اه يانا, من وحدتى, الغربه هتقتلنى, ومش قادره اكنل

[تفاحه2]

السلام عليكم ورحمه الله وبركاته

ازيكم يا بنات حوا يا رب تكونو تمام


انا مصريه مقيمه فى الكويت مع زوجى واولادى محمد 3 سنوات وعبد الرحمن 8 شهور

طبعا مش هحكيلكم على الغربه ومرارها

طبعا زوجى بنزل الصبح وبيجى اخر النهار وبيسيبنى وحدى اكتر من 12 ساعه هتقولو الاولاد هما اشقياء جدالكن مش قادرين يملو وحدتى اما قدام التلفزيون او نايمين ولسه صغيرين لا اعرف اتكلم معاهم ولا احكى ولا اشكى

كان فى واحده قريبتى ساكنه قريب منى كانت ونسى وصاحبتى فى الغربه لكن للاسف عزلت فى اخر الدنيا
وانا بحب اصحى بدرى الساعه 6 وبنام 10 تصورو الفتره دى كلها بلف حوالين نفسى يا دوب ارتب البيت واعمل الاكل والافكار تقعد تهوش فيا لحد ما هتجنن


ليا جيران بس مش عارفه اتعرف عليهم ازاى مع انى بقالى سنتين هنا لكن مبشفش حد منهم

قلت الجالكم بعد ربنا يمكن الاقى حد نفس حالتى يحب يكون له صديقه وكمان لو ممكن تنصحونى وتقولولى املا فراغى ازاى واتعرف على الجيران ازاى بطريقه مش محرجه

ولكم منى كل الود والحب والاحترام

[ماس و لولى]

http://www.hawahome.com/vb/t168442.html


تفاحه كل الى فى الغربه كده ربنا يصبرك و يصبر الكل
تعالى فى ملف المصريات
وهتحسى انهم اخواتك ان شاء الله

[هبه الغندور]

الله يصبرك علي الغربه

بس تعتبري نفسي في سياحه وتفكري في الجانب الايجابي لهاا

ومثل ماقلت لك ماس ولولي عن تجمع المغتربات

يمكن ماتحسي بالملل ولا الغربه ان شاء الله

[أم روضة]

أختى الحبيبة أنا حالتى كانت مثل حالتك دى السنة الرابعة فى الامارات ونفسيتى كانت تعبانة لحد ماجات جارة جنبى وبدأ التعارف فى العيد رحنا زرناهم وبعدها بدأنا نخرج نتمشى حوالى نصف ساعة ونتكلم مجرد إننا نشوف بعض نستريح وبعدين مش لازم تتقيدى إنك تتعرفى على مصريات فمثلا لو لك جيران من أى جنسية عربية ممكن تبعتى لهم طبق أكل من الأكلات المصرية زى الكشرى أو المحشى أو أى حاجة مصرية ودى تبقى بداية للتعارف جميلة كان لى جاره لبنانية ربنا يبارك فيها كانت ترسل لى الفتوش وصارت علاقة طيبة بينى وبينها أسألها طيب بتسويه ازاى أو تعزمى جاراتك مثلا على الشاى وكيك فى الصباح وقت دوام الأزواج وربنا يبارك فيكى ويؤنس وحدتك