اللي تحب البفتييك مع صلصله البطاطس المهروسه بالجبن تدخل
[motr][/motr] اهلين حبيباتي جبتلكم وصفه تجنن وصفه لذيذه مره مره مره اتعب واقولكم روعه وصفه شيلكه حتى في شكلها تجمل في العزايم انا سفرتي في العزايم ما تخلى منها بسم الله الرحمن الرحيم
نبدا: اول شي طبعا عارفين البفتيك هو صدور دجاج مدقوقه ومخلينها رقيقه خلاص يا حلوين وبعدين نجي للخطوه المهمه وهي تتبيله البفتيك : نجيب الخلاط ونحط فيه : بصله كبيره مره مقطعه +ثوم كثير شويه + لبن زبادي +مايونيز +كاتشب +عصير ليمون +البهارات انواعها انتي تحدديها بس تكثري البهارات على قد ماتقدري + ملح + ماجي +قليل صلصل صويا+قليل من صلصل الباربيكيو ونخلطها في الخلاط وشمي ريحتها جنان وبعدين ياحلوين نجيب حافظه طعام ونجيب صدور الدجاج ونلخبطها مع التتبيله ونحطها في الثلاجه يوم كامل : تاني يوم على الفطور نجيب : صحن دقيق وصحن بيض متبل بفلفل اسود وملح ونقلبه وصحن بقسماط وممكن نتبل الدقيق بملح وفلفل اسود نعمل الخطوات المعروفه نجيب صدر الدجاج المتبل ونضعه على الدقيق ونتأكد ان الاتجاهات والصدر كامل مغلف بالدقيق وبعدين البيض وبعدين البقسماط ونسوي الكميه كلها وبعدين نغطيه بنايلون ونحطها في الثلاجه نص ساعه وعدين نقليها بزيت غزير وكده خلصنا من البفتييك نجي نسوي صوص البطاطس المهروسه المقادير : بطاطس مسلوقه + جبن كأسات +مايونيز +شويه كربمه الخفق
الطريقه : نحط المقادير كلها في الخلاط ونخلطها ونضع عليها ملح وفلفل اسود شويه واذا كان الصوص مره سميك خففيه بشويه حليب وعند التقديم حطيه علي الفتييك او في رصي البفتييك في صحن تقديم وحطي الصوص في زبديه صغيره في وسط صحن التقديم وحوليه البفتييك وممكن تقطعوا بطاطس وتقلوها وتقدموها مع البفتييك جربوها يا حبايبي ومراح تندموا ابد ولا تبخلوا عليا بآرائكم
رد مع اقتباس
لا تحزن إن الله معنا
مواقع النشر