..~ الــــــــمـصلحـــــة ~..
[align=center]’’ المصلـــــحة ’’[/align][align=center]
إسأل امجرب ولا تسأل طبيب ’’ الزمن هذا زمن المصلحه
ان قوى عودك لك العالم تطيب ’’ وان ضعفت وطحت صرت فمشرحه
عالم فيه المصالح شي غريب ’’ كلن أيدور لنفسه مربحه
هكذا الاحوال والعالم عجيب ’’ بحر طامي والذكي لي يسبحه
ناس ماتعرف صديق ولا قريب ’’ المهم المصلحه لي تصلحه
وناس لو تضحك لك بنابٍ مريب ’’ لايغرك ضحكهم ذي منبحه
لو بتزقرهم أبد ما من مجيب ’’ غير صوتك والصدى لي تبرحه
يوم منك فايده انت الحبيب ’’ وانته الاقرب وغيرك ترمحه
وكان عهد المصلحه عنك يغيب ’’ تبقى مثل الي رياحه تطرحه
كَنّك امّمثل جماهيرة تعيب ’’ وفـ الاخير ايتم وحده فمسرحه
فرق بين الماي لي صافي عذيب ’’ عن شراب القر لي فالمملحه
من رفع راسه له العزه نصيب ’’ ومن يوطي النفس نفسه تفضحه
كون شامخ مرتفع وانت الحسيب ’’ حق نفسك خل عندك مطمحه
ربك العاطي له الكون الرحيب ’’ مانقطع ورزقٍ وربي يطرحه
خل شخصك دوم للعزه طليب ’’ لا يجرحك هاالزمن او تجرحه
لشاعرة المتعبلة ...[/align]
رد مع اقتباس
....
مواقع النشر