حبوب التثبيت

[الحياه أحلى]

يابنات ممكن تتوقعوا ان حبوب التثبيت تكون من ضمن اسباب تأخير الولاده

طبيعي الواحده مجرد ما تدخل التاسع تنتظر متى تولد

بس لاحظت ان الواحده لما تاخد حبوب تثبيت تتاخر في الولاده يعني لازم تغلق التاسع وممكن لو كترت من الحبوب تاخد على التاسع اسبوع كمان علشان تولد

انا في بنتي ما اخدت حبوب تثبيت وولدتها في الاسبوع 36

وفي حملي ده اخدت حبوب تثبيت ودلوقتي في اخر 37 وما ولدت الين دحين ومنتظره الولاده

فكل واحده كانت تاخدت حبوب تثبيت تقول متى ولدت

واللي ما اخدت حبوب تقول متى ولدت

[أم الين]

ليش التخويف يااختي .. مدري انا اخذتها ال3 الشهور الاولى في حملي ...
شكل ليلي طــــــــــــويل انا وياك ؟؟؟؟

[توت أحمر]

لا ان شاء الله انا استعملتها شهر الحمد لله بس اسأل الله ماأغلق التاسع يارب
لكن اعرف قريبتي قالت انها استعملتها كل الحمل وولدت قبل التاسع ؟؟؟

[رواء®]

أنا استخدمتها في حملي الأول تقريباً إلى الشهر الرابع وولدت ثاني أسبوع من التاسع ..

الله يسهل على الجميع ..