[align=center][align=center]نسيتي [/align]
نسيتي المزح بالقبة =ونسيتي لعبنا الطبة
نسيتي كشختي دايم = بثوب دوبلين خبخبة
نسيتي غترة الململ = تغطيني تقل جبة
نسيتي الركض بالطاية = لاصار بدارنا شبة
لاجابوا فضلة القرصان = نتسابق ودنا نلبه
نسيتي إزعاجنا لمك = وهي بالحوش منكبة
نسيتي معلف ام العوف = تظفينه وانا اكبه
نسيتي ثوبك الترتر = وغيظك لأنقطع حبه
نسيتي بسطة عزيز = ايلاجاء العصر بالقبه
نسيتي خرطه الماصل = يجيب الحكي من عبه
نسيتي القربة الشنه = وماها البارد نقبه
نسيتي قولك معصقل = وانا اعيرك يالدبه
نسيتي نعالنا التليك = هي الموتر ونلعب به
نسيتي موعد الحنا = ايلا جاء صابكن خبه
نسيتي طيحتك بالليل = وهي ظلماء وانا السبه
نسيتي اكلنا الهبود = نتناقر والسبب حبه
وامك لاتهاوشنا = وتحط بعيوننا شبه
نسيتي ثوبك الكرته = ننكت فية ونشبه
نسيتي كحة المذن = قبل يذن يبي ينبه
نسيتي تريكنا المصنق = نغسلة قبل ما نسبه
وندعى ربنا يكود العنز = تجيب وليد نلعب به
نسيتي كيف اوصف لك = زمان يعلمه ربه
حلو رغم الفقر بالحيل = زمان راح ونحبه
نسيتي ليه ما ادري = دخلتي الوقت من جبه
لك الفديو لك التلفاز = لك المكياج ما احبه
لك الدنيا بزخارفها = وعطيني حظار مع قربه
ومعهن مسفع بالي = وثوب اللس والطبه[/align]
[/align]
[/align]
رد مع اقتباس
مواقع النشر