السلام عليكم ورحمة الله وبركاته
اليوم بعرض لكم تجربتي الاولى في الرز المضغوط بصراحة طلع طعمه يجنننننننننننننن مع اني في البداية كنت مترددة كنت خايفة يخرب معاي لكن الحمد الله طلع مية مية ؛)
بسم الله نبداء الطريفة مع المقادير
ناخذ بصل ونقطعه جوانج ونحمسه مع الزيت في قدر الضغط ويعد مايتغير لونه نضيف له ثوم ودقوق وزنجمبيل مبشور وبهارات صحيحة فلفل اسود ومسمار و دارسين وليمون اسود
بعدين انضيف له الحم ونحركه ونخليه لين يتغير لونه
والحين ناخذ طماطم ونقطعه مكعبات ونضيفه عليهم
وبس يذوب الطماطم نضيف له معجون الطماط وثلاث قرون فلفل حار
بعدين نضيف الماي ونسكر على طنجرة الضغط ونخليها على النار مدة نصف ساعة
وبعد النصف ساعة نفتح طنجرة الضغط ونضيف له الرز المنقوع والملح واذا كان يحتاج ماي نضيف له الماي الكافي
ترجعين تسكرين الطنجرة وتحطين تحتها حديدة وتخلينها على نار هادية مدة نصف ساعة وبعدين تكون جاهزة للتقديموهذا الرز المضغوط في طبق التقديم جاهز للاكل
وهذا عن قرب لعيونكم
في انتظار ردودكم الحلوة
المشاركة الأصلية كتبت بواسطة نعومة84
مواقع النشر