المكــــرون بالصور من مطبخي,,,الحلا الفرنسي

[مزينه]

طبعا قبل لاتبدين بالشغل اهم شي جهزي
1/ صينيه تدهنينها بقليل من الزيت وتحطين عليها ورق زبده ..وتبدين تصبين العجينه فيها اول ماتخلصين وعلى طول الفرن.

2/ تجهزين المقادير كامله وتبدين تشتغلين .

المقادير :
(1)50 غرام سكر بودره منخول لتخلص من التكتلات
40 غرام نشا(طحين الذره) منخول
10 غرام طحين جميع الاستعمالات منخول
75 غرام لوز مطحون
نخلط هالمقادير مع بعض ونخليهم على جنب

(2) 2 بياض بيض (بدرجة حرارة الغرفه العاديه ) مايكون بارد
65 غرام سكر عادي
شويه فانيليا بودره

ناخذ مقادير رقم (2) ونضربها بالخلاط لمدة مابين 5 الى 8 دقايق ..يعني لين يكون بهذا الشكل



يعني بيكون ثقيل القواااااااااااااااااااااام مره .

بعدها اضيفي مقادير رقم (1) على مقادير رقم (2) وابدي قللبي بهذا الشكل ...وبهذي الخطوه افتحي الفرن على درجه 180C او F 375



ونقلب حتى نحصل على خليط متجانس تماما (التقليب ياخذ وقت ) ونحصل على خليط شبيه بالكيك لكن اقل قوام عند صبه لايتمدد كهذا الخليط والكميه مع التقليب بتشوفينها تقل عادي



بعدها نبدا نعبي بكيس التزيين ونصبه في الصينيه بحذر وحاولي تكون الاحجام متساويه نوعا ماء..



ندخله الفرن لمده تتراوح مابين 5 الى 7 دقايق ..طبعا حرارة الفرن تكون اعلى من الحراره المتوسطه بشوي يعني مب حراره عاليه ..اول ماتحطين الصينيه بالفرن تابعي بعد دقيقه بتلاحظين الخليط بتمدد شووي بس مب وايد اذا تمدد الخليط كثير يعني الحراره عاليه عليه ..لازم الصينيه تدخلينها بالفرن وعلى طوول اول ماتخلصين ولا يخترب الخليط عليك ماينفش معاك يعني ..

كيف تختبرين اذا المكرون نضج او لاا ..طبعا تفتحين الفرن وتحطين صبعك عليه اذا كان قاسي من الاعلى يعني استوى ..واذا حبيتي تتاكدين افتحي لك وحده بسكين ..



طبعا اذا استوى لاطلعين الصينيه على طول برى ..لااا قفلي النار وافتحي باب الفرن كامل لين يدخل له الهوا البارد وبعدها تفتر حرارته بعدين طلعيه برى.

بعدها اتركيه لمده ساعه لاتحركينه لانه يتكسر بسرعه من الحراره خليه يبرد ..وروحي سوي الحشووه له .

الحشوه :
150 غرام كاكاو ساده غير محلى
علبة صغيره نستله حليب مكثف
ملعقتين جوز هند

نذوب الكاكاو ونضيف النستله والجوز ونخلطه حتى يتجانس .
لازم تكون الحشوه بارده مافيها اي حراره عند الحشو .

نشيل المكرون من على ورق الزيده برفق حتى لاتتكسر ولا زم تكونين حذره وانتي تشيلينه وتحشينه ..تحتاجين لأداه مسطحه علشان تشيلينه بدون مايخترب ..لاتحشينه الا بعد ساعه من النضج ..

نحشي كل قطعه ونحط فوقها قطعه ثانيه وبالهنا والعافيه .

وهذي صورة المكرون اللي سويته


منقول

[ريحة بخور]

رووووووووووعه
تسلمييييييييييييين على النقل الرااااااااااائع

[إبهار]

يعطيك العافية

[دانـــة البحرين]

يسلمواالايادي
...