تورته من مطبخى هديه لاخواتى فى الله (بالصور)

[Shimaa Radwan]

كيفكم ان شاء الله بخير
انا حدخل فى الموضوع علي طول

[IMG]..[/IMG]

اول شئ الكيك الاسفنجي الطريقه دى هشه وخفيفه جدا معتمده عندي من سنين طويله من ايام ما كنت بنت صغنتوته وحازت علي اعجاب الجميع
٧ بيضات - فانيليا - 1 كوب سكر بودره
1 كوب دقيق - 1 ملعقه صغيره بيكنج باودر
الطريقه
اول شئ جهزى الفرن والقالب قبل ما تشتغلى
تخفقي البيض والفانيليا والسكر بودره حتي يصبحوا كالمارنج وبعدين تضيفي الدقيق المنخول مع البيكنج بودر شويه وتقلبى بهدوء شديد بمعلقه خشب علشان الهواء اللي انت دخليه مع الخفق ما يخرجش تاني لغايه الدقيق ما يختفى وبعدين تضيفي شويه تانين وتقلبي وهكذا لغايه المقدار ما يخلص وبعدين تضعيها على الرف الاوسط 350 درجه
حوالى ثلث ساعه وبعدين تسيبيها تبرد خالص قبل ما تزينها
يتبع

[Shimaa Radwan]

مرحله التزين
تجيبي طبق مسطح للكيك ولو مش موجود عندك ممكن تجيبي اي كرتونه وقطعيها على شكل القالب اللى عندك وبعدين غطيها بورق الفويل وهاتي طبق تانى اقلبيه وحطى الكرتونه فوقه زى ما انت شايفه

[IMG]..[/IMG]

وبعدين حطى شويه كريمه لتثبيت الكيك على الطبق

[IMG]..[/IMG]

وبعدين حطي اول طبقه من الكيك وادهنيها بالعصير وبعدين الكريمه وبعدين كيك وهكذا لحد ما تخلص طبقات الكيك وبعدين حطى طبقه خفيفه من الكريمه علشان لو فى فتافيت صغيره تلصق فيها وسيبيها فى الثلاجه شويه

[IMG]..[/IMG]

خرجيها من الثلاجه وحطى الكريمه وسويها من فوق والجوانب بالسكين وكل شويه اغسلى السكين بماء وانتريها بس علشان تدي للكيك نعومه ولمعان وبعدين حطى اى لون انت عايزاه واعملى وردات تحت وفوق

[IMG]..[/IMG]

وفى المنتصف اعملى وردات تانيه اوممكن تكتبى اللى انت عايزاه

[IMG]..[/IMG]

[IMG]..[/IMG]


يا رب عجبكم
رأيكم يهمني

[NOURA70]

حلووووووووووووة كثير تسلم ايدك اختي

[الى الهدى ائتنا]

ما شاء الله جميله جدا و طريقتك بروفيشينال ما شاء الله تبارك الله