السلام عليكم ورحمة الله وبركاته
ابيكم الله يوفقكم تقرون الموضوع بقلوبكم
قبل عيونكم
وكل وحده تكتب بصدق الله يجزاكم خير
صديقتي وغاليه جدا جدا علي
مخطوبه
لشخص يثنون في اخلاقه
( بس طبعا الناس مالها الا الظاهر ماراح تعرف الشخص الا لما تعاشره )
وظيفته ملازم اول
اتصلت تستشيرني توافق عليه او لا
وانا بصراحه ماعندي خبره ولا اعرف احد من اهلي في القطاع العسكري
هي حابه تعرف بعض الامور واذا ماعليكم امر لاتبخلون عليها
* كيف طبيعه الحياة مع رجل العسكري ؟ وهل يكون قاسي نظرا لطبيعه عمله ؟
* هل يكون للملازم الاول شفتات اخر الليل ؟( يعني لو تزوجته تجي ليالي تكون بالبيت لوحدها )
* هل تحتم طبيعه عمل الملازم الاول ان الحياة ماتكون مستقره وانما متنقله ؟ ( يعني كل فتره تكون في بلد )
* كيف مستوى المعيشه - اقصد الراتب - ضعيفه / متوسطه / عاليه ؟ واذا في احد يعرف حدود الراتب كم يكون؟
واخيرا مارايكم بالزواج من رجل عسكري ( مع العلم انه اخلاقه عاليه ومحافظ على صلاته ) هلا تقبلين أو لا ؟
خصوصا انك تكونين دايما خايفه انه لما يطلع مايرجع بحكم طبيعه عمله
اقصد لا قدر الله يعني راح يروح يحارب .. الخ
( مع التأكيد ان الارواح بيد الله عز وجل )
انا اذكر مدرسه -موسعوديه- كنت اروح لها بثالث ثانوي كانت تقول لوحده معنا انتبهي تتزوجين من عسكري
انهم كذابين ومالهم امان من هالكلام >>> بس ماقلت لصاحبتي
قلت تجاربكم راح تفيدها اكثر ان شاء الله
افيدونا باي تعليق لا تتركون الموضوع
الله يوفقكم
مواقع النشر