فالبداية ـاعتذر على قصوري وغيابي عن ـالمنتدى ـالغالي .. والسبب هو ـالعلااج والحمدلله كما
ينبغي ـلجلال وجهه وعظيم سلطانة .. من ـالله علي بالحمل ـالسليم ولله ـالحمد .. بعد فترة علاااج
دامت سنوات طويلة ..
ـادعوا ـلي يابنات ـالله يثبت حملي واشوف ضناي قدامي بصحته وعافيته وينسيني تعب هالسنين
واشكر ـالغاليات ـاللي تواصلوا معااي فترة ـانقطااعي .. عسى ـالله ـلايحرمني من طيبتهم
وينولهم كل ـاللي في بالهم ..
ـادري طولت عليكم ..
ـالمهم هذا مشخول سمج كنت مسوية ـلبيت هلي والحمدلله نال على رضا ـالجميع ..
ونبدأ ..
ـالمقادير :
- سمك مقلي ( حسب ذوقكم) ..
- عيش مسلوق نص سلقه والكمية هنا ـاللي تشوفنها تكفيكم ..
- بقدونس مفروم
- بطاطس مقلي مقطع على شكل دوائر ..
- بصل
- طماط
- معجون طماطم
- ملح
- بهار حسب الرغبة وفلفل ـأسود ..
- ليمون ـأسود ..
- عنقودين فلفل
- فلفل بارد
ـالطريقة :
- نقلي ـالبصل بشوي زيت ولما يذوب شوي نضيف عليه ـالطماط حتى يذوب ـالطماط
- نضيف معجون ـالطماطم والفلفل ـالحار والبارد والليمون ـالأسود ونحط ـالملح والبهار
- بعد مايتكون عندنااا صلصة مسبكة وثقيلة شوي نضيف بيالة ماي حار..
- نحط ـالسمك والبطاطس والبقدونس فوق الصلصة ونحركة شوي ـليمن يكسب طعم ـالخلطة
- نضيف ـالعيش على ـالسمك والبطاطس بدون لانحرك ـالرز ..
- نغطي ـالقدر ونخليه على نار قصيرة جداً ـلمدة ربع ساعة ..
- قبل ـلاتخلص ـالربع ساعة نحط كم قطعة زبدة شي بسيط على ـالرز وننثر فوقه شوي صبغة زعفران ونغطي ـالقدر ..
.
.
.
ـالسموحة منكم على ـالشرح بس ترى ـانااا ماعرف ـاشرح عدل ..
عالعموم بالعافية عليكم ..
ولاتنسوني بدعواتكم في ظهر ـالغيب بثبات حملي ..
مواقع النشر