شرد على حمواتي اذا قالووووووووووووو

**الصابره 2** · 02-01-2009, 02:31 AM

السلام عليكم كيفكم خواتي انا اول مره اكتب بهالقسم وماكتبت الا لاني ابيكم تريحوني وتردون علي لاني عارفه انكم بتساعدوني بعد الله انا اخوات زوجي ماتزوجو وكبار وكلهم اكبرمني وتعرفون الغيره وطبيعه كل وحده بس يابنات يدققون علي بكل شي بالطلعه والدخله واسئله من كل جهه انا مالومهم من الغيره ودايم يرمون علي كلام وما ارد اقول اهم اكبر مني وما انزل نفسي لهم بعدين انا احس اذا رديت ابين لهم اني منقهره ودايم يقولون احنا بنزوج اخونا يبي اربع واخر مره نفس شي يقولون احنا بنزوجه ويقولون بعض الاحيان جنبه وانا ما ارد عليهم ولا كني اسمعهم من باب ان السكوت حكمه واني دايم اقول اذارديت ببين اني منقهره انتو شرايكم ولو وحده مكاني شترد عليهم

**الصابره 2** · 02-01-2009, 04:37 AM

اش دعوه 7 مشاهدين والا احد يرد علي وانا اول مره اشارك

**ترنيمة الألم** · 02-01-2009, 04:54 AM

الأخت الكريمه اولاً اعانكِ الله وهداهم

حاولي اختي أن تتقربي لهن أن تتوددي لهن حتى وأن قابلوا ذلك بجفاء لاول مره ...ولكن حاولي معهن أكثر وأكثر

أظهري لهن حبك وودك لهن ... لا تحاولي أن تغيضينهم ولا تردي عليهن ..فأنت قد قلتيها إنها الغيره ..

والغيرة مثل النار تأكل نفسها بالنهايه ...وإن كنتُ لا أعلم موقف زوجك من كل ذلك .

حماك الله .

**رواء®** · 02-01-2009, 04:55 AM

وعليكم السلام ورحمة الله وبركاته ..
حياكِ الله أختي ..
تبين رد يقهرهم ؟؟
قولي : إذا الله كاتب إنه يتزوج راح يتزوج لو كنت رافضه هالشي وإذا الله مو كاتب لو يجون قدامه مليون بنت ما راح يرضى بغيري ..
بس قوليها بنفس ثابت وبقوة إرادة وهذي هي الحقيقة ..
وبعدين يا أختي أنتِ أدرى الناس بزوجك وبمكانتك عنده فلا يهمونك ولا يؤثرون فيك أخواته ..
وأهم ما عليك أم زوجك وأبوه والباقين على جنب ..
أحسن دوا للي يستفزك تحقره