مشكلتي مع اهل زوجي

السلام عيكم ..

اخواتي بيت حواء ....

انا في غربه فضيعه, احساس بالوحده يقتلني, لولا الاطفال اللي عندي كان الله يعلم بحالي ,

زوجي مايقصر يسوي المسيحل عشان يعوضني عن الغربه ,انا ساكنه في قريه تبعد عن اهلي

100 كيلو , وساكنه جنب اهله بس اهله ماتقبلوني ,واذا شافوني ماكأنهم شايفييني

وذا رحت لهم يتنحشون مني, حاولت اعرف السبب منه مارضا يقولي وتخيلو احمل واولد واطلع من الاربعين واجي لبيتي وهم كأن ولدهم ماتزوج وامه مسكينه حاطه همه بقلبه وساكته , وبعد 8 سنوات

من حاولت اعرف السبب من امه , قالتلي كلام مو مفهوم ان السبب بناتي ,

وقلت لزوجي ليش ماتحاول تنقل شغلك للمكان اللي فيه اهلي , واالحمد لله والشكر اذا رحت لاهلي تقولي

امي كل خالاتك وبناتهن وعمانك يسألون عنك , ويقولون اذا جت علمينا , وانا الصراحه انقهر

ساكنه في مكان مااحد يبي يتعرف علي حتى اهلك , والحمد لله ايماني بالله قوي ودايم

اقول لنفسي , الصبر مفتاح الفرج والله اذا حب عبده يبتليه , والله يعوضني بعيالي وزوجي

والله كريم انشالله ...


وانا ابي تعليقكن اخواتي...

شوفي اختي الظاهر و الله اعلم ان خلفتك كلها بنات و هم من العصر الجاهلي يبغون ولد

علشان جذيه تقولك بناتك ؟؟

شوفي انا بعد بعييييييييييييييييييييد وااااااااااااااااايد عن اهلي و و لكن مملكة المراه و حياتها بيتها

دامك بين عيالك و صحتهم طيبه و مرتاحه و زوجك شاريك فهذي بكنوز الدنيا

ما اقولك الوحده ما تطفش او تستوحش على السوالف و الناس لكن فيه بدائل عندك النت هذا حياااااااااااااااااااااه بحاله

يقولك من عافنا عفناه لو كان غالي

عزي نفسك تجدها

ارفعي نفسك عنهم ما يبغونك مع الف سلامه لا تروحين لهم الا المناسبات بس

خليك رسمي و اللي يبغاك يسعى وراك

و دام زوجك حابك و شاري خاطرك لا تكدري عيشتك و تطالعين للكاس الفضي ليش فلانه ما تحبني و ليش علانه ما تبغاني ؟؟

المحبه و الكره من الله و الارواح جنود

ما تدرين سبحان الله مو لازم كل الناس يحبونا

علشان كذا اشغلي نفسك بصغارك و حطي براسك ترى 100 كيلو مو مسافه عيل شتسوين لو انها 800 و الا 1000ولا اكثر

يعني كلها ساعه و انتي عند اهلك روحيلهم كل خميس و جمعه اطلعي

و لا تسمحين للوحده تدخل حياتك ما اني وحيده طالما عيالك معاك و اخر الليل تلقين من تحطين راسك بحضنه وهو زوجك الله يخليكم لبعض و يكبرون صغارك و بتنشغليييييييييييييييين و الله ما تلاقين وقت تتصلين حتى باحد

والله كلام جرووووووحه ... كلام سليم ...

وبعدين الحمد لله فعلا 100 كيلو موبعيد عن أهلك .. ساعه وانتي عندهم

تقدرين تروحين لهم كل اسبوعين أو كل شهر مره ...

واشغلي نفسك بالمفيد ... ما عليك من أهل زوجك ما يبونك الحمد لله أهم شيء انك ما اخطيتي بحق احد ..

الأمر الثاني ليش ما تدخلين دورات أو حلقات ذكر .. منها تستفيدين ومنها تتعرفين على صديقات جديدات

وتتزاورين انتي واياهم .. الله يصلح الأحوال بينكم ..

ويوفقك إلى ما فيه خير وصلاح ..

انا عندي بنت وولد , وبالنسبه لخالتي يوم تقول بناتي يعني بناتها اللي هن خوات زوجي