السلام وعليكم
ابقولكم قصتي مع جارتي ومالمسته منها بالغربه
طبعا زوجي ابتعث للتخصص في مجال الطب مع مجموعه من الزملاء
كان هناك زميل يشهد له زوجي بالطيبه والاخلاص في الصداقه
واول شي درسو اللغه لانها لغه المانيه 6 اشهر وقت دراسة اللغه مارحنا
مع ازواجنا بعد ماخلص زوجي اللغه رحنا عنده و كانت زوجة صديق زوجي
جارة لنا وحسيت انها طيبه وتصادقنا يابنات مااعرف انا غبيه ولا طيبه
اذا كملتلكم قصتي معاها قولولي هي مره قالتلي انها لمن كانت
في السعوديه جا ولد صغير وحط ايدين بنتي على الخزان ورصها وهو حار من الشمس وطلعت اشوف
بنتي ليه تصيح وشفت الولد مسوي فيها كذا واخذت بنتي ودخلت قلت كان هاوشتيه ولا ضربتيه
هذا نجس الولد قالت مقدر لاكلمتها مجسر قلت لو بنتي ضربته طبقة هالشي على عيالي صار
اذا بنتها تهاوشت مع عيالي اضربتهم صحيح علمته الرمايه لما اشتد ساعده رماني انهم اطفال يتضاربون ويتصالحون
هي ساكنه تحت وانا فوق والحديقه مشتركه بيننا ومره بنتها جت عندنا ونادوها اهلها قالت البنت انها تبي بنتي
تنزل معاها الولد مايبي يجلس لحاله قال لا لاتنزل اختي اصير لحالي المهم شفت البنت تبكي بصوت عالي ارضيتها
ونزلت بنتي معها البنت كذبت قالت لامها ان الولد الي هو ولدي ضربها عاد انا من غبائي نزلت ولدي بطبق حلى لهم
استلمو الولد حسبي الله ونعم الوكيل عمره 5سنوات يهاوشونه والاب والام جاني بيكي
ويقول هاوشوني انقهرت اتصلت عليها قلتلها ليه تهاوشون الولد ماسوالها شي قالت كل البنتين يقولون ضربها قلت ليه يضربها
تصدقين الاطفال وتكذبيني المهم سكرت السماعه وانا مقهوره ليه يظلمون ولدي وجت بنتي وبنتها
ولا قلت للبنت ولا كلمه لانها طفله ولمن دخل زوجي اتصل ابوهم ورد عليه قال خل بنتي تنزل قال زوجي خلها تلعب مع الاولاد قال
بصوت عالي استغفرالله كل شوي صايحه هي بكاء دلع ليه ولدي يرفض ان اخته تنزل ويبقى لوحده
تركتها وقفلت بيباني وصرت اطلع انا واولادي في الباص ونتسوق ونتمشى بعد اسبوع اثرها احتاجت بيتنا لضيوفها الي عازمتهم
اقسملكم بالله انه هذا الي حصل استغربت تقول وينكم مالكم صوت بعدين قالت اليوم كان يوم السبت اول يوم من الاجازه
قالت اليوم يبون يجون الفلان والفلان من بلد ثاني مسافة 200كيلو او اكثر ونبي الرجال عندكم فوق والحريم تحت وانتم تنزلون معانا
نطبخ تحت وننام تحت قلت خير حتى ذولا يعرفوننا واصدقاء زوجي واكرام الضيف واجب اول شي نزلو الصغار
وجت بنتي مضروبه قالت ضربتني امهم وبنتها هي الي بدت علي تغاضيت ونزلت وساعدت بالطبخ
ولا قلت شي تصدقون اني وانا نايمه عندهم في بيتهم والرجال نايمين فوق طبعا في بيتنا لان بيوت الالمان مفتحه على
بعض مايصلح يكون فيه رجال وحريم كثار وحنا اربع عوايل المهم وانا نايمه حلمت نها فتحت بوفيه وخلت الحريم
الموجودين معانا يدخلون ولمن جيت ابي ادخل حطت ايدها ماتبيني ادخل معاهم على البوفيه التفت
عليها لقيت راسها راس بقره سبحان الله قمت الساعه 8 الصبح مفجوعه من الحلم وقلت لوحده من
الضيوف بس ماقلتلها انها ذي نفس الحرمه قالت البقره احيانا تصير عدو المهم طلعت فوق وجبت بعض الاغراض
وخبز خابزته انا لاننا هناك حنا نخبز الخبز العربي وسوينا فطور طبعا فطرنا الرجال اول ولمن حطينا الفطور للحريم
طبعا هذا يوم الاحد الصباح يبون يروحون لبلدهم ومسافه استعجلو الرجال ومافيه وقت الحريم يفطرون بسرعه
سوينالم من نفس الفطور سندوتشات المهم واحنا نودعهم رجعت هي بسرعه حسبتها تستناني على الفطور
لاننا لسا مافتحنا فمنا نفطر ولمن دخلت الغرفه ابي افطر لقيتها شايله الاكل استغربت وتذكرت الحلم
من غبائي مارحت فوق لبيتي جلست انظف معاها البيت وشكلها متضايقه من وجودي ولمن خلصت
رجت فوق ماقالت ولا شكرا ولا مع السلامه بصراحه مقهوره من 3 اشيا انا اقول المفروض مانزل ولدي
لمن بنتهم بكت ولا بنتي وثانيا المفروض مااستقبل ضيوفها في بيتي وهي ضاربه بنتي واقول المفروض
انها لمن منعتني عن اني افطر وشالت الفطور رحت لبيتي ولا ساعدتها مدري احسه غباء مو طيبه مني
وبعدها صارت ماتجي اذا عيالي راحو يلعبون بالحديقه المشتركه تضايقهم وتهاوشهم هي وبنتها وتمنعهم ياخذون شي بالحديقه لهم ولو كان قديم مايبونه
احيانا افكر اقول ليه وانا اسمعها تهاوش عيالي ماقلت خلي الاطفال بحالهم ياوجه العنز
والله اسمع وساكته وهي تهاوش عيالي كانها تكد علي ولو تكلمت تقطع عني العيشه المهم انفصلنا حناوياهم
وكل واجد سكن في بيت وانا سكنت حنب المان الحديقه المشتركه مع المانيين كفار وعيالهم يلعبون مع عيالي
تمام ولا فيه اي مشاكل وامهم معاملتها كويسه معاي كيف صارو احسن من المسلمين
ولمن خلص زوجها قبل زوجي بشهور وباعو اثاثهم وسلمو بيتهم جو عندنا 3 ايام مالقو الا كل حفاوه وتكريم
حتى انها تتوحم واعطيها اشياء ماتوحمت عليها كل ذا ابيه لله الحمدلله انه مابدر مني ظلم لها ولا لبنتها الا
ولا بيني وبينهم اي علاقه بس احس بقهر منهم للي سووه فيني والادي ولا الي سوته فيني ماهمني
كل الاصحاب بيني بينهم علاقه الا هي الحمدلله انا اصلا مابي اكون معاها اهلي وجيراني واقاربي عوضني الله فيهم
بس صراجه وش رايكم بهالجاره واشياء كثيره تقهر بس مو لازم اقول شي دام 4 سنوات في صفحه بس الجيره كانت سنتين كنها عشر سنوات
وهذي قصتي مع هالجاره الله لايبلاكم بجاره زيها ولا يبلى المسلمين
مواقع النشر