البيت وشيكة على شغل الشغاله وجهزت اغراض زوجي ودخلت المنتدى الان وكتبت اليوميات وبعد شوي راح اروح عند اهل زوجي ونتسحر معهم ------[color=#CC0000]وخلص ثاني يوم من رمضان[/
color]
ترقبوني غدا بيوم رمضاني خاص بأبي وأمي
المشاركة الأصلية كتبت بواسطة {~جوود~}
مواقع النشر