امااااااانه قولوا من الغلطان انا ولا هو

[سارونه حياتي]

بدون مقدمات راح اقولكم السالفه وانتم احكموا بانفسكم وبالي يمليه ضميركم
تخيلوا باقي على زواج اخوي اسبوع وشوي اوكي ولي كم يوم اقول لزوجي ابروح
اشتري فستان لبنتي وقال لي خلاص وعد مني لك اطلعك الاربعاء وتاخذين الي تبين
قلت له اوكي وجاء يوم الاربعاء يوم قلت له ودني السوق قال والله مالي خلق اطلع وافرفر
قال بكرى اوديك قلت اوكي ماعليه مالك خلق تطلع نئجلها لبكرى عادي ماتفرق معي بصراحه
وتخيلوا بعد 10 دقايق قال ابطلع عند العيال مجتمعين في بيت اخوك بيت اخوي جمبي على طول
يعني رجليه قلت له انت طالع طالع ودني ولا تروح لاخوي قال بس شوي اقعد معهم واجي اوديك
قلت له اوكي دقيت عليه بعد ساعتين تقريبا قال رحت اوديهم المطعم يتغدون اذا خلصوا جيت اوديك
قلت اوكي ومرت ساعه واكثر ودقيت عليه قال رحت اودي العيال يتقضون من السوبر ماركت اذا خلصت جيت اوديك وفي الاخير قلت له ماابي اروح وماابي اشتري لبنتك فستان انا الحمد لله وعندي فستان
اذا تبي بنتك تكشخ روح انت وربعك واشتري لها انا مستحييييييييل اشتري لها وبعد شوي رجع للبيت وقال لي يالله اوديك قلت له ماابي اروح قال ليش قلت له خلاص هونت ماابي اشتري لها هونت
وقال لي احسن ودخل الغرفه وجلس عند التلفزيون وانا جالسه في الصاله
اسئلكم بالله انتم احكموا في السالفه وقولوا لي مين الغلطان وترى هو واعدني من يوم الاثنين انه يوديني الاربعاء بالله عليكم قولوا لي وش اسوي ماعاد اقدر وماعاد في يدي حيله والله مادري من الغلطان
انا ولا هو وربي راضيه في حكمكم
اسفه طولت عليكم بس والله من القهر الي فيني

[ترنيمة الألم]

صباح الورد

هدي يا الغاليه .... لآجل فستان تعلني الحرب ؟؟؟
صحيح هو غلطان ولكن لا يصل الأمر لهذا الحد من الغضب .
ثم أنه جاء وقال لك نخرج وأنتِ رفضتي ... لآنكِ شعرتي بأنه أهملك .
طيب حبيبتي ... الحياة لا تسير على وثيرة واحده ... ربما الرجل فعلاً لا يريد ذلك اليوم أن يخرج ، وبعد أن خرج
مع أخوه حن للخروج معكم .
لما نعقد الأمور الى هذا الحد ......
اصلحي الأمر بينكما . وإشتري للبنوته الغاليه فستان ولا تنزعي فرحتها وفرحتكِ بأمر تافه .
أرجو لك كل السعادة والهناء .

[سارونه حياتي]

مشكوووووووره يالغاليه والله يوفقك ويخليك
بس انا الي قاهرني انه اهتم باخوي واصحابه اكثر مني
ومااهتم لا فيني ولا في بنته
الله يهديني ويهديه يارب

[ترنيمة الألم]

يا الغاليه هو أهتم بأخوك شئ جميل هذا يجب أن تفرحي .... لآن الرجل الذي يحترم أخو زوجته
فهذا دليل إحترامه لها .. وإهتمامه بأخوك وصديقه لا يعني إهمالكِ على العكس يا عمري .
والله أسعد حين أجد زوجي مهتم بأخي فهذا يقوي الروايط الاسرية بينه وبين أهلكِ .
لا تجعليه يفكر أو يعتقد بأنكِ متضايقه من اهتمامه بأخوك واصحابه حتى لا يقلل من قيمتك .