بطاطا محشيه لحمة معصجه بالفرن "مخشي البطاطا" حياكم على مطبخي
اليوم معي وصفه كتير كتير طيبه يعني انا شخصيا بحبها
وزوجي والاولاد كمان كتير بحبوها وبطلوبها مني
بطاطا مخشي بالفرن
الحلوه في هذه الوصفه انه ممكن نحضر نصها ونتركهالتاني يوم
يعين للست العامله كتير سلهة وما رح تاخذ وقت منها اذا حضرتها على مرحلتين رح أذكرهم ان شاء الله رح قدملكم المقادير والطريقه مع بعض خطوة خطوة
الكميه حسب عدد الافراد
نحضر كميه من حبات البطاطا والافضل ان تكون صغيرة الحجم
تقشر وتحفر بواسطة حفارة الكوسا مع الاحتفاظ بلب البطاطا المحفور
ووضعه في الماء حتى لاتغير لونه
تغسل حبات البطاطا وتصفى جيدا
ثم تحشى باللحمه المفرومه والمعصجه مع البصل والبهارات
توضع الحبات بعد حشوها في صينيه وتدهن بالقليل من الزيت ثم ندخلهاالفرن لتتحمر قليلا
وتنضج نصف سواء
المعظم هنا يقوم بعمله قلي البطاطا بعد حشوها وبهذه الخطوة تتشرب كمية كبيره من الزيت
لذلك شويها افضل واخف اكيد
الان نحضر لب البطاطا ونقوم بتصفيته من الماء جيدا
وفي مقلاه او طنجره نضع 3 أسنان من التوم المفروم ناعم ويقلب بقليل من الزيت حتى يلين
لا نريد تغيرلونه للتوم فقط ان يصبح لين وتخرج رائحته
ثن نضيف لب البطاط ونقلب جيدا نضيف الملح والفلفل الاسود حسب الرغبه
ويقلب جيدا لدقيقتان اوثلاث
يسكب اللب في صينيه تدخل الفرن وترص البطاطا فوقه وهناتغلف وتحفظ بالثلاجه لثاني يوم حتى نكمل اعدادها لست البيت العامله
اعتذر لم اصور هذه الخطوة
نأتي الان لتحضيرها ثاني يوم للمرأة العامله وست البيت ممكن من هذه الخطوة تكمل اعدادها برضه
نحضر كميه منمرق الدجاج او اللحم او ماء فقط وممكن استخدام ماء وأذابة مكعبين ماجي فيه
نحضر السائل ونسكبه فوق البطاطا حتى نغمره
تغلف في ورق الالمنيوم وندخلها الى فرن حار مسبقا على نار متوسطه من 30 الى 45 دقيقه حسب نوع البطاطا وحجمها
ثم نضعهااسفل الشوايه لاكسابها لون ذهبي جميل
لمسه مني كتير بحبها فور خروجها من الفرن اسكب على البطاطا عصير 2 ليمون طازه
بتعطيها طعم غير شكل لانه البطاطالوحدها ماالها نكهة قويه
وتقدم مع الارز الابيض بالشعيريه وسلطه خضراء ولبن زبادي
وهاد الصحن لاول رد
أتمنى انهاتعجبكم وتجربوها بجد رح تعجبكم وتعتمدوها على سفرتكم العامره
لاتنسوا أولادي من دعواتكم وهم الان يقدمون أمتحانات نصف الفصل
وربي يوفق جميع أبنائنا يارب
مواقع النشر