مشكلتي اعطوني حل
صفحة 1 من 10 1234 ... الأخيرةالأخيرة
النتائج 1 إلى 4 من 39

الموضوع: مشكلتي اعطوني حل

  1. #1
    عضوة نشيطة
    تاريخ التسجيل
    Oct 2008
    المشاركات
    62
    معدل تقييم المستوى
    12

    مشكلتي اعطوني حل

    السلام عليكم أخواتي

    حابه اعرض عليكم مشكلتي وأبي ارائكم هل موقفي صح او غلط
    واللي عندها حل تدلني

    انا مشكلتي مع ام زوجي
    انسانه غريبه تحب تحش في الناس وتحش فيني خصوصا وفي اهلي قدام زوارها لما يجونها البيت ولما ادخل عليها تسكت وتغار من اقل شئ تشوفه يعجبها حتى لما اجيب لبنتي اشياء من السوق ماتعجبها تقول ماتعرفين تسوين شئ ماهو زين اللي جبتيه مع العلم اني ما اشتري الا من افضل الماركات ومن افضل الاشياء للطفل بس مايجي بعينها شئ

    اقاربنا كانوا يقولون لي تراها تحش بظهرك وتقول عنك كلام ماينقال طبعا كنت اضحك واقول بكيفها تقول اللي تقوله ماهمتني ذنوبي حلال عليها اذا تبيها

    وفي العيد اللي راح اعطتني احلا عيديه
    طلبت مني طلب وانا رفضت فانهالت علي بالسب والشتم وقذفتني في عرضي وقالت اني مو طاهره
    وربي العالم اني طاهرة وعفيفه وقالت عني كلام ماينقال والله ثم والله لو ماتمالكت نفسي كان صار شئ لايحمد عقباه من كثر ماقالت فيني
    المشكله ان زوجي قاعد يسمع الكلام ولاحرك ساكن ولاقدر حتى يرد عن شرف زوجته
    وقالت كلااااااااام كثير يدل على انها غيرانه وحاقدة علي وعلى اهلي طبعا انا من شدة الغضب رديت عليها وقلت لها كلامك مردود عليك وكل كلمه قلتيها تراها فيك فاحسن لك لاتغلطين وقامت تقول فلانه قالت عنك وحذروني الناس منك قبل مانخطبك اصلا انتي زباله ولو اني اخذت لولدي اختك فلانه كانت احسن منك(تبي تفتن بيني وبين اختي وتبيني اكرهها) يوم شفت عقليتها وصلت لهالدرجه قمت اقول لها شكرا والله يجزاك خير عرفت انها مو صاحيه
    وفلانه قالت عنك انك شيطان رجيم من شافتك
    يعني بالعربي سب سب سب لاحول ولاقوة الا بالله الله يجيرني من لسانها ووالله لو شفت زوجي تكلم ودافع او على الاقل دافع عن عرضي ماكان رديت عليها بس للاسف ماحد تكلم
    وبعدها قعدت مع زوجي اسبوع وبعدين قال لي لمي اغراضك وروحي بيت اهلك
    ورماني انا وبنتي في بيت اهلي علشان امه زعلانه؟؟؟؟ طيب انا وش دخلني ليش تطلعني من بيتي؟؟؟

    جاب امه وحطها في بيتي وكأنه يقول ان هاذي جارتك مو امه(يعني ليش جاب امه بيتي مادري كذا يبي يقهرني بس)

    وانا الان زعلانه منه اشد الزعل
    وهو وابوة يقولون اما تعتذرين والا توكلي على الله
    يعني انسبيت وانشتمت وانطردت من بيتي وانقذفت في عرضي وفي الاخير طلعت انا اللي غلطانه؟؟
    وانا اللي اروح اعتذر؟؟ يعني علشان ماوافقتها في شئ سوت فيني كذا؟؟
    واللي يزيد القهر وهي قاعده تهاوشني تقول والله لازوج ولدي وخذي بنتك مانبيها؟؟
    بالله فيه احد عاقل مايبي بنته؟


    طبعا انا الى الان مصرة على رأئي ماراح اعتذر ابدا ابدا ولو اعتذرت بتزيد قوتها وسلطتها وكلامها علي وهي من الناس اللي ماتتعظ يعني ماهمها بترجع تغلط علي

    وهي ماهمتني انا اللي قهرني زوجي اللي موقفه سلبي حتى والله كلمه حلوة مالقيتها منه بعد هالسب والشتم

    ولما جاء يراضيني ليته جاني بنفس زينه جاء يهاوشني ويغصبني اعتذر لامه ويقول اني غلطت عليه هو بعد لاني ما احترمته قدام امه


    وش رايكم؟؟؟

  2. #2
    مشرفة سابقة محررة مبدعة الصورة الرمزية الجودها
    تاريخ التسجيل
    Aug 2009
    الدولة
    منزلي
    المشاركات
    29,999
    معدل تقييم المستوى
    127

    Awards Showcase

    والله يالغاليه قصتك مرة مؤثرة تذكرنا بقصة جداتنا مع حمواتهم

    شوفي غلاتي

    اولا قولي حسبنا الله ونعم الوكيل على من ظلمني وتسبب فيني وانا ارى اذا عندوا على راييهم اعتذري لها

    شتسوين لازم تضحين علشان بنتك وعلشاان مايصير قيل وقال عنك

    وخاصه بعد كلام حماتك عنك واتهامها لك في شرفك -لها الدرجه وصلت فيها اللي ماتخاف من ربها-

    ماتعلم عن حرمة قذف المحصنات البريئات العفيفات

    والخوف من تصديق الناس لها بعد الطلاق -لاسمح الله-

    وثانيا اتكلي على ربك وانتي مظلومه وبما انك ماقدرتي تاخذين حقك الله سبحانه بياخذ حقك

    هذا غير الحسناات اللي بتحصلينها -باذن الله- لانها اغتابتك وطعنتك

    اما زوجك اذا رجعتي له لابد تفهميه بهدوء وتعتبين عليه على سلبيته معا امه وابوه لكن انتي بيت اهلك وهو عند

    اهله يزنون على دماغه ماتقدرين تتفاهمين معاه والدليل عصبيته لما جاك بيت اهلي

    اذا رجعتوا بتقدرين عليه بالكلام الطيب وبالهدوء وبحركات الحريم الحلووووة مو بالهواش ولا بالعصبيه

    اما ام زوجك اذا تقابلتي معها اتركيها ولا تجادلينها اذا قالت لك اللبن اسود قولي نعم اسود

    وخليها تحش فيك وفي اهلك - الله يعافيها على الحسنات-

    واذا قالت لك ملابس بنتك مو زينه قولي نعم مو زينه خذيها على قد عقلها واتقي شرها

    واخيرا ادعي ان الله يهدي زوجك ويسخره لك ويبعد عنك شر ام زوجك واكثري من الاستغفار ودعاء الهم والحزن

    اسفه على الاطاله وتقبلي مروووووووور خيتك الجودها



  3. #3
    محررة بيت حواء الصورة الرمزية رجوووى
    تاريخ التسجيل
    May 2008
    الدولة
    مع حمودي
    المشاركات
    2,358
    معدل تقييم المستوى
    16
    بنت لازم ترجعي روحي اعتذري وخلاااااص
    روحي بيتك قسم انها راح تنقهر وعلى فكره اذا جلستي عندك راح تثبتي كلامها عن عرضك
    يعني لو تطلقتي لا سمح الله الناس راح يصدقوووووواااااااااااااااااااا وهذا راح ياثر على سمعة بنتك
    بعدين
    لا تخلين لها مجاااال في حياتك يعني اذا انتقدتك او انتقدت بنتك عادي فوتيها طنشي بس بادب لا تقلين ادبك معاها
    اصبري عليها وابعدي عن تفاهاتها اذا كان عندها ناس لا تروحين مره
    ولا تدخلين معاها في نقاش
    ولا تراددينها في الكلام عجوزه كبيره في السن محد يلومها الله لا يردنا لارذل العمر
    ابعدي عن المتهات اللي تدخلك فيها
    اهم شي حياتك مع زوجك لا تقولين له عن امه شي وروحي اعتذري عشان تطيعينه مو عشانها
    ولا تنقلين له كلامها لانه اللي ظاهر من كلامك انه ما يرضى في امه
    وبصراحه ايش تبغينه يسوي يخاصم امه ينفخ فيها يسبها صعبه ما ترضين ولدك يسويها لك
    هذي امه لو ايش ما تسوي فيه الجنه تحت اقدامها يبغى رضاها وماراح يعقها بالكلام
    اتني اسحريه السحر الحلال في بيتك وبسسسسسسسسسسس ولا تخلين كل كلامك امه
    انشغلي ببنتك وبزوجك وبروحاتكم وجياتكم سيبيها تنتقد تتكلم تسوي مشاكل على راسها وانتي ساكته
    عشان لا يصير بينكم مشاحنات اكيد هي غيرانه منك والله راح تتعب
    بس التطنييييييييييييييييييييييييييييييييش حلووووووووووو
    خليك قويه وطنشي اهم شي بنتك
    يارب اكون افدتك كان الله في عونك والزمي الاستغفار كثير والله انه يجنن
    واشكيها لربي في صلواتك وخااااااااصه في الثلث الاخير في الليل اشكيها لله
    والله راح ينصرك
    لانك مظلومه
    اسفه بس هذي طعنت في العرض وهذا شي يحرق عليك بالدعاء
    والله والله ان لك خير في الاستغفار فالزميه

  4. #4
    محررة بيت حواء الصورة الرمزية رجوووى
    تاريخ التسجيل
    May 2008
    الدولة
    مع حمودي
    المشاركات
    2,358
    معدل تقييم المستوى
    16
    اسمعي لما تامرك على شي لا تقولين لا عشان تتقين شرها
    واي كلام يوصلك على انها قالت فيك وقالت ارميه ورى ضهرك
    الله يكون معاك

صفحة 1 من 10 1234 ... الأخيرةالأخيرة

المواضيع المتشابهه

  1. اعطوني حل ساعدوني
    بواسطة لكل قلب حكايه في المنتدى أخواتي , ساعدوني,النجده ,help me
    مشاركات: 0
    آخر مشاركة: 15-06-2013, 07:52 PM
  2. اعطوني حل
    بواسطة لكل قلب حكايه في المنتدى منتدى الاتصالات والجوالات
    مشاركات: 2
    آخر مشاركة: 20-05-2013, 01:09 AM
  3. اعطوني حل
    بواسطة لكل قلب حكايه في المنتدى أخواتي , ساعدوني,النجده ,help me
    مشاركات: 10
    آخر مشاركة: 28-12-2012, 08:46 AM
  4. اعطوني حل ابي ==========
    بواسطة احب الدعوه في المنتدى استشارات واكتشافات طبية
    مشاركات: 1
    آخر مشاركة: 01-06-2009, 02:39 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |