في ليلة عرسها تبكي ...حزينه وقلبها يحكي ....قصيده و نثر جدا مؤلمه...!!!!!



النتائج 1 إلى 3 من 3

الموضوع: في ليلة عرسها تبكي ...حزينه وقلبها يحكي ....قصيده و نثر جدا مؤلمه...!!!!!

  1. #1
    عضوة قمة الصورة الرمزية المملكة2010
    تاريخ التسجيل
    Jun 2009
    الدولة
    في عالم الحنين
    المشاركات
    447
    معدل تقييم المستوى
    11

    fgj في ليلة عرسها تبكي ...حزينه وقلبها يحكي ....قصيده و نثر جدا مؤلمه...!!!!!


    في ليلة عرسها تبكي ...حزينه وقلبها يحكي ....قصيده و نثر جدا مؤلمه...!!!!!



    قصيده جدا راااائعه ومحزنه في نفس الوقت
    ان شاء الله تعجبكم ....مع العلم مادري من قائلها....:

    في ليلة عرسها تبكي..
    حزينه وقلبها يحكي ..
    يقول الحمد لك ربي على كل حال ..
    على الصحه .. على النعمه ..
    على قلبٍ شكى همه ..
    وصبرٍ طال ..
    تجيها أمها وتقول ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..
    تجاوبها ..
    أبي أعرف ..
    أبوي شلّي استفاده الحين .. ؟!
    لو ذابحني كان ابرك ..
    وزوجي .. اش ذنبه المسكين ؟
    يعيش باقي العمر .. مع جثه تتحرك !
    عليك الله يا يمّه .. قوليلي اشلون اضمّه .. ؟!
    واذا ودّه يكلمني .. وشاف دموعي فـ عيوني ..
    قولي اشلون اكلمه .. ؟!
    واذا ناداني بإسمي ..
    وانا أخطيت في إسمه ..
    يا ترى وش موقفه مني ..
    وهو يسمع اسم غيره ؟!!
    تجيها أمها وتقول ..
    خلاص فضيها من سيره ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..
    بقولك شي يا يمّه .. وخليها من الأسرار ..
    أبكتب له رسالة شوق ..
    بشاكيه الألم والعوق ..
    عقب ما أنتهي منها ..
    بكل الحرص أرسليها ..
    وخبيها عن الأنظار ..
    وابي منّك وعد صادق ..
    توصليها لذاك المغرم العاشق ..
    وبعد ما يوصلك ردّه ..
    على طول بلغيني بآخر الأخبار ..
    ربع ساعه يا يمّه ..
    عطيني بس ربع ساعه ..
    أبكتب له عن اللي طفّى ما في القلب ولاعه ..
    أبكتب له الين دمع القلم ما يجف ..
    تعالي بعدها واستلمي ما في الظرف ..
    وكتبت من حزنها ابيات ..
    تقول فيها ..
    سلاماتي .. تحياتي .. وأشـواقـي الشديده
    .................. على اللي روحه قبالي .. وأنفـاسـه بعيده
    على اللي افترقنا غصب عن عينـي وعينه
    .................. بعد ما كنت انا وهو نحلم بلحـظـه سعيده
    بعيش بغربتي لحـالـي .. وهـو الله يعينه
    .................. يكمّل نصفه الثاني .. ويلـقـى مـن تريده
    مثل ما قالت امـي .. مـا لـنـا إلا قدرنا
    .................. والا مـن زمـان المفتـرض إيـدي بإيده
    يسامحك الله يالوالـد .. علـى عمـرٍ قتلته
    .................. بعد ما ماتت ابنيتـك وش اللـي بتستفيده ؟
    أنا آسفه على اعذاري .. وربي غصب عني
    .................. نعم بتزوّج فلان .. بس بعيش عمري وحيده
    محّد ممكـن انّـه يملا عيـونـي بدونك
    .................. تذكّر كلمتي هـذي .. أنـا فـ حبّـك شهيده
    تذكّر كلمتي أرجـوك .. لأنهـا مـن فؤادي
    .................. فؤادي اللي ذبحوه اليوم.. وطعنوه فـ وريده
    تذكّر كلمةٍ فيهـا شـعوري ومـا طـرى لي
    .................. أنا فـ حبك شهيده .. وذي ترى آخر قصيده
    ...وجتها الوالده عندها ..
    وهي تحاول تغض الطرف ..
    وتسألها ..
    وش اللي بداخله هالظرف ؟!
    أبيات ..
    هي أبيات .. لحبٍ من حياتي فات ..
    لحبٍ من حياتي طار ...
    بسرعه ارجوك أرسليها ..
    وهي تذرف .. دموعٍ نار ..
    على هونك يا يمّه ..
    على هونك ..
    خلاص اطّمني انتي ..
    برسل ما كتبتي ..
    واستعدّي ..
    بعد شوي بيزفونك ..
    يزفوني ؟!!
    وربي كان أهون لو يكفنوني .. !!
    بعد ايّام ..
    تسافر لاجل تقضي في فرنسا .. شهر العسل ..
    والمكتوب للعاشق وصل ..!
    وهي مع زوجها تضحك ..
    وهو من فرحته يضحك ..
    يقول افديك انا بروحي ..
    وبيتي .. ومالي .. والأهل ..
    وهي تقول اشكرك بالحيل ..
    لأنك من جديد .. رجّعت في قلبي الأمل ..
    وساعه بعد ساعه ..
    فرحتهم تزيد ..
    في الصبح يتجولون من باريس .. لحتى ليل ..
    وفي الفندق .. يشربون قهوه بالهيل ..
    بعدها يسهرون .. كل الليل ..
    وحانت ساعة الردة ..
    بعد ما طالت المدة ..
    وموعدهم بعد ساعات ..
    لاجل ما توصل الرحله على أرض الرياض ..
    وأول ما وطوا أرض المطار ..
    من الفرحه بكوا ..
    واستقبلوهم أهلهم باحضانهم ..
    سلامات .. سلامات .. عساكم بس تهنيتوا ..
    يجاوبهم ... الله يسلمكم ..
    والحمد لله الهنا في حجرنا بات ..
    تطير البنت ناحية أمّها ..
    اشتقت لك حيل يمّه ..
    وهاتي حضنك الدافي ..
    ترى مشتاقه أضمّه ..
    وعلميني عن احوالك ..
    عن اخبارك .. عساك بخير ؟
    بخير يا بنيّـتي .. دامك بخير ..
    بس ما سألتيني .. ؟!
    خير يا يمّه .. خير ؟!
    نسيتي إنك ارسلتي رساله ..
    قبل ما ترحلين بخير وسهاله .. ؟!
    صحيح ... توني تذكّرت !!!
    أرسل لك جواب ..؟
    بعد ما ارسلتها ..
    صرت انتظر منّه خطاب ..
    ومرّت ايام وليالي وساعات ..
    بعد مدّه .. شهر أو يمكن شويه يزيد ..
    لقيت نفس الرساله .. عند صندوق البريد ..
    تقول : لم يقرأها أحد .. !!
    قلت بنفسي اتأكّد ..
    وصلت لباب منزلهم ..
    وكلّمني اخوه محمد ..
    عرفتي ليش ما في حد .. قرا الابيات .. ؟!
    في نفس اليوم لي إنتي تزوجتي ..
    وكنتي حيل مغتمّه ..
    حبيبك ما قدر يتحمّل الصدمه ..
    مع كل الأسف ... مـــات !!!!!!!!!

  2. #2
    محررة بيت حواء الصورة الرمزية دلة كيف
    تاريخ التسجيل
    Dec 2009
    الدولة
    مملكتي الصغيره
    المشاركات
    2,229
    معدل تقييم المستوى
    13
    ااااااااااااااااااااااه

    الحب الحقيقي لقته هي


    وهوماااااااااااااااات المسكين على حب ماهو من نصيبه


    استمتعت بقراتها

    مشكوره ع الطرح

  3. #3
    عضوة جديدة الصورة الرمزية صافرة الوداع
    تاريخ التسجيل
    Dec 2009
    الدولة
    السعوديه
    المشاركات
    45
    معدل تقييم المستوى
    11
    مشكورة يا اختي
    قطعت قلبي ها الابيات

    من مواضيع صافرة الوداع :


المواضيع المتشابهه

  1. قصيده نقلتها من اليوتيوب مؤثر جداً
    بواسطة حنين@الأمس في المنتدى قصائد , خواطر , لـــــ لمنقول ( مما راق لي )
    مشاركات: 6
    آخر مشاركة: 08-01-2012, 10:00 PM
  2. مشاركات: 0
    آخر مشاركة: 07-08-2011, 08:27 AM
  3. مشاركات: 0
    آخر مشاركة: 29-07-2011, 01:58 PM
  4. في ليلة عرسها تبكي ..
    بواسطة شوق الجنـــــان في المنتدى قصائد , خواطر , لـــــ لمنقول ( مما راق لي )
    مشاركات: 5
    آخر مشاركة: 17-08-2007, 12:52 AM
  5. في ليلة عرسها تبكي
    بواسطة بسمة ليال في المنتدى قصائد , خواطر , لـــــ لمنقول ( مما راق لي )
    مشاركات: 10
    آخر مشاركة: 14-03-2007, 07:51 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |