تكفـــــــــــووووون لاتفــــــوتكم هههههههههاي



صفحة 1 من 5 1234 ... الأخيرةالأخيرة
النتائج 1 إلى 4 من 17

الموضوع: تكفـــــــــــووووون لاتفــــــوتكم هههههههههاي

  1. #1
    محررة بيت حواء الصورة الرمزية لجرواحك أدواي
    تاريخ التسجيل
    Apr 2008
    الدولة
    في الربع الخالي
    المشاركات
    3,212
    معدل تقييم المستوى
    15

    تكفـــــــــــووووون لاتفــــــوتكم هههههههههاي

    حدث في .25 / 11 / 1421 هـ

    عندما كنت في الصف الاول متوسط كنت ارتدي مريولاً كحلي اللون المليء ببقع العصير ,,في آخر يوم من المدرسة قبل عطلة الحج كان الجوع والتعب والإرهاق هم المسيطر الوحيد وقتها وكنت أحلم أنني عندما أفتح باب البيت أرى حضناً دافئاً ارتمي به مثل ما كنت أرى في أفلام الكرتون والمسلسلات المصرية وفتحت الباب بكل رومانسية وهدوء وكنت أحلم حينها أحلام يقضة ولكن سرعان ما تحول الحلم إلى حقيقة مرة لايمكن الفرار منها نعم لقد وجدت أمامي أمي كما توقعت ولكنها لم تضمني الى صدرها الحنون بل قالت : [ روحي غيري مريولتس وطسي اخمدي بيجي عمتس ياخذتس لمغرب ]
    لمعلومية كنا ساكنين في ديرتن تجيب الهم وتحفظا على تلك الديرة منيب قايلة اسمها بس انها حول الرياض _
    لكن آمالي لم تتحطم لأني متوقعة ردها هذا وطأطأت رأسي وذهبت إلى غرفتي ولم اتغدى ولم أغير مريولي كما طلبت أمي وسرعان ما وجدت نفسي أحلم بـ ولد عمي وهو فارس أحلام جميع بنات عمي كان وسيماً ذا شعر طويل وقوام متزن وجائت بعض المشاهد المشفرة في الحلم وإذا بي اتحمس وأحضن وسادتي من الحماس وكان شعوراً رائعاً وقتها لم أشعر به وكأنني كنت اسبح في خيال ابن عمي هذا الذي لم التقِ به في الحقيقة سوا مرةٍ واحدة عندما ذهبنا إلى الرياض وانا في الصف الثاني ابتدائي ولظروفٍ مرت على العائلة حيث تشاجر أبي مع اخوته وكات الضحية الأولى والأخيرة أنا لأنني كنت أعشق ذلك الرجل الذي مافكر فيني ولا يدري ان عندهـ بنت عم
    قطع علي حلمي الجميل نعلة ملصقة على وجهي قامت برميها أمي وهي تقول: جومي جعلتس القااامة الحين بيذن المغرب وانتي ما تجهزتي ]
    قلت وأناالقط الغمص من عيني الصغيرة : [ وراهـ اتجهز يمه وشوله ؟ ]
    قالت : [ قومي جعلتس الضربة اغسلي وجهتس والبسي بيجي عمتس ابراهيم ياخذتس ]
    قلت : [ منهو عمي إبراهيم ؟ ]
    قالت وهي تضع يدها على راًسها : [ عمت عينتس من بنت .. ما تعرفين عمتس ذاك الكشخه اللي ساكن بالرياض ]
    قلت : [ لا والله يمه ما حصل لي الشرف ومنيب رايحتن له لو على قطع رقبتي ]
    قالت : [ يقالتس الحين قوية ؟ .. أشوى اني بطلع والقى ملابستس كلها حاطتها في كيسه ومتجهزة خلال خمس دقايق لا العن والديتس ]
    قلت وأنا اتحطم : [ أول مرة أشوف وحدهـ تلعن نفسها ]
    قالت : [ هاااااه ]
    قلت : [ خلاص خلاص بقوم ]

    وقمت وانا ما ادري وش الطبخه وذهبت إلى الصالة ووجدت أمي وأبي وجدتي وبالقرب من أبي وجدت شخصا نضيف جداً لم تره عيني من قبل
    وقالت لي أمي : [ شوفي وانا امتس .. بنروح أنا وأبوتس وجددتس للحج الليلة ]
    وتـلأألأت عيناني وقلت : [ وأنا ]
    قال أبي : [ أنتي بتروحين لـبيت عمتس ابراهيم بالرياض لين نجي ]
    قلت : [ مابي مابي مابي بروح معكم خير ]
    قالت أمي وهي تحاول مداعبتي : [ تدرين ليه حنا بنروح ونخليتس ؟ .. عشان تغنين الأغنية الشهيرة ذيك (( بابا ماما حبوني * راحوا مكه وخلوني )) وضحكت ضحكتاً سامجه ]
    وقلت لها : [ يمه والله لو منتيب أمي لا اتوطى بطنتس على ذا المصالة ]
    قالت : [ تسني معطيتتس وجه ؟ ]
    وبعد إقناع شديد من أمي وأبي قال عمي وبصوت حنون ..
    [ ورى ماتجين عندنا في البيت فيه بنت كبرك وفيه العاب واجد وعندنا تلفزيون ومسبح وكل شي أحسن من القعدهـ هنا لحالك ]
    قلت وانا امسح نخاريري بكم قميصي : [ قل قسم ]قال وهو يبتسم لبرائتي الغبية : [ والله ]
    قلت وانا انظر لأمي وأبي وجدتي : [ طسو ولا تجون الا السنة الجاية . . ]
    وآخذ قشي وأجر عمي الذي لا امون عليه واول مرة اشوفه منذو قرابة الـ 8 أعوام عندما كنت صغيرة .. وذهبت مسرعة الى سيارة عمي تلك أول سيارة اراها في حياتي لم يكن فيها صندوق من الخلف وركبت وابتسم لي عمي ابتسامة شقت قلبي
    وذهبنا وتوجهنا إلى الرياااااض تلك المدينة التي لم اطبها سوى مرة واحدة في حياتي
    وكنت متحمسة لكي ارى ذلك الدش حيث أني كنت متعودة على { غصب واحد & غصب اثنين } وتحمست ايضاً لكي ارى الألعاب التي لديهم حيث أنني منذ دخل المدرسة وأنا أكرف بالمطبخ وسلبت حقوقي الطفولية :(
    ونحن في الطريق المظلم خيم علينا السكوت أنا وعمي ولا يُسمع أي صوت في السيارة سوى صوت المناشق ومسح النخارير بأكمام القميص التي كمشت من كثر المسح وأثناء ما كنت اناشق سطعت انوار الرياض في عيناي المليئة بالغمص وقال لي عمي : [ هذي الرياااااض ]
    قلت وانا استهزء بكلامه : [ قل قسم ؟ أحلف ؟ لالالاعاد أكيد تمزح .. هذي الرياااض ؟ أقول بس بشر امك تحسبني بزر ما اعرف شي ]
    قال ووجهه مليء بالإستفهامات : [ طيب آسفين ]
    قلت : [ لا لا عادي بس لا تعودها ]
    دخل بي عمي في وسط حي رااااااااااااااااقي وقصوووور شااااااامخه لدرجة انني خفت من هذه المباني حيث اني متعودهـ على بيتنا الشعبي المكون من دور واحد وحوش فيه نخلة وشارع من ترااااب .. ولكنني تفاجأت عندما فتح عمي باب الكراش بالريموت وصرخت صرخة تنبع من إحساس خائف وقلت : [ يمااااااااااااهـ سااااحر شلووووووووون ؟؟؟؟؟؟؟؟؟ ]
    قال وهو يتأفف من قراوتي : [ هذا ريموت نضغطه ويفتح الباب ]
    ودخلنا الى ذلك القصر العااااالي وكان في استقباااالنا زوجته وبناته وولده الذي طالما حلمت ان يكون يعرفني ويعلم انني اعشقه
    وتفاجأت عندما رأيت زوجة عمي وبناتها يرتدين البناطيل التي لطالما قال لي عنها والدي انها حرام ونظرت الى ولد عمتي فوجدته يرتدي { شورت الى نصف فخذه} واغمضت عينان بيدي الممشوقتين وقالت لي زوجة خالتي : [ وش فيك مغمضة ؟ ]
    قلت : [ ياخزيااااااااااااااهـ وش لابس ولدكم شكله نسى يلبس ثوبه ]
    ولم أسمع جواباً سوا الضحك منهم جميعا على برائتي وقراوتي
    ومسكت زوجتي يدي وقالت : [ تعالي يا حبيبتي اعلمك عن مكان غرفتك ]
    يوم قالت { حبيبتي } لأول مرة احد يقولها لي بالتاريخ .. حقدت على امي التي لم اسمع منها سوى (( جعلتس الضربه , ثبرن يثبرتس , جعلتس النعاس , جعلتس الماغص , واذا عصبت تقول طاعون )) :(
    وقلت لكي اسمع كلمة حبيبتي من تلك المرأة النضيفة : [ هاااه ؟ ]
    قالت : [ ماتبين تشوفين غرفتك وتغيرين ملابسك وترتاحين ؟ ]
    قلت : [ الا ]
    وذهبنا وفتحت لي البااااب فكانت الصدمة هي سيد ذلك الموقف
    غرفة زهرية اللون ومليئة بالأثاث الرااااقي الطفولي الذي يناسب سني وجدت الوان الطيف في تلك الغرفة والوان متناسقه من البلاط والستاير والفرشه والأثاث نفسه و
    وجدت سرير .. نعم انه سرير لم اصدق عيناي فقلت لها : [ هل هذا سرير ؟ ]
    قالت وهي متعجبة : [ ايه ليش اول امرة تشوفين سرير ]
    خنقتني العبرة وقلت : [ لا شفت بالمسلسلات بس ]
    قالت وعيناها كلها شفقة : [ أجل وش كنتي تنامين عليه ؟ ]
    قلت : [ قبل اربع سنوات أبوي شاري لي دوشق لونه ابيض بس انه تغير لونه مع عوامل التعريه وصار لونه بيج وفيه خرائط {زغاغيل} ]
    قالت : [ خلاص انتي بتنامين هنا ]
    قلت : [ أخاف أطيح ]
    قالت : [ أخلي وحده من البنات تنام عندك ]
    قلت : [ لا لا أخاف أزغل وتعلم علي ]
    قالت : [ ههههههههههههههههه زغلي يا عمري ونغير لك السرير بكبره ]
    قلت : [ تغيرون السرير عشان زغولة ؟ ]
    قالت : [ أجل اذا زغلتي وانتي نايمة وش تسوي امك بالفراش ؟ ]
    قلت : [ تدعي علي وتطلعه برا للشمس لين ينشف وترجعه وانام عليه ويادار مادخلك شر ]
    قالت : [ أنتي يبي لك قععععدهـ بس بعد ماتغيرين لبسك وتلبسين البجامة اللي في الدولاب وتنزلين تتعشين معنا ]
    قلت : [ ابشري ]
    وذهبت إلى الدولاب لكي ارى ذلك الشيء المسمى بالبجامه هل هو شراب أم فنيلة علاق أم عباية او ماذا يكون ؟
    فتحت الدولاب ووجدت ملابس مسفطه وفتحتها ووجدت الصاعقة الكبرى والشرك الاعظم .. (( بنطلووووووووون وموب طووووووويل & بلوزة بدون كمووووووووووم ؟ ))
    ما انتبهت ولا شد انتباهي لأني وعلى بالي اني بلبس فوقه قميص
    وفعلاً لبست البجامه وفوقها القميص ونزلت وانا امشي قاعدهـ المس التحف والأشياء اللي ماقد شفتها في حياتي
    ودخلت عليهم في الغرفه اللي هم قاعدين فيها وقالت زوج عمي وهي مستغربه : [ ورى مالبستي البجامه ]
    قلت : [ لبستها ]
    قالت : [ وينها ما اشوف شي ]
    قلت : [ تحت القميص ]
    قالت : [ ليش طيب ؟ ]
    قلت : [ وشو اللي ليش وشلون تبيني البسها ؟ ]
    قالت : [ تعالي تعالي ]
    جيت بكل برائة ما دريت انها شرسه
    وفصخت قميصي الذي يحمل جميع الروائح الكريهة
    وانا حاولت اقاوم بس كانت اقوى مني

    والبنات كانوا مستغربين حالتي
    قالت الام : [ وراك انتي كذا ]
    قلت : [ بس مابي اتفصخ ]
    قالت : [ تتفصخييييييييين ؟ واحد قال لك تفصخي ؟ ]
    قلت : [ أنتي فصختيني ]
    قالت : [ كلنا نلبس بجامات ]
    قلت : [ بس ... أأ بس ... أأأــ انا ]
    قالت وهي مستغربه : [ أنتي وش فيك ؟ ]
    قلت :] [ انا .. أأأ أنا اممممم ]










    ماذا حصل عندما فاجأتهم بالإعترف ؟
    ماذا سيكون بيني وبين ولد عمي الذي احبه ومادرى عني ؟
    كيف سأتأقلم مع العائلة الغربية الأطوار ؟
    ماهي المواقف التي ستكون بيني وبين بنات عمي ؟



    كل هذا في الجزء الثاني من قصة (( بابا وماما حبوني راحوا مكة وسحبوا علي ))










  2. #2
    محررة بيت حواء الصورة الرمزية لجرواحك أدواي
    تاريخ التسجيل
    Apr 2008
    الدولة
    في الربع الخالي
    المشاركات
    3,212
    معدل تقييم المستوى
    15
    باااااااااااااااااااكـ ..

    الجزء الثاني ..

    قالت الام : [ وراك انتي كذا ]
    قلت : [ بس مابي اتفصخ ]
    قالت : [ تتفصخييييييييين ؟ واحد قال لك تفصخي ؟ ]
    قلت : [ أنتي فصختيني ]
    قالت : [ كلنا نلبس بجامات ]
    قلت : [ بس ... أأ بس ... أأأــ انا ]
    قالت وهي مستغربه : [ أنتي وش فيك ؟ ]
    قلت :] [ انا .. أأأ أنا اممممم]
    قالت : [ اخلصي ]
    قلت : [ أأأمممممم امممم اااا انااااااا ركبتي سوداااااااااااء ]
    قالت : [ طيب وبعدين ؟ ]
    قلت والعبرة تخنقني خنقاً : [ كلكم ركبكم بيض الا انا ركبتي فحمة ]
    قالت : [ ولا يهمك بكرا نسوي حملة تنضيف انا والخدم وننضفها لتس ]
    فأحسست وقتها اني ملكت العالم بيدي الشهبتين وأحسست وقتها أنني ملكة لا ينقصني سوى تنضيف الركب لكي ابدو بمظهر لبق أما فارس أحلامي {محمد} ولد عمي ابراهيم اللي مادرى عني وماشافني الا مرتن وحدهـ
    قطع حبل أفكاري صوت فارس أحلامي من خلفي وهو يقول : [ يمه : بروح للثمامة مع اخوياي تبين شي ]
    قالت أمه [ ومتى بترجع ]
    قال : [ مدري يمكن على الساعة 4 الفجر.. تامريني على شي ]
    قالت أمه : [ أبد سلامتك ولا تتأخر ]
    قال : [ أبشري ]
    وأنا قلبي يقول (( طربق طربق )) وقتها .. لا أعلم هل هو فرح للقائه أم حزن لمفارقته لأنه سوف يطس للثمامة وبداخلي شيء يرقص مثل هذا
    ولكن خطرت في بالي فكرة جهنمية تقشعر لها الأبدان <-- وش تحسين فيه انتي ؟
    قلت لازم أني أسهر لين تجي الساعة 4 الفجر عشان أختلي فيه لحالي وأصارحة بحبي الشديد له وقلت من الحين لازم اتكشخ واسرق لبس كشخه من غرف أخواته الحييييييييييييييييييين
    وبدأت خطتي الجهنمية وناتيت بنات عمي وقلت لهم انني سوف أحضر لهم مفاجأة كبيرهـ وجعلتهم يجلسون في غرفة المعيشة <-- اروح طمااااااااط مع المعيشة ذي
    وفعلاً يوم انهم أجتمعوا وانا اذهب الى غرفهم وافتح الدواليب واسرق أكشخ لبس عندهم واخذ مكياج وبلاوي زرقااااء
    الزبدهـ نزلت تحت لقيتهم متحمسين يوم دخلت عليهم قالوا : [ وين المفاجئة ؟]
    قلت : [ هاه ئئئئئئـ شسمه المفاجأهـ امممممم اييييييييييييه المفاجئة هي اني ارقص لكم ]
    رفعوا حواجبهم وألسنة حالهم تقول ( أمحق مفاجأة )
    صرفت السالفه ورقصت ولقيت تسبودهم حايمة وكل وحدهـ ودها تتطواني وتذبحني المهم بعد ما حامت تسبودهم راحوا ينامون وقالت لي مرت عمي : [ أنتي ورى ماتنامين ]
    قلت : [ هاه ؟ ايييه الحين بنام تصبحين على خار ]
    قالت : [ ونتي من اهله]
    وأررررررركض لغرفتي وافتحها وقعدت افكر وأفكر وأفكر
    وبعدما فكرت قررت أنني أتحمم وأتنضف وأشيل البقع القذرة التي تملأ جسمي والتي لم انضفها منذو سنة كاملة .. ودخلت الى الحمام وأخذت الليفة والصابون وفتحت الصنبور وبدأت افرك جسمي فركاً ليس هيناً حتى أن بعض المناطق نزفت دماً من شدة التنضيف وبعدها خرجت من الحمام وتعطرت ونظرت إلى وجهي بالمرئآة وتفاجئت انني لست سمراء اللون وان كل سماري ليس من الشمس بل انه وصخ وقذارة لأنني رأيت وجهي يشع بياضاً وركبي بدأت تبيض
    وأخذت أعطر جسمي بأنواع الروائح الزكية وارتديت بجامة نضيفة وبدأت استشور شوشتي التي لم يلمسها الإستشوار منذو خلقت حتى ذلك اليوم ولم يمشط منذو سنتين واخذت استشوهـ لمدة لا تقل عن صاعة ونصف حتى أصبح مثل الحرير وذهبت الى الملابس التي سرقتها وأخذت ذلك الفستان الناعم القصر الذي يخرج سيقاني بعيداً عن ركبتي الشهبتين ولبسته وتفاجأت عندما نظرت إلى شكلي حيث انني لم اتوقع انني أكون بهاذا الشكل
    ونظرت الى الساعة التي تشير الى الثالثة تماماً ..
    وهرعت مسرعة الى التسريحة المليئة بالمكياج المسروق وأخذت أحمر شفاة زهري اللون ووضعته على برطمي المتشقق وأمسكت بقلم الكحلة ووبدأت أرسم عيناي التي سبق وان شلت غمصها
    وتغير شكلي اصبحت من فتاة قبيحة المنظر وقذرة الشكل الى فتاة ناعمة ونضيفة
    نظرت الى الساعة فوجتها تؤشر الى الثالثه وخمسون دقيقة
    أي ان قدومه لم يبق عليه سوى عشر دقائق وهرعت مسرعة الى صالة الجلوس التي مواجة للباب الذي سوف يدخل منه { محمد} وشغلت التلفاز لكي لا اظهر له انني متشققة عليه <-- اخس يا ثقلللل
    وحطيت على قناة اخبارية وجلست جلسة ناعمة تخفي ركبي وملامحي القبيحة وسمعت صوت الباب ينفتح وقام قلبي بالرقص
    وحاولت انني لا انظر في عينيه التي تذبح وتقتل
    وفق بما يقارب الخمس دقائق وهو ساااااكت لم ينطق بحرف واحد
    وانا سويت نفسي انه ماهمني والا انا متقططططططططططططعه
    قال بعد صمت شل لسانه : [ من انتي ]
    قلت بصدمة وأنا التفت يميناً ويسار : [ أنا ؟ ]
    قال وهو يتميصل : [ لا أنا اقصد جدتي سلمى ]
    قلت : [ يوووهـ حتى انتم عندكم جدتي سلمى ؟ ] <-- غباء شاسع مافكرت ان جدتنا هي نفسها جدته
    أعطاني نظرة لم افهم معناتها ولكن اكيد انها مزيج من الـ ( خقة والإستصغار لمصالتي )
    قلت : [ وش فيك انا بنت عمك ]
    قال : [ تدرين ؟ ]
    قلت : [ وش ]
    قال : [ توي ادري انك خقق ]
    قلت : [ قلللللللل قسسسسم بالله يعني انت تحبني مثل ما انا ميته عليك ؟]
    وسكتت وحسيت اني جبت اليوم الوطني
    وهو انصدمممممممممممممممم
    وجاء جلس جنبي على الكنب وقال : [ ريحة عطرك مرة تجنن ]
    قلت بيني وبين نفسي أجل لو تدري انه عطر أختك : [ شكراً ]
    قال : [ ما شاء الله تعرفين تستحين ؟ ]
    قلت : [ لا والله ما اعرف بس اقلد اللي يستحون ]
    قال : [ انتي تحبيني ؟ ]
    قلت والصدمة تشل اقدامي وجسدي كله : [ هاه ؟ اكيد فيه بنت عم تكره ولد عمها ؟ ]
    قال هو : [ موب قصدي بس انتي قلتي انك ميته علي ]
    قلت : [ لا لا لا انا احبك مثل اخواني :wacko: ]
    قال : [ ما عندك اخوان انتي ]
    قلت : [ بس اعتبرك اخوي ]
    قال : [ حتى انا احبك ... بس مثل اخواتي:happy: ]
    قلت والنار تطلع من اذاني من القهر :icon8[1]: [ طيب انا تاخرت بروح انام ]
    قال : [ وين بدري ]
    قلت : [ موب بدري يالله عن اذنك ]
    قمت وهو ينظر الى جسمي وانا اصعد الى الدور العلوي وقال لي وانا طالعة : [ ترا الليلة مبارات الهلال والنصر ]
    قلت : [ بشر عمي ]
    قال : [ طيب ترا بس قصدي اعطيك خبر ]
    قلت : [ انت هلالي ولا نصراوي ]
    قال : [ انا نصراوي ]
    قلت : [ وعععععععععععععععععععععع أنا هلاليه ]
    قال: [ نشوف الليله من يفوز ]
    قلت : [ أقول انقشع بس ]

    وذهبت الى غرفتي وقعدت ابكييي وانااااااااشق واغير ملابس بنت عمي والبس لبسي القديم وامسح وجهي واحط راسي ونا احاول انام لكن عجزت
    وجلست افكر وافكر وافكر وطلعت في راسي لمبه ثانيه عشان اخليه يحبني
    وقلت لازم اليوم في مبارات الهلال والنصر اكون جنبه وانا قاعده اشجع واذا جاء العصر بقول لبنات عمي يودوني لأبو ريالين اشتري علم ازرق
    ونمت ...

    يوم جاء العصر واقووووم واطير لغرفة بنت عمي واقول : [ عندكم علم هلالي ؟ ]
    قالت : [ خير ؟ لا ما عندنا ]
    قلت : [ طيب وش رايتس نروح لأبو ريالين نشتري علم ]
    قالت : [ مهيب شينه بس قولي لأمي قبل ]
    قلت : [ طيب خن نروح نقنعها قبل تبدأ المبارات ]
    قالت وهي مستغربة لحماسي : [ يالله ]
    ورحنا واقنعنا مرت عمي ووافقت ولبسنا عباياتنا وحنا طالعين قال محمد : [ وين وين وين ؟ ]
    قلت : [ وش دخلك ؟ ]
    قال : [ من كلمك انتي انا اكلم اختي ]
    قلت : [ أجل وراك تشوفني وانت تكلمها ]
    قال: [ وين بتروحون ]
    قالت أخته : [ لأبو ريالين ]
    قال : [ من يبوديكم ]
    قالت : [ السواق يعني من ؟ ]
    قال : [ لا محد موديكم الا انا ]
    أنا من داخل اترقص من الفرحة بس سويت نفسي اني ما اهتميت
    وركبنا معاهـ
    ونزلنا لأبو ريالين واشتينا اعلام وبلاوي زرقاااء
    يوم وصلنا البيت قلت : [ عن اذنكم انا بروح اريح شوي ]
    قالوا : [ توك قايمة من النوم ]
    قلت : [ يلا غبائكم انا ماقلت بروح اخمد , قلت بريح شوي ]
    قالوا : [ روحي روحي ]
    ورحت واخذت الوان زرقاء وحطيت شخطتين على خدي اليمين وشخطتين على خدي اليسار
    والبس ملابس ازرق وابيض وتكللللللللللفت
    يوم اني خلصت وانا اسمع صراخهم تحت : [ بدت بدت المباراااات ]

    وانزل انا واعلامي وكلهم ما اهتموا للمبارات الا انا ومحمد
    طلعوا كلهم لأن ولا واحد فيهم رياضي
    وبقى المجلس مافيه الا انا وحبيب القلب

    وتشوفون المجلس كله ازرق وابيض وازرق واصفر



    قال لي : [ تراهنين ؟ ]
    قلت : [ وشوله اخليك تخسر عمرك ]
    قال : [ وش قصدك ]
    قلت : [ لأننا احنا اللي بنفوز ولو تراهنا انا اللي بكسب الرهان ماله داعي اخليك تخسر]
    قال : [ لو انتي صادقه كان راهنتي بس انتي ما ودك تخسرين الرهان :happy:]
    قلت : [ أقول انقشع بس ]
    قال : [ شوفي طيب انا عندي حل حلو ..]
    قلت : [ وشو ]
    قال : [ اذا فاز الهلال او النصر او تعادلنا .. بعزمك على العشاء برا :]
    قلت : [ قداااااااااااااااام ]

    وجالسين متحمسيييييييين مرررررره
    وانا متحمسة عالآآآآآآخر
    وجاء الهدف الأول
    وجاء الثاني
    وجاء الثالث
    وكلها للهلال طبعاً
    وكالعادهـ انتهت المباراة بفوز الهلال وقال : [ لي يالله روحي البسي عباتك عشان نطلع] :
    قلت : [ أجل احمد ربك اننا ما تراهننا والا كان أخليك تذبح لي بعير ]

    ورحنا للمطعم انا وياهـ وجلسنا جلسة رومانسيه وقلت له : [ أقول محمد ] :akl2:
    قال : [ سمي ]
    قلت : [ انت الحين وشوله حاط راسك براس البزر ذي اللي جالسه تتحذث الآن ]
    قال [ احبتس ]



    ماهي ردة فعلي ؟
    متى يرجعون الثلاثي المرح من مكة ؟
    وش بيكون موقفي من امه وابوه اذا دروا ان ولدهم يحب بزر ؟


    ترقبوا في الجزء الأخير من [ بابا وماما حبوني راحوا مكة وسحبوا علي ]

  3. #3
    محررة بيت حواء الصورة الرمزية لجرواحك أدواي
    تاريخ التسجيل
    Apr 2008
    الدولة
    في الربع الخالي
    المشاركات
    3,212
    معدل تقييم المستوى
    15
    ورحنا للمطعم انا وياهـ وجلسنا جلسة رومانسيه وقلت له : [ أقول محمد ]
    قال : [ سمي ]
    قلت : [ انت الحين وشوله حاط راسك براس البزر ذي اللي جالسه تتحذث الآن ]
    قال [ احبتس



    =-=-=-=-=-=-=-=-=-=-=-=-=-=-=-=


    قبل ما يقول ( أحبتس ) كنت اشرب عصير ,, ويوم انه قالها
    وانا اللي اشرق واعبي الدنيا كلها عصير من فمي
    خبركم من طلعتي على الدنيا مكروفة ما عمري سمعت كلمة حنونة :(


    قال هو : [ الله يفشلتس يا خبلة ]
    قلت : [ وووووووووش قـ قـ قـلـ ت ااااانت توووو ؟ ]
    مسك يدي بنعومة والعصير مالي يديننا وبدت تتلزق من العصير وقال : [ أحبتس ]
    قلت : [ لا يالملعون توك تقولها ؟ معصب2 ]
    قال : [ وانتي تحبيني ؟ ]
    قلت : [ لعنك الله لعنة ابليس قسمن بالله اني اموت في دبادييب غرام اللي خلفوك يا ابن الكلب ]
    قال : [ ول ول ول ول ياليتني ساكت ]
    قلت : [ يوووووووووهـ الحين من بينضف هالوصاخه والتطريش والبلاوي اللي طلعت من فمي ؟ ]
    قال : [ ياليييييل القرااااوة ,, خليه خليه هم ينضفونه ]
    قلت وانا الحس الصحن حقي : [ ومن متى وانت تحبني ]
    قال وهو متقرف من شكلي : [ من يوم شفتتس ]
    قلت وانا الحس اصابعي : [ طيب اتحداك انا من متى وانا احبك ؟ ]
    قال وتسبدهـ حايمة : [ من متى ؟ ]
    قلت : [ من يوم اني بزر صغيرة وانا اسمع جدتي تتكلم عن محمد ولد البراهيم حبيتك وانا ماشفتك ]
    قال : [ ههههههه وش رايتس نروووح الحين عشان مانتأخر ,, لا تنسين اننا منحاشين من البيت ]
    قلت : [ يالله قوووهـ ]

    ومشينا ووصلنا البيت ومن تتوقعون في استقبالنا ؟؟؟؟؟




    لقيت عمي ومرت عمي وبنات عمي

    ولقيت المفاجئة وراهم ...


    الثلاثي المرح ..
    [ امي وابوي وجدتي اللي مدري وش تبي من الحياة ]

    قالوا : [ خير ان شاء الله ؟ ليش جايين كان قعدتوا هناك وانبسطتوا ]

    قلت انا : [ فيه هوشة بآخر الحارة رحنا نشوفها ]
    قال عمي : [ تحسبين انتس في الديرة تحظرين هوشات ؟ هنا مافيه هوشات ]
    قلت : [ لا قصدي عيال الحارة يلعبون كورة ومالقوا حارس وحطوا محمد حارس وماعندهم جمهور وخلوني جمهورة ]<- تسمع بالتصريفات ..
    قال : [ ابلعي لسانك وكلي كبر راسك انا ابي اتفاهم مع ولدي وانتي ابوتس يتفاهم معتس ]

    انا يوم دريت ان السالفه فيها تفااااهم طرت من الفرحة بدون ما افكر بالنتائج ,, لأني عارفه انه خلال هالتفاهم بيصير فيه زواج لتعديل غلطة طلعة المطعم

    عمي يتكلم مع ولدهـ بأسلوب حضاري وسحب منه السيارة لمدة اسبوع وحرمة من المصروف لمدة اسبوع مع المحاظرات اللي اعطاهـ
    اما انا جاء ابوي عندي وقال : [ عقابتس ياتسلبه انتس تطبخين كل الوجبات ]
    قلت : [ ماجبت شي جديد ,, من يطبخهن كل يوم ؟ ]
    قال : [ امممم طيب تطسين ثلاث ايام للمزرعة تخرفين تمر ]
    قلت : [ اييييه ثمين ؟ ]
    قال : [ اذا قلت لتس همزي رجولي تهمزينهن ]
    قلت : [ يليييييييل ايوة وبعدين ؟ ]
    قال : [ تنامين مع جدتتس ثلاث ايام ]
    والعقاب الأخير هو اشد عقاااااااااااب

    شتان مابين معاملة الحظر ومعاملة القراوة

    المهم بعد المحاظرات ذي كل واحد مننا ذهب الى غرفته وابوي وعمي بالصاله يتناقشون في موضوعنا
    قال ابوي : [ اسمع وانا اخوك العيال غلطوا وطلعوا مع بعض مالك الا اننا نزوجهم ]
    قال عمي : [ بس صعبة كذا من الباب للطاقة الولد لازم يكون نفسه وبنتك توها صغيرة ]
    قال ابوي : [ ولدك مهوب غريب هذا ولد عمها ]
    قال عمي : [ افكر ]

    انصف الليل وانا مانمت افكر في فارس احلامي وزوجي
    وفجأة وانا افكر فيه اشتقت له <-- مدري شلون
    المهم قلت لازم اخترع خطه عشان اروح له لغرفته بدون مايقولون لي اهلي شي
    خصوصاً انهم نايمين ومحد قايم وانا احساسي يقول لي انه صاحي


    واكتشفت خطة الا وهي اني اطلع كل مافي جعبتي من نخارير عشان اروح عنده واقول له يمسح خشمي <-- تسمع بالرومانسيه ذي

    وفعلن قضيت ساعة كامله وانا اطلع نخاريري لين صارت تتدودل وتوصل للحيتي

    وطقيت عليه الباب وفعلاً كان صاحي
    يوم فتح لي الباب وهو لابس بجامة تخقق اللي مايخق وشكله مرتب ويجنن
    تفاجء من شكلي والنخارير طالعه نازلة من خشمي
    قال : [ وعععععععععع وشو ذا ]
    نشقت نشقة خفيفة بحيث ما يروح النخرور عشان ما تروح الخرطه على الفاضي وقلت : [ أبي منطيل ]
    قال : [ الله يقرفك يشيخه ]
    وجيت عندهـ وقلت : [ حمودي صح انت تحبني ؟ ]
    قال : [ اييييييييييه ]
    قلت : [ اتحداك تمسح نخروري ,, واذا مامسحته يعني ماتحبني ] <-- يقال لي محجرت له
    قال : [ امسح نخرور ابوك لو تبين ]
    وجاب منشفة وقعد يمسح في ذا النخرور ,, وكل ما مسحه اروح اطلع من جديد عشان ما افوت الجو الرومانسي
    الييييييييييييييين ما طلب علينا جدتي النشبه وهو قاعد يمسح نخروري
    قالت : [ جعلكم لعلللللله يا عيال التسلاااااااب ]
    قلت : [ احترمي نفستس التسلاب ذولي عيالتس ]
    قالت : [ وش تسووون جعلكم الظربه ؟ ]
    قال محمد : [ جتني وخشمها فيه دمااااااااان وماتدري وش تسوي وقالت تجي عندي عشاني صاحي ]
    قالت جدتي : [ ما اصدق لين توريني المنشفه اللي معك كان فيها دمان صدقت مافيها دمان والله لا اعلم عليكم ]
    وهي اللي تاخذ المنشفه وتفتحها لقت بوسطها اشيااااء وبلااااوي وانواع السوائل المطاطيه واقرب شي لها [ غرا باتكس ]
    ماقدرت تتحمل من القرف رومتها على الأرض وقالت : [ ما اشوف فيه دم ]
    قلت : [ الدم تدت النخارير يالخبله ]
    قالت : [ هيه انتي لا تمونين تراني اكبر من ابوتس ]
    قلت : [ بشري عيالتس ]
    قالت : [ يا انكم تعرسون يا انكم تعرسون وضعكم ذا ما ينسكت عنه ]
    قلت انا : [ لا ياجدتي موب اننا نعرس الأولى ,, نبغى نعرس الثانيه ]
    قالت : [ باتسر بقول لعيالي ونشوف يالملاعين ]
    قلت : [ قداااااااااام ]

    المهم يوم جاء الصبح وقمت من النوم لقيت اهلي مقررين اني اتزوج محمد ,, قالوا اببببببببببببببببد الخميس الجاي العرس

    وانا اللي اطيييييييير من الفرحة

    قالت امي : [ لا تفشليننا بالزوااااااااااااااااج بكرا يقولون ماشافوا خير ]
    قلت : [ ازهليها يماااااااااهـ ]


    جيت في يوم زاجي العصر وانا قاعدهـ اسوي حملة تنضيف لجسمي وشعري المليئ بالقمل
    لقيت امي تصيح
    قلت : [ يقال لتس تقلدين المسلسلات يوم انتس تصيحين ؟ ]
    قالت : [ لا والله يا بنيتي ما اصيح على فرقاااتس ,, ]
    قلت : [ أجل ؟ ]
    قالت : [ شايلة هم البيت من بينضفه اذا رجعنا ]
    سويت لها علامة ( كش ) ثمن سويتها لنفسي على حظي


    وبسرعه بسرعه بدون ما نحس بالوقت جو المعازيم للقصر
    واحنا كنا متعودين بالديرة على زواج يبداً من الساعه 6 المغرب الى الساعه 8 بعد العشاء وكلن يسري ينام
    لكن الحين يبدأ الزواج الساعه 12 وينتهي 6 الفجر

    المهم جت المطربه وانا قاعده فوق اتكشخ
    وسمعت صوت المطربه ما جاز لي وفيه موسيقى وبلاوي زرقااااء

    وانا انزل بقميصي ووجهي اللي نصه مكياج ,,
    قلت : [ مااااااااااااااابيهااااااا ]
    كل الناس التفتوا علي وقالوا : [ وشي اللي ما تبينها ؟ ]
    قلت : [ الحرمة ذي اللي تغني ]
    قالوا : [ وش تبين اجل ؟ ]
    قلت : [ ابي طقاااااااااقه ]
    قلت : [ اذا ما غنت الطقاقة اغنية (( طبّت )) ماصار عرس ]
    قالوا: [ وشي ذي ؟ ]
    قلت : [ جيبوا طقاقة الديرة وهي تعرفها ]
    المهم جابوا لي طقاقة
    ويوم بدت تطق وجاني شيودي ارقص ارقص ارقص الى بكرااا
    فيني طرررررب موب طبيعي
    وتشيل الطقاقة : [ طبت اللي طيبها من طيب اهلها ,, ويشهد الله والقبايل شاهديني ]
    وانا اللي استنزل عليهم بليلة عرسي وافل الشعر واهز واهز وارررررررررررررردح

    ومع الحماس تشقلبت
    وصرت بهلوانية يوم خلصت جبت طاقيه ومررتها على الحظور قلت يالله كل واحد يحط لي ريالين

    يوم جت اللحظة الرومانسية وقت جيت محمد
    وانا فحماااااااااااااااااااانة من الرقص
    ودخل علي وانا شوي وانهبل من الفرحة
    وشهقت ذيك الشهقة
    وركبت معه ورحنا بيتنا وعشنا في تبات ونبات وخلفنا صبان وبنات


    وبسسسسسسسسسسسس


    كيف القووووووصه ؟

    على فكرة ترا ختبارات قربت <- وش دخل ؟

  4. #4
    محررة بيت حواء الصورة الرمزية لجرواحك أدواي
    تاريخ التسجيل
    Apr 2008
    الدولة
    في الربع الخالي
    المشاركات
    3,212
    معدل تقييم المستوى
    15
    اتمنى بنات انها تعجبكم وللاامانة تراها منقولة

صفحة 1 من 5 1234 ... الأخيرةالأخيرة

المواضيع المتشابهه

  1. بنااااااااات مواقف شي تضحك لا تفوتكم هههههههههاي ?
    بواسطة ريناد السعوديه في المنتدى اسرار البنات
    مشاركات: 6
    آخر مشاركة: 02-12-2009, 03:51 AM
  2. مشاركات: 24
    آخر مشاركة: 23-06-2008, 03:42 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |