بسبوسه ( بسبوستي )

[بنوتة مغتربة]

السلام عليكم

مسا الخير لجميع مبدعات بيت حواء

كيكفن وشو أخباركن ؟؟ !!

بصراحة هاد أول موضوع الي بقسم الحلويات وبتمنى مايكون الأخير إن شاء الله

وصير شطورة متلكن ما شاء الله .. ^_^

وأول طبق الي رح يكون بسبوسة القشطة ..

منبدأ بالمقادير ..

كاسة سميد

كاسة سكر

كاسة لبن زبادي

نصف كاسة زيت مازولا

بيضتين

ظرف فانيليا ( بعرف رح تلاقوهن غريبين لأنو أنا مابستعمل غيرن وبجيبن معي من سوريا )

وتقريبا الظرف بيعادل معلقتين صغار

ظرف بيكنج باودر

3 علب قشطة

الطريقة ..

*أول شي منجهز المقادير جميعا .. حتى يكون شغلنا سهل وواضح وتمام التمام ...*_^

* نخلط جميع المقادير السابقة مع بعضها البعض ...

* ندهن الصينية بالزبدة ونرش عليها القليل من الطحين

* ومن ثم نصب نصف الخليط بالصينية

وندخلها الفرن حتى الاستواء / وعلامات الاستواء هي أن تصبح الحواف شقراء / ونشعل قليلا الفرن من فوق حتى تحمر ومن ثم نخرجها ...

* ونضع القشطة فوقها ونحاول ماتجي القشطة عالحافة حتى ماتحترق

* وثم نضع باقي الخليط فوقها ونوزع جيدا بحيث لايبقى مكان فارغ ونسوي السطح جيدا ...

* ومن ثم ندخلها الفرن ونشعل الفرن من تحت فقط

ولما تستوي نشعل من فوق حتى تشقر طبعا

وبعد الاستواء نكون قد جهزنا الشيرا ... حتى نشربها قليل منه

ونتركها حتى تبرد ومنقطعا بعدها

وبتكون البسبوسة صارت جاهزة
وصحة وهنا على قلب الجميع

وبتمنى تنال بسبوستي إعجابكن .. ^_^ وما أطلع بسواد الوش من أول موضوع الي

بس جد طعمتها طيبة كتير كتير وهي من البسبوسات المفضلة عندي .. ^_^

وسلاااااامي لجميع مبدعات بيت حواء ..

.
.
.

[النوووووري2009]

ياحظي أول وحده ترد يم يم يم ماشاء الله روووعة الله يعطيك العافية أبدعتي

[الـ طبعي ـود]

الله يسلم ايديكي يارب شكلها روووعه

[انين مذنبة]

اممم تشهي

بارك الله فيك