سلطة الفلفل الحارة اضيفيها بأطباقك وتميزي
السلام عليكم ورحمة الله وبركاته ...
شخبااااركمـ حبيباتي .......؟؟
اليوم راح اكتب لكم طريقة سلطة الفلفل
إللي انا معتمدتها من زماااااااان...
روووووعة وتقدرين تقدمينها مع الأرز الأبيض
وكمان تقدرين تضيفين منها على جميع طبخاتك
حشوات وسلطات وايدامات وصواني ... وصدقيني
راح تكون النكهة جداً لذيذة
على ضمانتي جربيها وراح تدعين لي إن شاء الله
المقادير:
فلفل حار على حسب الكمية
فلفل بارد طويل أو فلفل رومي
مكعب ماجي
علبة معجون طماطم
ذرة ملح
3 م ك خل الفلفل الحار وهذي صورته
ربع كوب زيت
الطريقة:
افرمي الفلفل بالفرامة بس لا تصغرين القطعة مرة
كل ما كانت كبيرة كل ما كانت ألذ <<< هههه كم كاف كتبت ...؟
افرمي الفلفل الرومي أو الفلفل الطويل وهو الأفضل
حطي الزيت على النار حتى يسخن وأضيفي الفلفل الحار
ثم الفلفل البارد
وقلبي الفلفل لمدة دقيقتين واضيفي باقي المقادير
قلبيها واتركيها على نار هاديه لمدة 10 – 15 دقيقة
وبكذا نكون انتهينا حطيها ببرطمان واحفظيها بالثلاجة
لوقت الاستعمال ..
يتبــــــع ،،،
مواقع النشر