كل مشاكلي سببها اهل زوجي

[خيالي واسع]

يعني من يوم يومك وانت معاهم فالبيت؟
و غرفتك بعيدة شوي و لا في وسطهم كمان؟
و قديش صارلك متزوجة؟

وايش طبيعة هالمشاكل اللي بينكم انت و هل زوجك؟

اتمنى عليكي تجاوبنني عشان اقدر باذن الله اساعدك.

انا ماكنت معاهم من بداية حياتي لا في البداية كنت في شقة لوحدي بس تعسرت الحالة وطلعنا من الشقة بس انا شرطت على زوجي ان تكون لي شقة قالي مع الايام بنبي وصار لي سنة متزوجة وشوي وغرفتي فوق وهم تحت بس بدون خصوصية يعني يدخلون حمامي ويعتبرونه للحين حقهم وانا عندي ولد واحس اني مشتتة لااني فوق ولا انا تحت يعني اذا هو نايم مااقدر انزل به تحت وفي نفس الوقت ابي ادخل المطبخ واتوهق فهم يقولون لي انتي ماتدحلين المطبخ الا نادر وكل شوي والباب طق طق حتى اذا انا لابسة لبس خاص والله اتوهق والمشكلة اللي اكبر من ذا كله ان زوجي مايجي الا خميس وجمعة وهم يحلون روحهم يمة حيل يعني يقولون له تغدى مع زوجتك ويقولون لي خليه يتغدى مع ابوه واخوانه وانا زهقت احس ان زوجي بعيد عني حتى في هاليومين اللي اشوفه فيهم لا واذا بنطلع لازم يعرفون وين رايحين ومنين جايين انا امي فترة الحطوبة ماتسالني وانا بطبيعتي احب الخصوصية في كل شي ومااحب احد يدخل نفسه اسفة على الاطالة بس ياريت تفدوني علما ان زوجي وعدني ان هذا الوضع مؤقت بس تتيسر امورنا الى اجل غير مسمى لان حتى زوجي مو مرتاح بس مو دايما ابين ويسوي كل شي عادي دايما يقول لي شفيها اذا عرفوا وين بنروح اشفيها اذا طقوا الباب اجي له باللين وبالعصبية نفس النتيجة ماعند رد لان حتى هو مو عاجبه الوضع بس مايبي يبين بس في مشاكل مايقدر يجامل اهله فيها ومايقدر ينذهم منها مثل مرة انا سافرت معاهم انا وزوجي وهم وزعلو على زوجي وحطوا حرقتهم في اسفة على الاطاة

[حواء امل]

لازم تتقبلين وضعك حاليا وتعودين نفسك على التطنيش

ولازم هم ينتبهون انك مطنشتهم عشان يحسون ان تعبهم وتدويرهم للمشاكل ماجاب نتيجه وبكذا بيطفشون هم

وبالنسبه لزوجك حاولي تسايرينه قدامهم يعني اذا قالك شي قولي ان شاء الله وبعدها على طول افتحي سالفه جديده قدام اهله عشان يعرفون انك ماتضايقتي من هالشي واذا دخلتوا غرفتكم قولي له بهدوء تام وافضل انكم تكونوا على السرير والجو رومانسي انت اليوم كلمتني بطريقه ضيقت صدري مرره كان ودي لما قالوا اهلك ترى لبس الولد مو كويس انك تقول بالعكس حلو ومن هالكلام على حسب الموقف اللي صار

وصدقيني يوم بعد يوم بيبدا يتغير ويصير معاك بكل كلمه تقولينها

[أم لولو 2009]

مرحبا حبيبتي كلام البنات كله حلو وعين العقل طنشي حبيبتي بس الغلط؟الغلط؟لا تسكتين عنه ابدا وقولي رايك او ردك بكل قوه وفخر وبكذا يخافون يتكلمون معك يعني يحترمون وجهة نضرك وصدقيني في هالزمن ماتعيش الا العوووووووووووووووووووبا انا مجربه تجريح واهانات ورغم اني ماني ساكنه عندهم بس مثل ماقلت لك خلي لنفسك مكانه اذا قالو لبس ولدك مو حلو قولي عاجبني وعاجب ابوه احرجي زوجك مره والمره الثانيه هو بيقول ليش لبسه حلو ذوق امه صدقيني اسأل مجرب!!!!!!!!!
والله يكون بعونك حبيبتي واصبري وكثري الاستغفار اذا ضروف زوجك معقده شويه اصبري على شانه وهو بيصفالك بالاخييير والله يوفقك لما يحب ويرضا ويخليلك ولدك آمين بس مثل ماقلت لك ماعليك منهم ردي بس بذرابه يعني(مزحه برزحه)طمنيني عنك ياقلبي

[مرجانة زمان]

حبيبتي من الاخر دوري لك على شغل وساعدي نفسك قبل لا تساعدي زوجك وايدك على ايده يا بنت الحلال والله ارحم لك اعرف وحده كانت عايشه بروحها مع زوجها وضاقت فيهم الدنيا ردو عاشو عند اهله والله جابولها المرض الحين صار لها اكثر من 12 سنه تغسل الكلى جننوها للحرمه ولليوم قاعده عندهم ورغم كل هذا ما يعتقونها من الهمز واللمز فري بعمرك يا حبيبتي ترى اهل الزوج كل شي وااااارد منهم ربي يساعدك ان شالله