كيفكم حبيباتي الغاليااااااات
بدي ادخل بالموضوع على طول اليوم جايبة معي
صينية الزهرة (القرنبيط )
وهذي من الاكلات الكتير الطيبة عنا بالبيت
طريقتها ومقاديرها كتير سهلة وبسيطة
ابدأ بالمقادير
رأس زهرة كبير ~ لحمة مفرومة ~ رأس بصلة مفروم ناعم
طحينة ~ لبن ~ عصير ليمونه ~ بهار ~ ملح ~ فلفل اسود ~ كمون ~ مكعب ماجي بسسسسسسسس
الطريقة
نقطع الزهرة عادي ونقليها ونضعها بالبايركس ونقطعها لزهرات صغيرة لسهولة اكلها وشكلها بكون احلى هههههه
نعمل اللحمة بالطريقة العادية
نحط اللحمة على النار حتى ينشف مائها ثم نضع البصل تكون النارهادئه
مع وضع البهار والفلفل والكمون والملح حتى تتنكه اللحمة ونضعها على الزهرة بالصينية وتخلط وتوزع بالبايركس
نعمل الصوص بوضع اللبن والطحينة والليمون ومكعب الماجي وقليل من الفلفل الاسود وقليل من الماء بالخلاط ويضرب ونضعهم على الزهرة غمرتها
وتوضع بالفرن النار من تحت حتى تتسبك ويشد الصوص ثم نحمر الوجه
ممكن نضع جمرة بصحن زيت صغير ونغطي الصينية عشان تعطي طعم رااااائع
اترككم مع الصور للشرح الوافي
بتمنى اتجربوهاااااااا كتيرررر طيبة وخفيفة
مع قبلاتي لكم دعواتكم الحلوة
مواقع النشر