سلام يا حلوين
زي زي ايا بنت عقدتي الوزن الزايد وامنية حياتي اصير موديل
المهم
باول السنة مرضت وصار لازم اكل كل الوجبات و بدون حركة و ضليت شهرين على هالحالة وطبعا طلعت ب 10 كيلو زيادة
قبل اسبوعين كانت خطبتي
وكان لازم انحف خلال شهرين
و نحفت 10 كيلو بشهرين
نصيحة يا بنات 5 كيلو بالشهر كتير منيح ولا تفكرو باكتر عشان ما يرجع وزنكم يزيد اكتر ما كان قبل الريجيم
المهم شو عملت
طبعا ما رحت اخصائية لانو جربتهم من قبل وما نفع معهم اشي
واهما شي الارادة
ما رح طول ، بس خلي ببالكم الدايت والرياضة سوا ، ممكن تنزلي بس 5 كيلو اول شهر بس الناس بتشوف الفرق وما بصدقو انو بس 5 كيلو لانو جسمك بكون شد كتير
الفطور : طنت دايما افطر قطعة خبز توست اسمر و سلايس جبنة خالي من الدسم او معها كاسة شاي اخضر
الساعة 12 تفاحة
الغدا
لازم يكون بروتين : جاج ، ستيك ، سمك ، تونا ، بيض
ايا نوع بروتين عشان البروتين بياخد وقت لينهضم وما بتحسي بجوع بسرعة
وبعدسها كمان كاسة شاي اخضر طبعا بدون سكر
الساعة 6 زي الاطفال الشاطرين بروح على الجيم ، بلعب شي ساعة
ولما اروح يا دوب اخد شور و احضر غدا تاني يوم وشوية تنضيف بكون استويت
بس قبل ما انام بشرب كاسة شاي ابيض
بس اذا روحت جوعانة باخد فواكه و مع وجبة الغدا لا تنسي تعملي صحن سلطة
بنات نصيحة ركزو على الشاي الاخضر والابيض
انا تركت الريجيم من شي شهر ونزلت اجازة اسبوعين وشوفو الاكل والعزايم بس كنت دايما اشرب الشاي و ما زدت اشي
انا وزني هلىء 69 و طولي 167
الكل بقولي هيك حلو و بكفي بس انا بدي اكمل ان شاء الله عشان لما يصير في بيبي ما انصح كتير
وان شاء لله اكون قدمت فكرة بسيطة وان شاء الله حد يستفيد
رد مع اقتباس
المشاركة الأصلية كتبت بواسطة دانة حريملاء
مواقع النشر