مجبوس دجاج (بطريقتي الخاصة ) مجبوس بحريني
السلام عليكم جميعاً
هذه اول مشاركة لي بهذا المنتدى اتمنى تنال رضاكم واعجابكم
اليوم جايبة لكم مجبوس دجاج طبعا من صنع يديه
مجبوس دجاج بطريقتي الخاصة ( مجبوس بحريني )
المقادير :
عيش مغسول ومنقوع – دجاج مقطع الى النصف – بصل – فلفل رومي – فلفل حار – طماط – ثوم وزنجبيل
جزرة مبشوة + فلفل صغير – ماء – زيت – بهارات - وحبة البركة
الطريقة :
احمس البصل في الزيت واضيف عليه ملعقة دارسين واخليه لين يصير لونه بني لان ابي العيش يكون لونه بني
اقطع الخضار ( الطماط – الفلفل الرومي – والفلفل الحار )
ولما يصير البصل لونه بني اضيف عليه الثوم والزنجبيل
بعد ما قلبت البصل مع الثوم زين وطلعت الريحة وااااااااااو اضيف الخضار المقطعة
بعدها ضفت البهارات ( بهارات مخلوطة – جلجلان – كمون – كركم – فلفل اسود – ليمون اسود – ملح – شبنت مجفف – وبهارات الماجي وحبة البركة )
بعدين اضيف الدجاج واقلبه بالبهارات والبصل والخضار
واخلي الدجاج يتقلى مع الخضار واحرك الدجاج بعدال
بعدين اضيف الماء عليهم اخلي الماء يغمر الدجاج واخلي الدجاج يطبخ لحين ما يستوي
وهني الدجاج يطبخ
اذا ستوى الدجاج ارفعهم من القدر واخليه في مشخال حتى ينزل الماء الي فيه لاني راح اقليه او احمره في الفرن
بعدين اضيف العيش الي الماء الفواح بس نسيت اصور هذه الخطوة
وهني بشرت الجزرة والفلفل الحار حتى اضيفه على العيش
لما يطبخ العيش شوي اضيف عليه الجزرة المبشورة والفلفل واقلبه
اخلي العيش ينشف بعدين اخفف النار عليه واخلي القدر تحته نشافة ، اخليه يتنشف على راحته
في هذه الاثناء اقلي البطاطس
بعد ما قليت البطاطس ابتدي اقلي الدجاج هني قطعت الدجاج حتى يتقلى عدل
وهني جهز البطاطس والدجاج
وهني العيش ستوى وجاهز للأكل
بالهناء والعافية
مواقع النشر