قصة حقيقيه



صفحة 1 من 2 12 الأخيرةالأخيرة
النتائج 1 إلى 4 من 6

الموضوع: قصة حقيقيه

  1. #1
    عضوة قمة الصورة الرمزية فيض الاحاسيس
    تاريخ التسجيل
    Jun 2009
    الدولة
    الرياض
    المشاركات
    157
    معدل تقييم المستوى
    11

    قصة حقيقيه

    واللهِ العَظيم قِصَه حَقيقيَه حَصَلَت بأسوآق المَملَكَه ،’
    نُقِلَتْ مِن رآويتَها ، وَالتي هيَ موَظفَه وَزميلَه لي بأحدْ مدآرِس الريآض ..


    طَلعت مَره أنآ وثنتين مِن خوآتي هيَ مُتزوجَه ، وأختهآ الأولى بثآلث ثآنوي والثآنيه بأولى ثآنوي
    بعد ماستأذنت من زوجي عشآن نتعشى برى
    قلت لخوآتي وش رايكم نمر المملكه ابي دبنهآمز شوي مآراح نطول لأنهآ مآقالت لزوجهآ بتروح للسوق
    ورحنا المملكه ودَخلنآ دبنهآمز
    أختي الصغيره قآلت بستهبل شوي بشوف هم يدرون عَني أو لا ..
    فأخذت شبآصتين وحَطتهم بشَنطتهآ من دون مآتحآسب عليهم
    بنيتها والله تحآسب عليهم لكِن قآلت بشوف أول يعني مُغآمره حَبت تعيشهآ شوي
    مآدرينآ الا بخَمس شبآب سعوديين وآقفين فوق رآسنآ
    كآنو مشخصين وكآشخين ..ومن هنا وهنا عَرفنا انهم شآفو حركة أختي بكآميرآت المُراقبَه ..
    فقآلو لنآ تفضلو معنآ شوي ..
    طلعونآ فوق لمَملكَة المرأه ودخلونآ بغرفه كآن شكلهآ زي المحآكم ..
    كآن فيهآ ظآبط .. وهي كآنت غرفة التَحقيق ..
    أقولهم والله العظيم كآنت مزحه وكنا بنحآسب على هالشبآصتين
    رد وآحد منهم قآل اجل روحي أقتلي لك وآحد بالشآرع وقولي مزحَه !
    قلت لهم خذو الشبآصات ماأبيهم وهاكم حقهم ، قآمو يلتفتون على بعض ويضحكون ويتمصخرون علينآ
    من السآعه 9 للساعه 12 وحنا بهالغرفه شفنآ شي وقسمآ بالله يَندى لهُ الجَبين !
    تَحرشآت من هالـ**** اللي يمآرسون سُلطَتهم ويستغلون منآصبهم ويتحرشون ببنآت خلق الله
    قآلو لنآ تعالو بنوريكم شي ..
    رحنآ ودخلنآ بغرفه كبيره كلهآ شآشات .. وكآن فيهآ ثلاث فلبينيين .. انصدمت من اللي شفته !
    كآنت الكآميرآت مسلطه على كل المجمع حتى مملكة المرأه
    البنآت يروحون ويجون مآخذين رآحتهم ، مآيدرون انهم صآرو مُسلسل سعودي من ترليون حَلقه !


    قالي وآحد منهم شوفي بوريك شي
    ويعيد الشريط اللي فيه أخذت أختي الشباصات ، وانا كنت بوقتها قآعده أقيس خآتم !
    قآلي وين وديتي الخآتم ؟ قلت قسمآ بالله رجعته مكآنه ، قال وش يضمني تعالي ننزل تحت ووريني الخآتم
    نزلنآ بالسلم المُتحرك حتى واحنا قدآم خلق الله ماسلمنآ من تحرشآتهم القَذره !
    ورحنآ لمكآن الخآتم وتأكدو من وجوده .. وطلعونآ مره ثآنيه لغرفة التحقيق ..
    دخلو علينآ حرمه سمراء عشان تفتشنا .. قلت لها تكفين يابنت الحلال طلعونآ والله مآتسوى
    قالت لي أحمدي اللي سووه فيكم ولا شي من اللي يسوونه بغيركم !!!
    المُصيبه ماأقدر اكلم زوجي وش أقوله مسكونآ واختي تسرق !
    ولا أكلم أبوي وربي بتجيه جلطه على طول
    ولا أخوآني اللي بيوروننا الشغل
    سكت وللحين قآعدين قدآم هالست وحوش ! قلت لهم تكفون كم تبون حق هالشبآصات
    لف وآحد على الثآني قال كم نآخذ منها 2000 تكفي ! وكملو ضحك وهستره قدآمنآ
    قآل واحد منهم يآلله عطونآ ألف وهآتو الغرض اللي أخذتوه وتوكلو على الله !
    سآعتهآ والله لو كآنو طآلين مني 10000 كآن عطيتهم
    بفك نفسي وبفك هالبنات اللي معي من اللي يصير فينآ .. وعطيتهم الألف ورحنآ ..
    من صآرت السآلفه وهي برآسي .. ماأقدر انام بالليل .. بقَلبي



    قسمآ بالله إني صآدقه بكل كلمه قلتهآ، واللهُ على ماأقول شهيد !
    صحيح انا اعترف يمكن احنآ غلطنآ بس كآنت مزحه والله يلعنهآ من مزحه !
    وانا وخوآتي نقطه ببحر من المصآيب اللي دآيم تصير بغرفة الــ**** ( آسفه قصدي غرفه التَحقيق ! )
    أعرآض بنات خلق الله صآرت سِلعه رخيصه بأيدي أنآس يَملكون سُلطَه لايَستحقونهآ
    وفِعلا حآميهآ حرآميهآ ..





    انا مآكتبت هالسآلفه عشآن تمر مرور الكِرآم
    لا
    أنآ كتبتهآ عشآن أوعيكم عن اللي قآعد يصير خلف الكوآليس
    بمسسلسل الترليون حلقه السعودي
    وكلي أمل ان هالإيميل ينتشر
    واتمنى يوصل لأمآرة منطقة الرياض وللهيئه عشآن يوقفون هالكلاب عند حدهم


    حَسبي الله ونعم الوَكيل
    حسبي الله ونعم الوَكيل

    ق

  2. #2

  3. #3
    عضوة نشيطة
    تاريخ التسجيل
    Mar 2009
    المشاركات
    65
    معدل تقييم المستوى
    11
    حسبي الله عليهم والوسخين

    ليه ماشكيتيهم كان قلتي لزوجك وفهمتيه السالفه

    وهو يجيب حقكم

    من مواضيع التفاحه الناضجه :


    • #4
      محررة بيت حواء الصورة الرمزية مناي رضاك يالله
      تاريخ التسجيل
      Jan 2009
      المشاركات
      4,476
      معدل تقييم المستوى
      23
      حسبي الله عليهم انا ماانصحها تقول لزوجها لان بيقلها كيف رحتي وماقلتيلي وبيقولها كمان بعد ماخلصت السالفه جيتي تقولين والله بيجلس يفكر ويشك وترجع المشكله بينها وبين زوجها ربي ستر عليها لاتفضح نفسها وتخسر زوجها وعليها بالدعاء عليهم ان الله ينتقم منهم حسبي الله ونعم الوكيل ومشكوره ياقلبي على نصيحتك عن تصويرهم لقسم الحريم الحمدلله انا من طبعي اخاف اروح هالاماكن وزوجي مايرضى دايم يقول انه مايرتاح يدخلني في المجمعات وحتى لو كانت خاصه بالحريم الله يستر علينا وعلى بنات المسلمين

    صفحة 1 من 2 12 الأخيرةالأخيرة

    المواضيع المتشابهه

    1. قصه حقيقيه
      بواسطة عيدسعيد في المنتدى الأدب
      مشاركات: 42
      آخر مشاركة: 24-09-2016, 11:16 AM
    2. قصه حقيقيه
      بواسطة عندنا رب كبير في المنتدى القصص , روايات
      مشاركات: 3
      آخر مشاركة: 29-08-2011, 06:33 PM
    3. قصه حقيقيه
      بواسطة احلى الجنون في المنتدى منتديات اسلامية,( على منهج أهل السنة والجماعة)
      مشاركات: 9
      آخر مشاركة: 10-03-2011, 11:43 AM
    4. قصه حقيقيه
      بواسطة الاميره2008 في المنتدى الأدب
      مشاركات: 14
      آخر مشاركة: 03-09-2009, 05:12 AM
    5. قصه حقيقيه ......
      بواسطة شعاع الكون في المنتدى الأدب
      مشاركات: 10
      آخر مشاركة: 08-03-2007, 12:29 AM

    الكلمات الدلالية لهذا الموضوع

    مواقع النشر

    مواقع النشر

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    أهم المواضيع

    المطبخ

    من مواقعنا

    صفحاتنا الاجتماعية

    المنتديات

    ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |