شوفو الرومنسية بس‎ .واو شي يجنن
صفحة 1 من 4 1234 الأخيرةالأخيرة
النتائج 1 إلى 4 من 13

الموضوع: شوفو الرومنسية بس‎ .واو شي يجنن

  1. #1
    كوكب الشبكة
    تاريخ التسجيل
    Nov 2007
    المشاركات
    1,291
    معدل تقييم المستوى
    18

    sdfds شوفو الرومنسية بس‎ .واو شي يجنن

    شوفو الرومنسية بس‎

    --------------------------------------------------------------------------------



    السلام عليكم حبيباتي شوفوا هالمواقف واحكولي رأيكم؟!!


    هذي وحدة تقول مره وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى .. آآآآآآه بغيت اصفعه بالمسطره عاد انا وش اقول والطويله اللي معاي


    وحده ثانيه تقول:
    زوجي موراعي هدايا ابد قلت ابشتري هدية جوال الي يستخدمة قديم المهم غلفته وكاتبة في كرت شعر وكلالالالالالالالام حلو وعطيتة الهديةوكنت بجنبة المهم فكه بشراسة وجهه فيه علامات استغراب وتعجب وانا مبتسمة طلع وناضرقال لمين هذا قلت لك حبيبي قال شاريتة بالفين وخمسمية يابنت الكلب هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا هههههههه هههههههه



    وهذي وحدة ثانية تقول انها حطت شموع من عند الباب ال غرفة النوم والشموع طبعا على الارضوهي جلست في غرفتها وكاشخة وتنتظر زوجهاالمهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينةانهبلت من اللي شافته المهم الزوج دخل الغرفة وقفل الباب عليه ونام لحاله والله هالحرمة مواقفها كثيرة وتضحك بس للاسف الحين تطلقت (ماتنلام تطلب الطلاق)


    وحده من الحريم ملت من الروتين اليومي في حياتها وحبت انها تسوي مفاجئه لزوجهابسهره رومنسيه ...المهم قامت واطلبت الكيكه من الدبلوماسي والعصيرات
    وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم .....
    .المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه
    وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.
    .تقول هي انها بلعتها وسكتت منب مخربه السهره...قام وكمل ذا الماصل وقالها الحين وراك طالبه حجم كبير
    من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتنكب..
    .عاد هي حامت كبدها منه وطفسته وزعلت عليه......
    .تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)




    هذي وحده من البنات توها متزوجه وحابه تسوي حركه لزوجها .
    ..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
    وانتظرته لحد ماشرف...المهم يوم دخل ويشوف الدنيا شبه مظلمه والدخاخين
    حاجبه الرؤيه قام يركض للصاله وجلس يناديها
    وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
    عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
    عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
    المفروض انها صبت على راسه موية نار..... بس حرام شكله خاف عليها



    / هذي وحده من البنات تزوجت وراحت للخارج مع زوجها بعثه للدراسه له ولها..
    .المهم شافت الناس ورومنسيتهم قالت خل اسوي مثلهم .
    .وخاصة انهم كلهم يدرسون وكل واحد فيهم وقت دراسته تختلف عن الثاني
    فما فيه وقت للجلسه الهاديه.. فقامت يوم من الايام قبل ماتروح للمعهد قالت
    خل افتح نفسه شوي لما يرجع تعبان ويبغى ينام شوي
    ونثرت على السرير ورود والعطورات الفواحه تفوح في الغرفه ومن ذا الحركات.
    ..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
    شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
    وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).
    ...بالله مو المفروض تنثر على السرير تين شوكي عشان يتأدب



    وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
    يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
    يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
    ويعزمني بدال ما انا أعزمه...قامت وعزمته زي كل مره ويوم خلصوا ماكلين
    قالت له اكرمك الله ياابو فلان على العشى...عاد هو شرق بالعصير من الروعه
    , قال لها وشلون يعني؟؟؟قالت له الله يسلمك الفاتوره
    دفعتها من جيبك اخذت المبلغ من بوكك قبل مانطلع....
    .تقول عقبها طاح وجهه تأدب وصار يطلعها كل سنه مره(تعب نفسه صراحه)......




    وفي وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها
    إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
    زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
    شاف الدنياظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب<<<<<قمة التحطيم



    هذي وحده جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسع ما تخرجوا من الإبتدائي ..والله مسكين ووووبايخ حطم الحرررررررريمه.. صعبة والله
    ههههههههه




    وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .
    رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
    وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
    قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
    واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
    لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً
    قلتله ياعيوني ياحبيبي عجبتك الحركة .........
    قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .
    إيش رايكم فيه >>>>>> طعس صحيح . هاي تحطيم بجد



    وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه
    ههههههههه
    <<<<< لو بمكانهم كان انتحرت على طول

  2. #2
    محررة بيت حواء الصورة الرمزية ملڪـه بآنۈثتي
    تاريخ التسجيل
    Aug 2008
    المشاركات
    3,220
    معدل تقييم المستوى
    28
    ههههههههههههههههههه
    الله يعينهن على هذولي الازواج ابصراااااااااااااحه مخربينها حيل

  3. #3
    نجمة بيت حواء الصورة الرمزية رفيقة الجنة
    تاريخ التسجيل
    Dec 2008
    الدولة
    في قلب غزة رمز العزة
    المشاركات
    588
    معدل تقييم المستوى
    16
    هههههههههه والله موتني ضحك اضحك الله سنك، والحمد لله على أزواجنا. ويسلمو كتير على الموضوع الرائع
    [fot1]
    [justify] يارب فرج كربتي قريبا وارزقني الذرية الصالحة[/justify]
    [/fot1]

  4. #4
    نجمة بيت حواء الصورة الرمزية شهد ألورد
    تاريخ التسجيل
    Feb 2006
    المشاركات
    723
    معدل تقييم المستوى
    19
    بصراحة أمممممم التحطيم

    وش هذولا الرجال الله لايعرفنا فيهم جلااااااافة درجة أولى

    أضحك الله سنك ياغالية

    تشكراااااااات
    [img]

صفحة 1 من 4 1234 الأخيرةالأخيرة

المواضيع المتشابهه

  1. حلآ خيآل وربي يجنن بس شوفو شكله ~
    بواسطة مغروره 07 في المنتدى الحلويات
    مشاركات: 15
    آخر مشاركة: 22-05-2010, 07:01 PM
  2. تعالو شوفو خبزي ......يجنن
    بواسطة ام نونـا في المنتدى المعجنات والسندويشات
    مشاركات: 125
    آخر مشاركة: 21-08-2009, 01:25 PM
  3. شوفو الرومنسية بس‎ .واو شي يجنن
    بواسطة القمر 2 في المنتدى الحياة الزوجية
    مشاركات: 12
    آخر مشاركة: 28-03-2009, 01:58 AM
  4. شوفو الرومنسية بس‎ ??? واو شي يجنن
    بواسطة فتاة نت في المنتدى ركن المواضيع المكررة
    مشاركات: 4
    آخر مشاركة: 28-03-2009, 01:56 AM
  5. شوفو الرومنسية بس‎ ??? واو شي يجنن
    بواسطة فتاة نت في المنتدى الحياة الزوجية
    مشاركات: 4
    آخر مشاركة: 28-03-2009, 01:56 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |